• Download our app

Virudunagar

News November 16, 2024

தமிழ் திரைப்பட இயக்குநர் சுரேஷ் சங்கையா மறைவு

image

ராஜபாளையம் அருகே கரிசல்குளத்தை சேர்ந்தவர் சுரேஷ் கங்கையா. இவர் 2017 இல் ஒரு கிடாயின் கருணை மனு,சத்தியசோதனை படத்தை இயக்கியுள்ளார். ஒரு கிடாயின் கருணை மனு திரைப்படம் விமரிசன ரீதியாக கவனம் பெற்றது. இந்த நிலையில், கல்லீரல் செயலிழப்பால் உடல்நலம் பாதிக்கப்பட்டு வந்த சுரேஷ் சங்கையா, சென்னை ராஜீவ்காந்தி அரசு மருத்துவமனையில் அனுமதிக்கப்பட்டு சிகிச்சை பெற்று வந்த நிலையில் சிகிச்சை பலனின்றி உயிரிழந்தார்.

News November 16, 2024

எஸ்.பி. அறிக்கை சமர்பிக்க எஸ்.சி ஆணையம் உத்தரவு

image

கூமாபட்டியை சேர்ந்த முத்துக்குமாரை செப்.30 அன்று வெட்டிக் கொலை செய்தனர். இதில் 3 பேரை போலீஸார் கைது செய்தனர். அக்.1 அன்று நடைபெற்ற கலவரத்தில் 250 க்கும் மேற்பட்டோர் மீது வழக்கு பதிவு செய்தனர். இந்த வழக்குகளை ரத்து செய்யக் கோரி த.வி.இ.தலைவர் கருப்பையா தேசிய எஸ்.சி ஆணையத்திடம் மனு அளித்திருந்தார். இந்த மனுவை ஏற்ற தேசிஎஸ்.சி ஆணையம் விருதுநகர் மாவட்ட எஸ்.பி.விரிவான அறிக்கையை சமர்ப்பிக்க உத்தரவிட்டனர்.

News November 16, 2024

 பூம்பிடாகையில் புகையிலை பறிமுதல்

image

விருதுநகர் மாவட்டம் நரிக்குடி சரகம் அ.முக்குளம் அருகேயுள்ள பூம்பிடாகை பகுதியில் புகையிலை விற்கப்படுவதாக போலீசாருக்கு ரகசிய தகவல் கிடைத்தது. இதையடுத்து சோதனை மேற்கொண்ட போது ராமகிருஷ்ணன் என்பவரது பெட்டிக்கடையில் அரசால் தடை செய்யப்பட்ட சுமார் 9 புகையிலை பாக்கெட்டுக்கள் இருப்பது தெரிய வந்தது. இதையடுத்து அ.முக்குளம் போலீசார் பூம்பிடாகையை சேர்ந்த ராமகிருஷ்ணன் மீது வழக்குப்பதிவு செய்தனர்.

News November 16, 2024

விருதுநகரில் இன்று மின்தடை அறிவிப்பு

image

விருதுநகரில் இன்று காலை 9 மணி முதல் மாலை 5 மணி வரை விருதுநகர் பழைய பேருந்து நிலைய பகுதி, மேலரத வீதி, பாத்திமா நகர், இந்திரா நகர், பாண்டியன் காலனி, அல்லம்பட்டி, லட்சுமி நகர், எம் ஜி ஆர் நகர், அருப்புக்கோட்டையில் பெரிய புளியம்பட்டி, பாளையம்பட்டி, பந்தல்குடி, சிவகாசியில் ஆனையூர், விளாம்பட்டி, ஹவுசிங் போர்டு, கிச்சநாயக்கன்பட்டி, ஸ்ரீ மாரியம்மன் நகர், லட்சுமியாபுரம் ஆகிய பகுதிகளில் மின்தடை.
*பகிரவும்*

News November 15, 2024

முதல்வருக்கு நன்றி தெரிவித்த பட்டாசு தொழிலாளர் சங்கத்தினர்

image

தமிழ்நாடு முதலமைச்சர் பட்டாசு தொழிற்சாலையில் ஏற்படும் விபத்துக்களில் உயிரிழக்கும் தொழிலாளர்களின் குழந்தைகளுக்கு உயர்கல்வி வரையிலான அனைத்து கல்வி செலவுகளையும் அரசே ஏற்றுக்கொள்ளும் என்று அறிவித்ததைத் தொடர்ந்து, விருதுநகர் மாவட்டம் பட்டாசு மற்றும் தீப்பெட்டி தொழிலாளர்கள் சங்கத்தினர் ஆட்சியரை நீரில் சந்தித்து தமிழக முதல்வருக்கு நன்றி தெரிவித்தனர்.

