Virudunagar

News March 26, 2025

கேரளா வாலிபர் கொலையில் ஆயுள் தண்டனை

image

சென்னல்குடியை சேர்ந்த கருப்பசாமி(67), கேரளாவை சேர்ந்த விஷ்ணு(24) ஆகியோர் வச்சகாரப்பட்டி அருகே உள்ள தனியார் புளுமெட்டலில் வேலை செய்து வந்துள்ளனர். அப்போது ஏற்பட்ட பிரச்சனையில் கருப்பசாமி கத்தியால் விஷ்ணுவை தாக்கி கொலை செய்ததற்காக 7.9.2020 அன்று கைது செய்யப்பட்டார். இந்த வழக்கில் மாவட்ட கூடுதல் அமர்வு நீதிமன்றம் கருப்பசாமிக்கு ஆயுள் தண்டனை, ரூ.6500 அபராதம் விதித்து தீர்ப்பளித்துள்ளது.

News March 26, 2025

பங்குனி பொங்கல் திருவிழா நிகழ்ச்சி நிரல்

image

அருப்புக்கோட்டையில் பிரசித்தி பெற்ற ஸ்ரீ புளியம்பட்டி ஆயிரங்கண் மாரியம்மன் கோவில் பங்குனி பொங்கல் நிகழ்ச்சி நிரல் வெளியிடப்பட்டுள்ளது.இதில் ஆயிரங்கண் மாரியம்மன் கோவிலில் ஏப்.8 அன்று பங்குனி பொங்கல் கொடியேற்ற நிகழ்ச்சி நடைபெற உள்ளது. அதனைத் தொடர்ந்து ஏப்.15 பொங்கல் விழாவும், ஏப்.16 அக்னி சட்டி, பூக்குழி விழாவும், ஏப்.17 திருத்தேர் மற்றும் ஏப்.18  பூ பல்லாக்கு நிகழ்வும் நடைபெற உள்ளது.

News March 26, 2025

திருவோண நட்சத்திரத்தில் சிறப்பு அலங்காரம்

image

வைணவ தலங்களில் மிக முக்கியமான தலமாக திருவில்லிபுத்தூர் ஸ்ரீ ஆண்டாள் கோவில் உள்ளது. அந்த ஆண்டாள் பாடி கொடுத்த, சூடிக்கொடுத்த எம்பெருமான் ஸ்ரீ வடபத்திர சாயிக்கு பங்குனி 11ஆம் நாளான நேற்று பால், இளநீர், தயிர் மற்றும் தேனில் அபிஷேகம் செய்யப்பட்டு சர்வ அலங்காரத்துடன் திருவோண நட்சத்திரத்தை முன்னிட்டு சிறப்பு புறப்பாடு நடைபெற்றது.

News March 26, 2025

அருப்புக்கோட்டையில் 500 சிசிடிவி கேமராக்கள்

image

அருப்புக்கோட்டையில் குற்ற சம்பவங்களை தடுக்க நகர் காவல் நிலைய எல்லைக்குட்பட்ட பகுதிகளில் சிசிடிவி கேமராக்கள் பொருத்த வேண்டும் என கோரிக்கைகள் எழுந்தது. இந்நிலையில் அப்பகுதியில் தற்போது வரை சுமார் 500 சிசிடிவி கேமராக்கள் பொருத்தப்பட்டுள்ளன. குற்றச் சம்பவங்களில் ஈடுபடும் நபர்களை உடனுக்குடன் கண்டறிய இக்கேமராக்கள் மிகவும் பயனுள்ளதாக உள்ளது. இதனால் குற்ற சம்பவங்கள் குறையும் என போலீசார் தெரிவித்துள்ளனர்

News March 25, 2025

ஹெலிகாப்டரில் பறந்தால் பொருட்காட்சி டிக்கெட் இலவசம்

image

சிவகாசி பங்குனி பொங்கல் விழாவை முன்னிட்டு வரும் 7 மற்றும் 8ம் தேதிகளில் ஹெலிகாப்டர் ரைடு நடைபெற உள்ளது. விருதுநகர் மாவட்டத்தை சுற்றிப் பார்க்கும் வகையிலான ஹெலிகாப்டரில் பயணிக்கும் நபர்கள் அனைவருக்கும் சித்திரை திருவிழாவை முன்னிட்டு ஏப்ரல் 25 முதல் மே 25ஆம் தேதி வரை நடைபெறும் பொருட்காட்சிக்கு செல்ல 3100 ரூபாய் மதிப்பிலான நுழைவு கட்டண டிக்கெட் இலவசமாக வழங்கப்படுகிறது.

