News March 17, 2025
5 நாட்கள் மழைக்கு வாய்ப்பு
தமிழகத்தில் இன்று முதல் 5 நாட்களுக்கு மழை பெய்யக் கூடும் என, சென்னை வானிலை மையம் தெரிவித்துள்ளது. அதன்படி, தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்ய வாய்ப்புள்ளதாகக் கணித்துள்ளது. அதேவேளையில், மார்ச் 20ஆம் தேதி வரை, தமிழகத்தில் அதிகபட்ச வெப்பநிலையில் பெரிய மாற்றம் ஏற்படுவதற்கான வாய்ப்பு குறைவு எனவும் வானிலை மையம் குறிப்பிட்டுள்ளது.
Similar News
News September 24, 2025
H-1B விசா கட்டணத்தில் டாக்டர்களுக்கு விதிவிலக்கா?
அதிபர் டிரம்ப்பின் விசா கட்டண உயர்வில் சில விலக்குகள் அளிக்கப்பட உள்ளதாக வெள்ளை மாளிகை தரப்பில் தெரிவிக்கப்பட்டுள்ளது. குறிப்பாக டாக்டர்கள் மற்றும் மருத்துவப் பணியாளர்களுக்கு இந்த சலுகை அளிக்கப்படலாம் என கூறப்படுகிறது. விசா கட்டண உயர்வால் அமெரிக்காவின் மருத்துவத்துறை கடுமையான பாதிப்பை சந்திக்கும் என்று கருத்துக்கள் எழுந்த நிலையில், இது குறித்து பரிசீலிக்கப்பட்டு வருகிறதாம்.
News September 24, 2025
டி – ஷர்ட்டின் கதை தெரியுமா?
மற்ற ஆடைகளை விட பலருக்கும் சௌகரியமாகவும், ஸ்டெயிலாகவும் இருப்பது டி – ஷர்ட்தான். ஆனால் முதலில் இதை விளையாட்டு வீரர்களுக்காகவே அறிமுகமானது. ஆனால் வெயில் காலத்தில் டி-ஷர்ட் அணிவது நன்றாக இருந்ததால், 1950-களில் இது மக்களின் விருப்ப ஆடையாக மாறியது. டி- ஷர்ட்டில் உள்ள T-க்கு என்ன அர்த்தம் என யோசித்தது உண்டா?
தரையில் அதை விரித்தால் T என்னும் எழுத்தின் தோற்றம் வருவதால் T- Shirt என அழைக்கப்படுகிறது.
News September 24, 2025
விஜய்க்கு அரசியல் தெரியவில்லை: H.ராஜா
விஜய் எதுவும் தெரியாமல் கண்மூடித்தனமாக நீட் தேர்வை எதிர்ப்பதாக H.ராஜா குற்றம்சாட்டினார். விஜய்க்கு சரியான அரசியல் புரிதலும் இல்லை, சட்டமும் தெரியவில்லை என தெரிவித்த அவர் கச்சத்தீவின் ABCD விஜய்க்கு தெரியுமா எனவும் கேள்வி எழுப்பினார். கச்சத்தீவை தாரைவார்த்ததே காங்கிரஸ்தான் எனவும், இந்த அரசியலையெல்லாம் அவர் படித்துவிட்டு பின்பு களத்திற்கு வரவேண்டும் என்றும் H.ராஜா கூறியுள்ளார்.