India's largestHyperlocal short
news App
Get daily news updates that are tailored for you based on your preferred language & location.
download Way2News app now
Villupuram
News July 13, 2024
விக்கிரவாண்டி இடைத்தேர்தல்: வாக்கு எண்ணிக்கை 2/2
வாக்கு எண்ணிக்கை மையத்தின் முக்கியப் பகுதிகளில் கண்காணிப்பு கேமராக்கள் பொருத்தப்பட்டு, வாக்குப் பதிவு இயந்திரங்கள் பாதுகாப்பு அறை, வாக்கு எண்ணும் மையத்தின் ஒட்டுமொத்த செயல்பாடுகளும் கண்காணிக்கப்படும். வாக்கு எண்ணிக்கை மையம், மின்னணு வாக்குப் பதிவு இயந்திரங்கள் வைக்கப்பட்டுள்ள அறை முன் துப்பாக்கி ஏந்திய போலீசார் மற்றும் மத்திய பாதுகாப்புப் படையினர் பாதுகாப்புப் பணியில் ஈடுபடுவர்.
News July 13, 2024
விக்கிரவாண்டி இடைத்தேர்தல்: இன்று வாக்கு எண்ணிக்கை
விக்கிரவாண்டி இடைத்தேர்தலின் வாக்கு எண்ணிக்கை இன்று காலை 8 மணிக்கு தொடங்குகிறது. முதலில் தபால் வாக்குகள் 7 மணிக்கு எண்ணப்படும். வாக்கு எண்ணிக்கை 20 சுற்றுகளாக நடைபெறும். பகல் 12 மணிக்குள் வெற்றி நிலவரம் தெரியவரும் என எதிர்பார்க்கப்படுகிறது. இதனால், பனையபுரம் அரசு மேல்நிலைப் பள்ளியில் பலத்த பாதுகாப்பு ஏற்பாடுகள் செய்யப்பட்டுள்ளன. 150 பேர் வாக்கு எண்ணிக்கை பணியில் ஈடுபடுத்தப்படவுள்ளனர்.
News July 13, 2024
விக்கிரவாண்டி இடைத்தேர்தல்: வாக்கு எணிக்கை 1/2
விக்கிரவாண்டி இடைத்தேர்தலில் பதிவான வாக்குகள் நாளை (ஜூலை 13) வாக்கு எண்ணிக்கை பனையபுரம் அரசு மேல்நிலைப் பள்ளியில் எண்ணப்படும் . 20 சுற்றுகளாக வாக்கு எண்ணிக்கை நடைபெறவுள்ளது. இதற்காக 14 மேஜைகள் அமைக்கப்பட்டுள்ளன. தபால் வாக்கு எண்ணிக்கைக்காக 2 மேஜைகள் அமைக்கப்பட்டுள்ளன. 1 சுற்றாக தபால் வாக்குகள் எண்ணப்படவுள்ளன. மாவட்ட எஸ்.பி. தலைமையில் மூன்றடுக்கு போலீஸ் பாதுகாப்பு போடப்படுள்ளது.
News July 12, 2024
விக்கிரவாண்டியில் நாளை வாக்கு எண்ணிக்கை
விக்கிரவாண்டி திமுக எம்எல்ஏ புகழேந்தி கடந்த ஏப்ரல் 6ஆம் தேதி உடல்நலக் குறைவால் உயிரிழந்தார். இந்த தொகுதிக்கு கடந்த ஜூலை 10 இடைத்தேர்தல் நடந்தது. திமுகவின் அன்னியூர் சிவா, பாமக சி.அன்புமணி, நாதக அபிநயா உள்பட 29 வேட்பாளர்கள் போட்டியிட்டநிலையில், இவர்கள் மூவர் இடையே கடும் போட்டி நிலவும் என தெரிகிறது. நாளை வாக்கு எண்ணிக்கை நடைபெற உள்ளதால், வாகைசூடப் போவது யார்? என்ற எதிர்ப்பார்ப்பு எழுந்துள்ளது.
News July 12, 2024
வாக்கு எண்ணும் பணிக்கு 150 பேர் நியமனம்
விக்கிரவாண்டி வாக்கு எண்ணும் மையத்தில் வாக்கு எண்ணிக்கையின் போது ஒவ்வொரு மேஜைக்கும் 1 மேற்பார்வையாளர், 1 உதவியாளர், 1 நுண்பார்வையாளரும் நியமிக்கப்பட்டுள்ளனர். அதேபோன்று தபால் வாக்கு எண்ணும் போது இரண்டு மேஜைக்கு 1 மேற்பார்வையாளர், 1 உதவியாளர், 1 நுண்பார்வையாளர் என நிர்ணயிக்கப்பட்டுள்ளனர். மேலும் வாக்குப்பதிவு இயந்திரங்கள் எடுத்துச் செல்வதற்காக 14 கிராம உதவியாளர்கள் நியமிக்கப்பட்டுள்ளனர்.
