India's largestHyperlocal short
news App
Get daily news updates that are tailored for you based on your preferred language & location.
download Way2News app now
Villupuram
News September 15, 2024
இரவு ரோந்து போலீசார் விவரம் வெளியீடு
விழுப்புரம் மாவட்டத்தில் இன்று இரவு 10 மணி முதல் காலை 6 மணி வரை இரவு ரோந்து பணிக்கு அதிகாரிகள் நியமிக்கப்பட்டுள்ளனர். பொதுமக்கள் தங்களுக்கு அருகில் உள்ள உங்கள் உட்கோட்ட பகுதியில் ரோந்து பணியில் உள்ள அலுவலர்களை அவசர காலத்திற்கு அழைக்கலாம். இரவு ரோந்து பணியில் ஈடுபடும் அதிகாரிகளின் தொலைபேசி எண்கள் மேலே கொடுக்கப்பட்டுள்ளது. அசம்பாவிதம் ஏற்படாமல் இருக்க, பொதுமக்கள் முன்னெச்சரிக்கையாக இருங்கள்.
News September 15, 2024
விசிக மாநில துணைச் செயலாளர் மறைவு
விழுப்புரம் மாவட்டம் வானூர் கிராமத்தைச் சேர்ந்த விசிக மாநில துணைச் செயலாளர் (கல்வி பொருளாதாரம் இயக்கம்) பாலு, இன்று காலை மாரடைப்பால் உயிரிழந்தார். அவரது உடலுக்கு, விழுப்புரம் மாவட்ட ஊராட்சி குழு துணை பெருந்தலைவரும், முன்னாள் மாவட்ட செயலாளருமான எழுத்தாளர் ஏ.சேரன் மலர் வளையம் வைத்து நிர்வாகிகளுடன் அஞ்சலி செலுத்தினார். பின்னர், விசிக நிர்வாகிகள் பலர் மாலை அணிவித்து அஞ்சலி செலுத்தினர்.
News September 15, 2024
முன்னாள் அமைச்சர் மகன் திருமண நிகழ்ச்சியில் அன்புமணி
சென்னையில் உள்ள ஸ்ரீ இராமச்சந்திரா கன்வென்ஷன் சென்டரில், முன்னாள் மத்திய அமைச்சர் எஸ்.திருநாவுக்கரசரின் இளைய மகன் சாய் விஷ்ணுவுக்கு நடிகை மேகா ஆகாஷ் உடன் இன்று திருமணம் நடைபெற்றது. இணையரின் திருமண வரவேற்பு நிகழ்ச்சியில், பாமக தலைவர் அன்புமணி ராமதாஸ் பங்கேற்று மணமக்களை வாழ்த்தினார். அவரைத் தொடர்ந்து, பாமக நிர்வாகிகள் வாழ்த்து தெரிவித்தனர். நேற்று, முதல்வர் ஸ்டாலின் வாழ்த்து தெரிவித்தார்.
News September 15, 2024
திமுகவில் இணைந்த மாற்றுக் கட்சியினர்
வானூர் அடுத்த பூத்துறை ஊராட்சியில், அதிமுக, பாமக, தேமுதிகவைச் சேர்ந்த மாற்றுக் கட்சியினர் 250 பேர், விழுப்புரம் தெற்கு மாவட்ட செயலாளர் கௌதமசிகாமணி தலைமையில் தங்களை திமுகவில் இணைந்து கொண்டனர். அவர்களுக்கு அடிப்படை உறுப்பினர் அட்டை வழங்கப்பட்டு திமுகவினர் வரவேற்றனர். இதில், மாநில ஆதிதிராவிடர் நலக்குழு இணைச் செயலாளர், மாவட்ட துணை செயலாளர், செயற்குழு உறுப்பினர் உள்ளிட்ட பலர் கலந்து கொண்டனர்.
News September 15, 2024
விழுப்புரத்தில் அண்ணா சிலைக்கு மாலை அணிவித்த அமைச்சர்
அண்ணாவின் 116- வது பிறந்தநாளை ஒட்டி விழுப்புரம் மாவட்ட திமுக சார்பில் இன்று கலைஞர் அறிவாலயத்தில் உள்ள அண்ணா சிலைக்கு மாவட்ட பொறுப்பாளர் டாக்டர் பொன். கௌதம சிகாமணி தலைமையில் திமுகவினர் மாலை அணிவித்தனர் அப்போது எம்.எல்.ஏகள் பண்ணிர்செல்வம், அன்னியூர் சிவா, மாவட்ட துணை செயலாளர் இளந்திரையன் உட்பட பலர் கலந்து கொண்டனர்.
