India's largestHyperlocal short
news App
Get daily news updates that are tailored for you based on your preferred language & location.
download Way2News app now
Virudunagar
News November 6, 2024
பயிர் காப்பீடு செய்ய ஆட்சியர் அறிவிப்பு
விருதுநகர் மாவட்டத்தில் 2024-25 ஆம் ஆண்டின் நடப்பு ராபி பருவத்தில் உளுந்து மற்றும் பாசிப்பயறு வகைகளுக்கு பயிர் காப்பீடு பதிவு செய்ய கடைசி நாளான 15.11.2024 க்குள்ளும், மக்காச்சோளம், கம்பு, துவரை மற்றும் பருத்தி பயிர்களுக்கு பயிர் காப்பீடு பதிவு செய்ய கடைசி நாளான 30.11.2024 க்குள்ளும் காப்பீடு செய்ய வேண்டும். எனவே விவசாயிகள் பயிர் காப்பீடு செய்து பயன்பெறுமாறு ஆட்சியர் ஜெயசீலன் தெரிவித்துள்ளார்.
News November 6, 2024
விருதுநகர் வருகை தரும் முதலமைச்சர்
விருதுநகர் மாவட்டத்திற்கு வரும் முதல்வர் மு.க.ஸ்டாலினுக்கு நவ.9 அன்று சத்திரரெட்டியாபட்டி விலக்கில் 20 ஆயிரம் பேர் வரவேற்பு அளிக்கின்றனர். தொடர்ந்து ஆர்.ஆர்.நகர் ராம்கோ வளாகத்தில் மாலை 5 மணிக்கு கட்சி நிர்வாகிகளுடன் ஆலோசனை செய்கிறார். 10.11.2024 அன்று காலை 9 மணிக்கு புதிய ஆட்சியர் அலுவலகத்தை திறந்து வைத்ததை தொடர்ந்து பட்டம்புதூரில் 35,000 பேருக்கு நலத்திட்ட உதவிகள் வழங்க உள்ளார்.
News November 6, 2024
கொத்தனாரை தாக்கி ரூ.7.5 லட்சத்தை பறிப்பு
ஸ்ரீவி அருகே தைலாகுளம் வடக்கு தெருவை சேர்ந்தவர் பெரியசாமி. இவர் கொத்தனார் வேலை செய்து வருகிறார். பெரியசாமி சொந்தமாக இடம் வாங்குவதற்காக ஶ்ரீவி கனரா வங்கி கிளையில் உள்ள சேமிப்பு கணக்கில் இருந்து இன்று ரூ.7.5 லட்சத்தை எடுத்துக் கொண்டு ஸ்கூட்டரில் வீட்டிற்கு வந்தார். அப்போது, பின் தொடர்ந்த 4 பேர் கொண்ட கும்பல் பைக்கில் இருந்த ரூ.7.5 லட்சத்தை பறித்து சென்றது அதிர்ச்சியை ஏற்படுத்தியுள்ளது.
News November 6, 2024
6 தளங்களை கொண்ட புதிய ஆட்சியர் அலுவலகம்
விருதுநகர் ஆட்சியர் அலுவலக வளாகத்தில் ரூ.70.57 கோடி மதிப்பில் புதிய ஆட்சியர் அலுவலகம் கட்ட 2022 ஆம் ஆண்டு அண்ணா பிறந்த நாளன்று முதல்வர் மு.க.ஸ்டாலின் அடிக்கல் நாட்டி பணிகளை தொடங்கி வைத்தார். பணிகள் முழுமையாக நிறைவு பெற்றுள்ளதால் ஆட்சியர் அலுவலகத்தை முதல்வர் வரும் 10 ம் தேதி நேரில் திறந்து வைக்க உள்ளார். 6 தளங்கள், தரைத்தளத்தில் 132 இருக்கைகளுடன் குறைதீர் கூட்ட அரங்கம், 4 லிப்ட் வசதிகள் உள்ளன.
News November 6, 2024
ராஜபாளையம் உழவர் சந்தையில் இன்றைய விலை நிலவரம்
ராஜபாளையம் உழவர் சந்தையில் இன்று(நவ.6) கத்திரிக்காய் கிலோ ரூ.50. வெண்டைக்காய் கிலோ ரூ.45. தக்காளி கிலோ ரூ.40, அவரைக்காய் கிலோ ரூ.100, முள்ளங்கி ரூ.52. சேனைக்கிழங்கு கிலோ ரூ.100, கேரட்,முருங்கை பீன்ஸ் கிலோ ரூ.100, முட்டைக்கோஸ் கிலோ ரூ.46, சோயா பீன்ஸ் கிலோ ரூ.180, இஞ்சி கிலோ ரூ.80, எலுமிச்சை பழம் கிலோ ரூ.120, உருளைக்கிழங்கு கிலோ ரூ.70. கருணைக்கிழங்கு கிலோ ரூ.90 க்கு வி்ற்பனை செய்யப்பட்டு வருகிறது.