News March 25, 2025

விருதுநகரில் பார்க்க வேண்டிய 10 இடம்

image

விருதுநகர் மாவட்டத்தில சுத்திப் பார்க்க எக்கச்சக்க டூரிஸ்ட் ஸ்பாட் இருக்கு.. அதுல முக்கியமா போக வேண்டிய 10 இடங்கல சொல்றேன் போய் பாருங்க..
ஆண்டாள் ரெங்கமன்னார் கோயில்
சதுரகிரி கோயில்
ஸ்ரீ ஸ்ரீனிவாச பெருமாள் கோயில்
மடவார் வளாகம் வைத்தியநாதர் கோயில்
ஸ்ரீ நின்ற நாராயண பெருமாள் கோயில்
செண்பகத்தோப்பு
அய்யனார் அருவி
ஸ்ரீபத்ரகாளியம்மன் கோயில்
பிளவக்கல் அணை
குல்லூர் சந்தாய் நீர்த்தேக்கம்
Share It.

News March 25, 2025

சாத்தூரில் மாங்கல்ய பலம் அளிக்கும் மீனாட்சி

image

சாத்தூர் அருகே கோல்வார்பட்டியில் கோயில் கொண்டிருக்கும் அன்னை மீனாட்சி இப்பகுதி மக்களின் இஷ்டதெய்வமாக கோலோச்சி வருகிறாள். இங்கு அம்பாளும், சுவாமியும் கிழக்கு நோக்கி எழுந்தருளியும், மீனாட்சி திருக்கரத்தில் கிளிக்கு பதிலாக தாமரையை ஏந்தியபடி தரிசனம் தருகிறாள்.11 வாரங்கள் மீனாட்சியை வணங்கி, கடைசி வாரம் ஹோமம் செய்தால் பெண்களுக்கு மாங்கல்ய பலம் பெருகும், தீர்க்க சுமங்கலியாக வாழும் பாக்கியம் கிடைக்கும்.

News March 25, 2025

சாலை விபத்தில் உணவக ஊழியர் உயிரிழப்பு

image

சிவகாசி பராசக்தி காலனியைச் சேர்ந்தவர் சேதுராஜ்(47). உணவக ஊழியரான இவர் பணி முடிந்து திருத்தங்கல் சாலையில் இருசக்கர வாகனத்தில் சென்று கொண்டிருந்தார். அப்போது பின்னாலிருந்து வந்த மற்றொரு பைக் மோதியதில் தூக்கி வீசப்பட்டு பலத்த காயமடைந்தார். விருதுநகர் அரசு கல்லூரி மருத்துவமனைக்கு கொண்டு சென்ற நிலையில் சிகிச்சை பலனின்றி உயிரிழந்தார். விபத்து குறித்து போலீஸ் விசாரணை நடத்தி வருகின்றனர்.

News March 25, 2025

குடும்ப நல அறுவை சிகிச்சை செய்து விருதுநகர் மாவட்டம் முதலிடம்

image

விருதுநகர் மாவட்ட ஆட்சியர் அலுவலகக் கூட்டரங்கில், மருத்துவம் மற்றும் மக்கள் நல்வாழ்வுத்துறை சார்பாக 2023-24 ஆம் ஆண்டில் தமிழகத்திலேயே அதிகப்படியான குடும்ப நல அறுவை சிகிச்சை செய்தமைக்காக மாநில அளவில் முதல் மற்றும் இரண்டாமிடம் பெற்றமைக்காக விருதுகள் பெற்ற மருத்துவ அலுவலர்கள் மாவட்ட ஆட்சித்தலைவர் முனைவர் வீ.ப.ஜெயசீலன், இ.ஆ.ப.,பெற்ற விருதினை காண்பித்து வாழ்த்து பெற்றனர்.

News March 24, 2025

இஸ்லாமியர்களை சித்தப்பா என அழைப்பேன் – ராஜேந்திர பாலாஜி

image

ராஜபாளையத்தில் SDPI கட்சி சார்பில் நடைபெற்ற சமூக நல்லிணக்க இப்தார் நோன்பு திறக்கும் நிகழ்ச்சியில் முன்னாள் அமைச்சர் ராஜேந்திர பாலாஜி கலந்து கொண்டு நோன்பு கஞ்சி அருந்தினார். பின்னர் பேசிய அவர் இஸ்லாமியர்களுக்கும், விஸ்வகர்மா சமுதாயத்தில் பிறந்த எனக்கும் தொப்புள்கொடி உறவு உள்ளது. இஸ்லாமியர்களை நான் சித்தப்பா என அழைப்பேன், அவர்கள் என்னை மகன் என அழைப்பார்கள் என பேசினார்.

error: Content is protected !!