News September 15, 2024
விழுப்புரம்: ரூ.356.91 கோடி மதிப்பீட்டில் தீர்வு
விழுப்புரம் மாவட்ட முதன்மை அமர்வு நீதிமன்றத்தில் நேற்று தேசிய மக்கள் நீதிமன்றம் நடைபெற்றது. இதற்கு முதன்மை மாவட்ட நீதிபதி பூர்ணிமா தலைமை தாங்கி பேசுகையில், “நான் முதன்மை மாவட்ட நீதிபதியாக பொறுப்பேற்ற 2021 நவம்பா் முதல் 2024, ஜூன் மாதம் சுமாா் 31 ஆயிரம் வழக்குகளுக்கு ரூ.356.91 கோடி மதிப்பீட்டில் தேசிய மக்கள் நீதிமன்றத்தின் மூலம் தீர்வு காணப்பட்டிருக்கிறது என கூறினார்.
News September 15, 2024
விழுப்புரத்தில் 5372 பேர் ஆப்சென்ட்
தமிழகம் முழுவதும் குரூப் 2 தேர்வு நேற்று நடைபெற்றது. விழுப்புரம் வட்டப் பகுதிகளில் இத்தேர்வை எழுத விண்ணப்பித்திருந்த 14,920 பேரில் 11,181 போ் மட்டுமே எழுதினா். திண்டிவனம் வட்டப் பகுதிகளில் 6,160 போ் விண்ணப்பித்திருந்த நிலையில் 4,527 போ் மட்டுமே எழுதினா். மொத்தம் 21,080 பேரில் 15,708 போ் மட்டுமே தோ்வில் பங்கேற்ற நிலையில், 5,372 போ் தோ்வெழுத வரவில்லை.
News September 15, 2024
அண்ணா பிறந்தநாள் விழா: நிர்வாகிகளுக்கு அழைப்பு
பேரறிஞர் அண்ணாவின் 116ஆவது பிறந்தநாள் விழா, செஞ்சி அடுத்த அப்பம்பட்டில் நாளை காலை 10 மணியளவில் நடைபெற உள்ளது. இதில், அமைச்சர் செஞ்சி மஸ்தான் மற்றும் மாவட்ட பொறுப்பாளர் சேகர் ஆகியோர் கலந்து கொண்டு, அண்ணாவின் திருவுருவப்படத்திற்கு மலர் தூவி மரியாதை செலுத்த உள்ளனர். இந்நிகழ்வில், அனைத்து திமுக நிர்வாகிகளும் கலந்து கொள்ள வேண்டுமென ஒன்றிய செயலாளர் விஜயகுமார் அழைப்பு விடுத்துள்ளார்.
News September 14, 2024
சலவைத் தொழிலாளியை கொலை செய்த இருவர் கைது
விழுப்புரம், கீழ்பெரும்பாக்கம் பகுதியைச் சேர்ந்தவர் ரஞ்சித் குமார். சலவை தொழிலாளியான இவர், தனது நண்பர்களான முரளி மற்றும் அருண்குமார் இருவருடன் நேற்று முன்தினம் சித்தேரிக்கரை பகுதியில் மது அருந்திக் கொண்டிருந்தனர். அப்போது ஏற்பட்ட தகராறில் முரளி, அருண்குமார் இருவரும் ரஞ்சித்குமார் தலையில் கல்லை போட்டு கொலை செய்துள்ளனர். இதுதொடர்பாக தாலுகா போலீசார் அருண்குமார், முரளி இருவரையும் கைது செய்தனர்.
News September 14, 2024
இரவு ரோந்து போலீசார் விவரம் வெளியீடு
விழுப்புரம் மாவட்டத்தில் இன்று (14.09.2024) இரவு 10 மணி முதல் காலை 6 மணி வரை இரவு ரோந்து பணிக்கு அதிகாரிகள் நியமிக்கப்பட்டுள்ளனர். பொதுமக்கள் தங்கள் உட்கோட்ட பகுதியில் ரோந்து பணியில் உள்ள அலுவலர்களை அவசர காலத்திற்கு அழைக்கலாம். இரவு ரோந்து பணியில் ஈடுபடும் அதிகாரிகளின் தொலைபேசி எண்கள் மேலே கொடுக்கப்பட்டுள்ளன.
Featured News
Sorry, no posts matched your criteria.