News November 15, 2024

சிறு தானிய உணவு தயாரிக்கும் பயிற்சி

image

விருதுநகர் மாவட்டம் நரிக்குடி யூனியன் அலுவலக வளாகத்தில் உள்ள தமிழ்நாடு மாநில ஊரக வாழ்வாதார இயக்க அலுவலகத்தில் தமிழ்நாடு திறன் மேம்பாட்டு கழகமும், தனியார் அறக்கட்டளை நிறுவனமும் இணைந்து சிறு தானிய உணவு தயாரிக்கும் பயிற்சியை தொடங்கியுள்ள நிலையில் ஒரு மாதம் இந்த பயிற்சி நடைபெறுகிறது. அதன்படி நரிக்குடியில் இன்றைய உணவாக கீரை பூரி உள்ளிட்ட பல்வேறு சிறு தானிய உணவுகள் காட்சிக்கு வைக்கப்பட்டது.

News November 15, 2024

சொத்து குவிப்பு வழக்கு விசாரணை ஒத்திவைப்பு

image

2006-2011 திமுக ஆட்சி காலத்தில் அமைச்சராக இருந்த தங்கம் தென்னரசு மற்றும் மனைவி மணிமேகலை மீது தொடரப்பட்ட வழக்கில் இருந்து இருவரையும் விடுதலை செய்து ஸ்ரீவி முதன்மை அமர்வு நீதிமன்றம் உத்தரவிட்டது. இந்த வழக்கில் சீராய்வு மனுவை தாமாக முன்வந்து விசாரணைக்கு சென்னை உயர்நீதிமன்றம் எடுத்தது. இந்நிலையில், இன்று விசாரணைக்கு வந்த நிலையில்,வழக்கு விசாரணையை டிச.13 ஆம் தேதிக்கு ஒத்தி வைத்து நீதிபதி உத்தரவிட்டார்.

News November 15, 2024

 பெளர்ணமியை முன்னிட்டு அன்னாபிஷேக நிகழ்ச்சி

image

விருதுநகர் மாவட்டம் திருச்சுழி அருள்மிகு ஸ்ரீ பூமிநாதர் கோயிலில் ஐப்பசி மாதம் பெளர்ணமியை முன்னிட்டு சிவனுக்கு அன்னாபிஷேகம் நடைபெற்றது. அப்போது சுவாமியை காய்கறிகள் மற்றும் அன்னத்தால் அலங்காரம் செய்யப்பட்டு சிறப்பு பூஜைகள் மற்றும் தீபாராதனை நடைபெற்றது. இதில் ஏராளமான பக்தர்கள் கலந்துகொண்டு சுவாமி தரிசனம் செய்தனர். பின்னர் பக்தர்களுக்கு பிரசாதமாக அன்னம் வழங்கப்பட்டது.

News November 15, 2024

அரசு மருத்துவமனையில் உங்களுக்கு உதவலாமா திட்டம்

image

விருதுநகர் அரசு மருத்துவக் கல்லூரி மருத்துவமனையில் வெளி நோயாளிகளின் எண்ணிக்கை நாளுக்கு நாள் அதிகரித்து வருகிறது. இவர்கள் தங்கள் நோய்க்கான மருத்துவரை கண்டறிந்து சிகிச்சை பெறுவதில் சிரமத்தை சந்தித்து வந்தனர். இந்த பிரச்சனையை சரி செய்யும் பொருட்டு மருத்துவமனை நிர்வாகத்தால் அவசர சிகிச்சை பிரிவு உள்ளிட்ட முக்கிய பகுதிகளில் “உங்களுக்கு உதவலாமா” திட்டத்தை மருத்துவமனை நிர்வாகம் துவங்கியுள்ளது.

News November 15, 2024

மரங்களை சேதப்படுத்திய காட்டு யானை

image

ஸ்ரீவில்லிபுத்தூர் மேற்குத் தொடர்ச்சி மலை அடிவாரத்தில் உள்ள செண்பகத்தோப்பு, ராக்கச்சி அம்மன்கோவில், விரியன் கோவில், மம்சாபுரம், அத்தித்துண்டு, திருவண்ணாமலை, பந்தப்பாறை உள்ளிட்ட பகுதிகளில் மலையை ஓட்டி பல ஆயிரம் ஏக்கர் விவசாய நிலங்கள் உள்ளன. இந்நிலையில், கடந்த சில மாதங்களாக இப்பகுதியில் முகாமிட்டுள்ள காட்டு யானைகள் பந்தப்பாறை பகுதியில் விவசாய நிலங்களுக்குள் புகுந்து சேதப்படுத்தி வருகின்றன.

Featured News

Sorry, no posts matched your criteria.

↑