News July 12, 2024
விழுப்புரம்: இரவு 7 மணி வரை மழைக்கு வாய்ப்பு
தமிழகத்தில் பல்வேறு மாவட்டங்களில் இன்று (12-07-2024) மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. அந்த வகையில், மேற்கு திசை காற்றின் வேகமாறுபாடு காரணமாக, விழுப்புரம் மாவட்டத்தில் இரவு 7 மணி வரை லேசானது முதல் மிதமானது வரை மழை பெய்ய வாய்ப்புள்ளதாக அறிவிக்கப்பட்டுள்ளது.
News July 12, 2024
20 சுற்றுகள் வாக்கு எண்ணிக்கை
விக்கிரவாண்டி காலை 8 மணிக்கு முதலாவதாக தபால் வாக்குகள் எண்ணப்படும். இவை அங்கு போடப்பட்டுள்ள தனி அறையில் 2 மேஜைகளில் எண்ணப்படும். அதன் பிறகு மின்னணு வாக்கு பதிவு எந்திரங்கள் பதிவாகியுள்ள வாக்குகள் எண்ணிக்கை தொடங்கப்படும். இதற்காக 14 மேஜைகள் போடப்பட்டுள்ளன. 20 சுற்றுகள் நடைபெறும் என தெரிவிக்கப்பட்டுள்ளது. முடிவுகள் உடனுக்குடன் ஒலிபெருக்கி மூலம் அறிவிக்கப்படும்.
News July 12, 2024
விக்கிரவாண்டி இடைத்தேர்தலில் வெற்றி வாய்ப்பு யாருக்கு?
விக்கிரவாண்டியில் கடந்த 2 முறை நடந்த சட்டப்பேரவை தேர்தல்களிலும் திமுகவே வெற்றி பெற்றிருப்பதால், இம்முறையும் திமுக வெற்றிபெற அதிக வாய்ப்புள்ளது என்று தெரிகிறது. அதேபோல், இந்த தொகுதியில் வன்னியர் சமுதாய மக்கள் அதிகம் இருப்பதால், பாமகவுக்கு வெற்றி வாய்ப்பு கணிசமாக உள்ளது. இவ்விரண்டு கட்சிகளுடன் ஒப்பிடும்போது, நாதக-வுக்கு வாக்கு வங்கி அதிகரிக்குமே தவிர வெற்றி வாய்ப்பு குறைவாகவே உள்ளது.
News July 12, 2024
விக்கிரவாண்டி இடைத்தேர்தல்: நாளை வாக்கு எண்ணிக்கை
விக்கிரவாண்டி இடைத்தேர்தலின் வாக்குகள் நாளை எண்ணப்பட்டு முடிவுகள் அறிவிக்கப்படவுள்ளன. கடந்த 10ஆம் தேதி அமைதியான முறையில் வாக்குப்பதிவு நடந்ததையடுத்து, EVM இயந்திரங்கள் 3 அடுக்கு பாதுகாப்புடன் பூட்டி வைக்கப்பட்டுள்ளது. திமுக, பாமக, நாதக என மும்முனை போட்டியாக இருக்கும் என்பதால், எந்த கட்சி விக்கிரவாண்டியைக் கைப்பற்ற போகிறது என எதிர்பார்ப்பு அதிகரித்துள்ளது. மொத்தமாக 82.48% வாக்குப்பதிவு நடந்தது.
News July 11, 2024
விழுப்புரம்: திருநங்கைகள் சிறப்பு குறைதீர் முகாம்
விழுப்புரம் மாவட்ட ஆட்சியர் அலுவலக வளாகத்தில் திருநங்கைகள் மற்றும் திருநம்பிகள் சிறப்பு குறைதீர்ப்பு முகாம் ஜூலை 18ஆம் தேதி நடைபெற உள்ளது என்று மாவட்ட ஆட்சியரகம் அறிவித்துள்ளது. மேலும் இது தொடர்பான விவரங்களை https://tg.tnsw.in இணைய முகவரியை பயன்படுத்தி பதிவு செய்து கொள்ளுமாறு அறிவுறுத்தப்பட்டுள்ளது.
Featured News
Sorry, no posts matched your criteria.