India's largestHyperlocal short
news App
Get daily news updates that are tailored for you based on your preferred language & location.
download Way2News app now
Villupuram
News September 13, 2024
விழுப்புரத்தில் 21,080 பேர் தேர்வு எழுதுகின்றனர்
தமிழ்நாடு அரசுப்பணியாளர் தேர்வாணையத்தின் சார்பில், ஒருங்கிணைந்த குடிமைப் பணிகள் தேர்வு II (தொகுதி – II மற்றும் II A) பதவிகளுக்கான முதல்நிலை தேர்வு நடைபெற உள்ளது. விழுப்புரம் வட்டத்தில் 33 தேர்வு மையங்களில்
14,920 நபர்களும், திண்டிவனம் வட்டத்தில் 20 தேர்வு மையங்களில் 6,160 நபர்கள் என
மொத்தம் 53 தேர்வு மையங்களில் 21,080 நபர்கள் தேர்வு எழுத உள்ளனர் என மாவட்ட ஆட்சியர் தகவல் தெரிவித்துள்ளார்.
News September 13, 2024
வரலாற்று வெற்றியை பதிவு செய்ய வேண்டும்: அமைச்சர்
செஞ்சி கிழக்கு ஒன்றிய திமுக செயல்வீரர்கள் கூட்டம் இன்று நடைபெற்றது. இதில் அமைச்சர் மஸ்தான் கலந்து கொண்டு, “தமிழ்நாடு முதலமைச்சர் அறிக்கையின்படி 2026இல் சட்டமன்ற தேர்தலில் திமுக வரலாற்று வெற்றியை பதிவு செய்ய இன்று முதலே கள பணியை தொடங்குவோம். ஒற்றுமையாக செயல்படுவோம். திமுகவிற்கு மக்கள் வாக்களிக்க தயாராக உள்ளார்கள். எனவே, கடமையை பொறுப்புடனும், கண்ணியத்துடனும் நிறைவேற்றங்கள்” எனப் பேசினார்.
News September 13, 2024
முதல்வரின் அமெரிக்கப் பயணத்தை விமர்சித்த ராமதாஸ்
முதல்வரின் அமெரிக்கப் பயணம் குறித்து ராமதாஸ் அறிக்கை வெளிட்டுள்ளார் அமெரிக்காவின் சான்பிரான்சிஸ்கோ, சிகாகோ ஆகிய நகரங்களில் 17 நாட்கள் சுற்றுப்பயணம் மேற்கொண்ட முதலமைச்சர் தலைமையிலான குழுவினர், 18 நிறுவனங்களுடன் ரூ.7,616 கோடி முதலீட்டை ஈர்ப்பதற்கான உடன்பாடுகளில் கையெழுத்திட்டுள்ளனர். ஒப்பீட்டளவில் பார்க்கும் போது இது மிக மிக குறைவு என விமர்சித்துள்ளார்.
News September 13, 2024
குடும்ப அட்டைதாரர்களுக்கு குறைத்தீர் முகாம்
விழுப்புரம் மாவட்ட ஆட்சியர் பழனி வெளியிட்ட செய்தி குறிப்பில், மாவட்டத்திலுள்ள அனைத்து வட்டாட்சியர் அலுவலகங்களிலும் வரும் செப் 14-ஆம் தேதி (நாளை) பொது விநியோகத் திட்ட குறைதீர் முகாம் நடைபெறவுள்ளது. இதில், குடும்ப அட்டையில் பெயர் சேர்த்தல், நீக்குதல், முகவரி, கைபேசி எண் மாற்றுதல் உள்ளிட்ட கோரிக்கையை மனுக்களாக கொடுத்து தீர்வு காணலாம் என தெரிவிக்கப்பட்டுள்ளது. ஷேர் செய்து நண்பர்களுக்கு உதவவும்.
News September 13, 2024
விடுமுறையில் 410 சிறப்பு பேருந்துகள் இயக்கம்
விழுப்புரம் அரசு போக்குவரத்து கழகம் சார்பில் வார இறுதி நாட்கள் மற்றும் மிலாடி நபியை ஒட்டி அதிகளவிலான மக்கள் வெளியூர்களுக்கு பயணம் மேற்கொள்வார்கள். அவர்களின் வசதிக்காக, சென்னை கிளாம்பாக்கத்தில் இருந்து விழுப்புரம், கள்ளக்குறிச்சி, கடலூர், விருத்தாசலம், திருவண்ணாமலை உள்ளிட்ட பகுதிகளுக்கு செல்ல கூடுதலாக 410 பேருந்துகளும் சிறப்பு பேருந்துகள் இயக்கப்படும் என நேற்று (செப் 12) தெரிவிக்கப்பட்டுள்ளது.
