News April 18, 2025
10 மாவட்டங்களில் இரவு 1 மணி வரை மழைக்கு வாய்ப்பு
இரவு 1 மணி வரை 10 மாவட்டங்களில் ஓரிரு இடங்களில் இடி, மின்னலுடன் லேசான மழைக்கு வாய்ப்பு இருப்பதாக IMD தெரிவித்துள்ளது. கிருஷ்ணகிரி, தருமபுரி, கரூர், நாமக்கல், சேலம் மாவட்டங்களில் இடி, மின்னலுடன் மழை பெய்யக்கூடும் என்று கூறியுள்ளது. இதேபோல், பெரம்பலூர், கோவை, திருப்பூர், தேனி, திண்டுக்கல் மாவட்டங்களிலும் மழை பெய்ய வாய்ப்பு இருப்பதாக குறிப்பிட்டுள்ளது. உங்கள் ஊரில் மழை பெய்கிறதா?
Similar News
News December 16, 2025
ஜெயிலர் 2 படத்தில் நடிக்கிறாரா காஞ்சனா நடிகை?
‘ஜெயிலர் 2’ படத்திற்காக பாலிவுட் நடிகை நோரா ஃபடேஹி சென்னையில் முகாமிட்டுள்ளதாக தகவல் வெளியாகியுள்ளது. 8 நாள்கள் இப்படத்தில் நடிக்கவுள்ளதாகவும் சினிமா வட்டாரங்கள் தெரிவிக்கின்றன. அதேநேரம், அவர் ‘காஞ்சனா 4’ படத்திலும் நடித்து வருகிறார். எனவே, அவர் இவ்விரண்டில் எந்த படத்திற்காக சென்னையில் உள்ளார் என்பது குறித்த உறுதியான தகவல்கள் இல்லை. ஏற்கெனவே மல்டி ஸ்டார்களுடன் <<18397000>>ஜெயிலர் 2<<>> தயாராகி வருகிறது.
News December 16, 2025
நாய், மாடு வரிசையில் தற்போது குதிரைகள் தொல்லை!
சென்னை சாலைகளில் நாய்களும், மாடுகளும் குறுக்கே வந்து விபத்துகள் நிகழ்வது போல, கோவையில் குதிரைகளால் அடிக்கடி விபத்துகள் நிகழ்கின்றன. வெள்ளக்கிணறு பிரிவு அருகே ஸ்கூட்டியில் தாயாரும், அவரது இரு மகன்களும் சென்று கொண்டிருந்தனர். அப்போது, திடீரென எதிர்பாராத விதமாக குறுக்கே சில குதிரைகள் ஓடி வந்துள்ளன. பிரேக் அடிப்பதற்குள் குதிரை இடித்துவிட, மூவரும் நடு ரோட்டில் பொத்தென கீழே விழுந்தனர்.
News December 16, 2025
புதுச்சேரியில் 85,531 வாக்காளர்கள் நீக்கம்
புதுச்சேரிக்கான வரைவு வாக்காளர் பட்டியல் வெளியிடப்பட்டுள்ளது. இதன்படி 85,531 வாக்காளர்கள் நீக்கப்பட்டுள்ளனர். SIR பணிகளுக்கு முன்பு 8.51 லட்சம் வாக்காளர்கள் இருந்த நிலையில், தற்போது 7.64 லட்சம் வாக்காளர்கள் உள்ளனர். அதேநேரம், நீக்கப்பட்ட வாக்காளர்களில் தகுதியானவர்கள் பெயரை பட்டியலில் சேர்க்க, தேவையான ஆவணங்களுடன் ஜன.15 வரை விண்ணப்பிக்கலாம் என கலெக்டர் குலோத்துங்கன் அறிவித்துள்ளார்.