News April 10, 2025
இன்று கனமழைக்கு வாய்ப்பு
தமிழ்நாட்டில் இன்று பரவலாக கனமழையும், நாளை முதல் 15ஆம் தேதி வரை மிதமான மழையும் பெய்யக்கூடும் என்று MET அறிவித்துள்ளது. குறிப்பாக, கோயம்புத்தூர் மாவட்ட மலைப்பகுதிகள், நீலகிரி, தேனி, தென்காசி ஆகிய மாவட்டங்களில் இன்று கனமழை பெய்ய வாய்ப்புள்ளது. மற்ற பகுதிகளில் மிதமான மழையும் புதுச்சேரி & காரைக்கால் பகுதிகளில் லேசான மழையும் பெய்யக்கூடும் என்று கணிக்கப்பட்டுள்ளது.
Similar News
News April 18, 2025
விஜய் வருகையால் திமுக, அதிமுகவுக்கு பெரும் சவால்?
2021-ல் ஸ்டாலின் தலைமையில் திமுக மீண்டும் ஆட்சிக்கு வந்தது. 234 இடங்களில் திமுக + 159 இடங்களைப் பிடித்தது. திமுக (37.7%) மட்டும் தனித்து 125 இடங்களை கைப்பற்றியது. அதிமுக + 75 இடங்களை வென்றது. இதில் அதிமுக மட்டும் (33.29%) 65 இடங்களை பெற்றது. இரு கட்சிகளுக்கும் இடையிலான வாக்கு சதவீத வேறுபாடு 5% கூட இல்லை. தற்போது விஜய் வருகையால், 2026 தேர்தல் போட்டி இன்னும் கடுமையாக இருக்கும் என கூறப்படுகிறது.
News April 18, 2025
10 முக்கிய கோயில்களில் கட்டண தரிசனம் ரத்து
தமிழகத்தில் 10 முக்கிய கோயில்களில் கட்டண தரிசனம் ரத்து செய்யப்பட்டுள்ளது. பெளர்ணமி தோறும் திருவண்ணாமலையில் திரளான பக்தர்கள் குவிந்து வருவதால், அந்நாளில் கட்டண தரிசனம் ரத்து செய்யப்படுகிறது. இந்து சமய அறநிலையத்துறை மானிய கோரிக்கைகள் மீதான விவாதத்தின்போது அமைச்சர் சேகர்பாபு இதனை அறிவித்தார். திருவிழாக்களின் போது பழநி, ஸ்ரீரங்கம் உள்ளிட்ட 10 கோயில்களிலும் கட்டண தரிசனம் ரத்து செய்யப்படுகிறது.
News April 18, 2025
சிலியில் 5.7 ரிக்டர் அளவில் நிலநடுக்கம்
சிலியின் வடக்குப் பகுதியில் திடீரென நிலநடுக்கம் ஏற்பட்டது. பூமிக்கு கீழே 178 கி.மீ ஆழத்தில் ஏற்பட்ட இந்த நிலநடுக்கம் ரிக்டர் அளவில் 5.7 ஆக பதிவானது. வீடுகள், கட்டடங்கள் லேசாக குலுங்கியதால், பொதுமக்கள் அச்சமடைந்தனர். சமீப காலமாக உலகத்தின் பல்வேறு பகுதிகளில் தினசரி நிலநடுக்கம் பதிவாகி வருகிறது. குறிப்பாக ஆசிய கண்டத்தில் அதிகமாக நிலநடுக்கம் ஏற்படுவது மக்களை கவலையில் ஆழ்த்தியுள்ளது.