News September 13, 2024
பாலியல் வன்கொடுமை தடுப்பு காவலில் மூவர் கைது
விழுப்புரம் அனைத்து மகளிர் காவல் நிலைய போலீசார் கடந்த ஆகஸ்ட் 8-ம் தேதி 16-வயது சிறுமியை பாலியல் வன்கொடுமை செய்த வழக்கில் சரண்ராஜ், வாசு, பிரவீன் ஆகிய மூவரையும் கைது செய்தனர். இந்நிலையில் நேற்று மாவட்ட எஸ்.பி., தீபக் சிவாஜி பரிந்துரையின் பெயரில் மாவட்ட ஆட்சியர் பழனி உத்தரவின் படி, போலீசார் தடுப்பு காவலில் சரண்ராஜ், பிரவீன், வாசு மூவரையும் கைது செய்து கடலூர் மத்திய சிறையில் அடைத்தனர்.
News September 13, 2024
மோட்டார் வாகன ஆய்வாளர் உட்பட 38 பேர் மீது வழக்கு
திண்டிவனம் ஆா்.டி.ஓ அலுவலகத்தில் நேற்று முன்தினம் ரூ.1.20 லட்சம் கணக்கில் வராத பணம் பறிமுதல் செய்யப்பட்டது. இந்த விவகாரத்தில், மோட்டாா் வாகன ஆய்வாளா் சுந்தரராஜ், அலுவலக ஊழியா்கள் உள்ளிட்ட 38 போ் மீது விழுப்புரம் மாவட்ட ஊழல் தடுப்பு மற்றும் கண்காணிப்புப் பிரிவு போலீஸாா் நேற்று வழக்குப் பதிந்து விசாரணை நடத்தி வருகின்றனர். அரசு அதிகாரிகள் சிக்கிய இந்த விவகாரம் குறித்து உங்கள் கருத்து?
News September 13, 2024
செஞ்சிக் கோட்டையை குறித்து ஆட்சியர் ஆலோசனைக் கூட்டம்
யுனஸ்கோ குழவினர், செஞ்சிக்கோட்டையினை உலக பாரம்பரிய நினைவுச்சின்னமாக அங்கீகரிப்பது தொடர்பாக பார்வையிட வருகை தரவுள்ளனர். அதனை முன்னிட்டு, மேற்கொள்ள வேண்டிய முன்னேற்பாடு பணிகள் குறித்து செஞ்சி வருவாய் வட்டாட்சியர் அலுவலகத்தில், மாவட்ட ஆட்சியர் பழனி தலைமையில் நேற்று (12.09.2024) ஆலோசனைக்கூட்டம் நடைபெற்றது. இதில், கூடுதல் ஆட்சியர் (வளர்ச்சி) திரு.ஸ்ருதஞ்ஜெய் நாராயணன் உடனிருந்தார்.
News September 12, 2024
விழுப்புரம் திருப்பதி ரயில் பகுதியளவில் ரத்து
ரயில் பாதை பராமரிப்பு பணிகள் காரணமாக இன்று (செப்.12) முதல் செப்.20 வரை விழுப்புரத்திலிருந்து திருப்பதிக்கு அதிகாலை 5.35 மணிக்கு புறப்படும் விரைவு ரயில் காட்பாடி வரை மட்டும் இயக்கப்படவுள்ளது. மறுமாா்க்கமாக திருப்பதியிலிருந்து நன்பகல் 1.40 மணிக்கு புறப்பட வேண்டிய விரைவு ரயில் காட்பாடியிலிருந்து 4.40 மணிக்கு புறப்படும் என தெற்கு ரயில்வே தெரிவித்துள்ளது.
News September 12, 2024
அரசு போக்குவரத்து அலுவலகத்தில் ரூ.1.19 லட்சம் பறிமுதல்
விழுப்புரம் திண்டிவனம் புறவழிச் சாலையில் வட்டார போக்குவரத்து அலுவலகம் செயல்பட்டு வருகிறது. இந்த அலுவலகத்தில் நேற்று மாவட்ட ஊழல் தடுப்பு டிஎஸ்பி வேல்முருகன் தலைமையிலான போலீசார் திடீர் சோதனை செய்தனர். இதில், அலுவலக ஊழியா்களிடமிருந்து கணக்கில் வராத ரூ.1.19 லட்சம் கைப்பற்றப்பட்டது. பின்னர்,அலுவலக ஊழியா்கள், இடைத்தரகா்களிடம் விசாரணை நடத்தியதாக ஊழல் தடுப்புப் பிரிவு போலீஸாா் தெரிவித்தனர்.
Featured News
Sorry, no posts matched your criteria.