News May 5, 2024
சிக்கன் விலை உயர்ந்தது

ஞாயிற்றுக்கிழமை என்பதால் இன்று உணவில் சிக்கன் இல்லாமல் இருக்காது. அதனால், சிக்கன் கடைகளில் வழக்கத்தை விட கூட்டம் அதிகமாக காணப்படும். நாமக்கல்லில் இன்று கறிக்கோழி (உயிருடன்) 1 கிலோ விலை ₹127க்கு விற்பனையாகிறது. பறவைக்காய்ச்சல் எதிரொலியாக கடந்த வாரம் ₹119க்கு விற்பனையான நிலையில், 1 வாரத்தில் விலை ₹8 அதிகரித்துள்ளது. இதனால், சில்லறை விற்பனையில் பல இடங்களில் 1 கிலோ ₹250-280 வரை விற்பனையாகிறது.
Similar News
News August 31, 2025
BREAKING: புதிய டிஜிபியாக வெங்கடராமன் நியமனம்

தமிழகத்தின் சட்டம் – ஒழுங்கு டிஜிபியாக(பொறுப்பு) வெங்கடராமன் நியமிக்கப்பட்டுள்ளார். டிஜிபி சங்கர் ஜிவால் இன்று பணி ஓய்வு பெறும் நிலையில், நிர்வாக பிரிவு டிஜிபியாக உள்ள வெங்கடராமனுக்கு கூடுதல் பொறுப்பு வழங்கப்பட்டுள்ளது. நாகையை சேர்ந்த இவர், 1994-ல் IPS ஆக தேர்வானவர். பல மாவட்டங்களில் SP ஆக பணியாற்றியதோடு, முக்கியத்துவம் வாய்ந்த CBCID, நிர்வாக பிரிவிகளில் அரசின் பாராட்டை பெற்றவர்.
News August 31, 2025
PM மோடி சீனா விசிட் மூலம் ஏற்படும் மாற்றங்கள் என்ன?

7 ஆண்டுகளுக்கு பிறகு சீனா சென்றுள்ள PM மோடி, அந்நாட்டு அதிபர் ஜி ஜின்பிங்கை சந்தித்து பேசினார். இதனிடையே, *எல்லை பிரச்னையில் இருநாடுகளிடையே ஒருமித்த கருத்து. *கைலாஷ் மானசரோவர் யாத்திரை தொடக்கம். *இந்தியா – சீனா இடையே மீண்டும் நேரடி விமான சேவை உள்ளிட்ட பல மாற்றங்கள் ஏற்படவிருப்பதாக PM மோடி தெரிவித்துள்ளார். PM மோடியின் இப்பயணம் IND – USA இடையேயான வர்த்தக பிரச்னையில் முக்கியத்துவம் வாய்ந்ததாகும்.
News August 31, 2025
மீண்டும் இந்தியாவில் ‘Tiktok’.. வேலைகள் மும்முரம்?

தடை செய்யப்பட்டிருந்த Tiktok மீண்டும் இந்தியாவில் பயன்பாட்டுக்கு வருவதாக செய்திகள் வெளியான நிலையில், அதனை மத்திய IT அமைச்சகம்(MeitY) முற்றிலுமாக மறுத்தது. இந்த நிலையில்தான், ‘Tiktok India’ நிறுவனம் குருகிராமில் உள்ள அலுவலகத்தில் முக்கிய பணியிடங்களில் ஆட்களை தேர்வு செய்து வருவதாக கூறப்படுகிறது. இது மேலும் குழப்பத்தை உண்டாக்கியிருக்கிறது. இந்தியாவில் மீண்டும் Tiktok பயன்பாட்டுக்கு வரவேண்டுமா?