News November 23, 2024
இன்று, நாளை மழைக்கு வாய்ப்பு
தெற்கு அந்தமானில் வளிமண்டல மேலடுக்கு சுழற்சியால் காற்றழுத்த தாழ்வுப்பகுதி உருவானது. இது வடமேற்கில் நகர்ந்து காற்றழுத்த தாழ்வு மண்டலமாக வலுப்பெறும். இதன் காரணமாக, இன்றும், நாளையும் மிதமான மழையும், நவ.25இல் இருந்து 4 நாளைக்கு பல்வேறு மாவட்டங்களில் மிக கனமழையும் பெய்யக்கூடும் என எச்சரிக்கை விடுக்கப்பட்டுள்ளது. 25ஆம் தேதி மயிலாடுதுறை நாகை, தஞ்சை, திருவாரூரில் மிக கனமழை பெய்யும் எனக் கூறப்பட்டுள்ளது.
Similar News
News December 10, 2025
தமிழக பொறுப்பு டிஜிபிக்கு ஆஞ்சியோ சிகிச்சை
தமிழக பொறுப்பு டிஜிபி வெங்கட்ராமனுக்கு திடீர் நெஞ்சு வலி ஏற்பட்டதை அடுத்து, சென்னை அப்போலோ ஹாஸ்பிடலில் அவர் அனுமதிக்கப்பட்டுள்ளார். அவருக்கு ஆஞ்சியோ சிகிச்சை அளிக்கப்பட்டதாக தகவல்கள் வெளியாகியுள்ளன. தற்போது வெங்கட்ராமன் நலமுடன் இருப்பதாகவும், அவரது உடல்நிலையை டாக்டர்கள் குழுவினர் தீவிரமாக கண்காணித்து வருவதாகவும் ஹாஸ்பிடல் தரப்பில் தெரிவிக்கப்பட்டுள்ளது.
News December 10, 2025
இண்டிகோ விமான சேவை.. 10% வரை குறைக்க உத்தரவு
தொடர்ந்து 8-வது நாளாக இன்றும் 400க்கும் அதிகமான விமான சேவைகளை இண்டிகோ ரத்து செய்துள்ளது. இந்நிலையில், இண்டிகோ விமான சேவைகளை 10% வரை குறைக்க DGCA உத்தரவிட்டுள்ளது. இது, இண்டிகோ நிறுவனம் தங்களது செயல்பாடுகளை சீராக்கவும், விமான சேவைகள் ரத்து செய்வதை குறைக்கவும் உதவும் என்று தெரிவிக்கப்பட்டுள்ளது. இதனிடையே, இப்பிரச்னையை சரிசெய்திட போர்க்கால அடிப்படையில் செயல்படுவதாக இண்டிகோ CEO கூறியுள்ளார்.
News December 10, 2025
சினிமாவுக்கு மொழி தேவையில்லை: கமல்ஹாசன்
பொழுதுபோக்கு துறையில் உலகின் முன்னணி தொடர்பு அமைப்பாக தமிழ் எண்டர்டெய்ன்மெண்ட் துறை உயர வேண்டும் என கமல் <<18516964>>ஜியோ ஹாட்ஸ்டார்<<>> நிகழ்ச்சியில் தெரிவித்தார். Squid Game என்ற இணைய தொடர் உலகம் முழுவதும் பலகோடி பேரால் பார்க்கப்பட்டுள்ளதாகவும், சினிமாவுக்கு மொழி தேவையில்லை எனவும் அவர் கூறினார். தொழில்நுட்ப வளர்ச்சியால் ஒரு கலைஞன் எளிதில் எல்லோரையும் தொடர்புகொள்ள முடிகிறது எனவும் கமல் குறிப்பிட்டுள்ளார்.