News November 6, 2024
ரேஷன் கடைகளில் வேலைவாய்ப்பு: நாளை கடைசிநாள்!
விருதுநகரில் உள்ள கூட்டுறவு சங்கங்களின் பதிவாளரின் கட்டுப்பாட்டில் உள்ள கூட்டுறவு சங்களால் நடத்தப்படும் நியாயவிலைக் கடைகளுக்கு விற்பனையளர்கள் மற்றும் கட்டுநர்கள் பணிக்கு நேரடி நியமனம் மூலம் பணியமர்த்தப்படவுள்ளது. தகுதி வாய்ந்த விண்ணப்பதாரர்கள் நாளை (நவ.7) மாலை 5.45 மணிக்குள் ஆன்லைனில் விண்ணப்பிக்கலாம். விருதுநகரில் காலி பணியிடங்கள் நிரப்பப்பட உள்ளன. தமிழில் பேசவும், எழுதவும் வேண்டும். *ஷேர்* SHARE
News November 5, 2024
வெடி விபத்தில் இறந்தவர்களுக்கு நிவாரணத் தொகை
விருதுநகர் மாவட்ட ஆட்சியர் அலுவலகத்தில் இன்று (05.11.24) 5 வெவ்வேறு பட்டாசு தொழிற்சாலைகளில் ஏற்பட்ட வெடி விபத்துகளில் மரணம் அடைந்தவர்களின் வாரிசுதாரர்கள் மற்றும் காயமடைந்தவர்களுக்கு முதலமைச்சரின் பொது நிவாரண நிதியிலிருந்து மொத்தம் ரூ.7 லட்சம் மதிப்பிலான நிவாரணத் தொகைக்கான காசோலைகளை மாவட்ட ஆட்சியர் முனைவர் ஜெயசீலன் வழங்கினார்.
News November 5, 2024
விருதுநகரில் மோட்டார் சைக்கிளுக்கு தீ வைப்பு
விருதுநகர் பர்மா காலனி முதல் வடக்கு தெருவில் வசித்து வருபவர் நசீர்கான். இவர் தனது மோட்டார் சைக்கிளை வீட்டின் வாசலை முன்பு நிறுத்தி உள்ளார். இந்நிலையில் மர்ம நபர் மோட்டார் சைக்கிளை தீ வைத்து விட்டு சென்றனர். மோட்டார் சைக்கிள் எரிவதை பார்த்த அக்கம் பக்கத்தினர் நசீர் கானுக்கு தகவல் தெரிவித்தனர். உடனே அவர் தண்ணீர் ஊற்றி அணைத்தார். ஆனால் அதற்குள் வண்டி முழுவதும் எரிந்தது.
News November 5, 2024
மகன் இறந்த துக்கத்தில் தம்பதியினர் தற்கொலை
சிவகாசியை சேர்ந்த பழனிச்சாமி மற்றும் அவருடைய மனைவி வக்தசலா. இவர்களது 7 வயது மகன் வைரஸ் காய்ச்சலால் உயிரிழந்தார். இதனால் துக்கம் தாளாமல் கோவையில் உள்ள தனியார் விடுதியில் தாய் மற்றும் தந்தை ஆகிய இருவரும் இன்று விஷமருந்தி தற்கொலை செய்து கொண்டனர். மேலும் தங்களது தற்கொலைக்கு காரணம் யாரும் இல்லை என்ற கடிதத்தையும் காவல் துறையினர் கைப்பற்றியுள்ளனர்.
News November 5, 2024
பைக்கில் கொண்டு சென்ற பட்டாசு வெடித்து ஒருவர் பலி
சிவகாசி புதுத்தெருவில் தீபாவளி தினத்தன்று பைக்கில் பட்டாசு கொண்டு சென்ற போது அருகில் உள்ளவர்கள் வெடித்த பட்டாசு தீப்பொறி பைக்கில் வைத்திருந்த பட்டாசுகளில் பட்டு அவை வெடித்து சிதறியது. இதில் பைக்கில் சென்ற காளிராஜன் (52) பலத்த காயமடைந்து சிவகாசி அரசு மருத்துவமனையில் சிகிச்சை பெற்று வந்த நிலையில் இன்று காலை சிகிச்சை பலனின்றி உயிரிழந்தார். இது குறித்து போலீசார் விசாரணை நடத்தி வருகின்றனர்.
Featured News
Sorry, no posts matched your criteria.