India's largestHyperlocal short
news App
Get daily news updates that are tailored for you based on your preferred language & location.
download Way2News app now
Villupuram
News September 17, 2024
தமிழக அரசு முனைப்பு காட்டவில்லை: அன்புமணி
விழுப்புரம் மாவட்டம் திண்டிவனத்தில், பாட்டாளி மக்கள் கட்சித் தலைவர் அன்புமணி ராமதாஸ் இடஒதுக்கீட்டு போராட்டத்திற்காக உயிர் நீத்தவர்களுக்கு இன்று நேரில் சென்று அஞ்சலி செலுத்தினர். பின்னர் செய்தியாளர்களை சந்தித்த அவர், தமிழ்நாட்டில் சாதிவாரி கணக்கெடுப்பு அவசியம் என்றும், வன்னியர்களுக்கு 10.5% உள் ஒதுக்கீடு வழங்க தமிழக அரசு முனைப்பு காட்டவில்லை என்றும் அவர் தெரிவித்துள்ளார்.
News September 17, 2024
இட ஒதுக்கீடு தியாகிகள் திருவுருவ படங்களுக்கு வீரவணக்கம்
திண்டிவனம் மாநில வன்னியர் சங்க அலுவலகத்தில் இன்று காலை இட ஒதுக்கீடு தியாகிகள் திருவுருவ படங்களுக்கு பாமக நிறுவனர் மருத்துவர் ராமதாஸ் மற்றும் பாமக தலைவர் டாக்டர் அன்புமணி ராமதாஸ் ஆகியோர் மலர் தூவி வீர வணக்கம் செலுத்தினர். உடன் பாமக கௌரவ தலைவர் ஜி.கே.மணி, வன்னியர் சங்க தலைவர் பு.தா.அருள்மொழி, பேராசிரியர் செல்வகுமார், வழக்கறிஞர் பாலு உள்ளிட்ட பலர் கலந்து கொண்டனர்.
News September 17, 2024
பாமக தலைவர் அன்புமணி அறிக்கை வெளியீடு
கல்வியும்,வேலைவாய்ப்பும் எட்டாக்கனியாக இருந்த பாட்டாளி மக்களின் வாழ்க்கையை உயர்த்துவதற்காக மரு.அய்யா விடுத்த அறைகூவலை ஏற்று, உலகமே உற்றுப்பார்த்த தொடர்சாலை மறியல் போராட்டத்தில் பங்கேற்று காவல்துறையினரின் துப்பாக்கிக் குண்டுகளுக்கும், தாக்குதலுக்கும் இன்னுயிரை ஈந்த 21 தியாகிகளுக்கும் 37-ஆவது நினைவு நாளான இன்று அவர்கள் செய்த தியாகம் ஈடு இணையற்றது என அன்புமணி அறிக்கை வெளியிட்டுள்ளார்.
News September 17, 2024
பெரியார் கோட்டோவியத்துடன் எம்பி வாழ்த்து
தந்தை பெரியாருக்கு 146ஆவது பிறந்தநாள் விழாவை முன்னிட்டு விழுப்புரம் எம்.பி து.ரவிக்குமார் தனது சமூக வலைதள பக்கத்தில் “மண்டை சுரப்பை உலகு தொழும் மனக்குகையில் சிறுத்தை எழும் “
என்ற வாசகம் மற்றும் தந்தை பெரியாரின் கோட்டோவியம் படத்தையும் சேர்த்து தெரிவித்து பதிவிட்டுள்ளார்.
News September 17, 2024
பாமக தொண்டர்களுக்கு மடல்
பாமக நிறுவனர் ராமதாஸ் வெளியிட்டுள்ள அறிகையில், “திமுக அரசின் சமூக அநீதிக்கு வயது 900 நாட்கள்: இன்னுயிரை ஈந்தேனும் இழந்த சமூக நீதியை மீட்டெடுப்பேன்! உழைப்பையும், வழி நடத்தலையும் கடந்து, இன்னுயிரை ஈர்த்தால் தான் வன்னிய மக்களுக்கு சமூகநீதி சாத்தியமாகும் என்றால் அதற்கும் நான் தயாராகவே இருக்கிறேன். வன்னியர்களுக்கான உள் இட ஒதுக்கீட்டை சாத்தியமாக்கும் வரை ஒய மாட்டேன்” என்று தெரிவித்துள்ளார்.
News September 17, 2024
பெண் போலீசை கத்தியால் வெட்ட முயன்ற ரவுடி கைது
விழுப்புரம் ஊரல்கரைமேடு பகுதியில் ஒருவர் கத்தியுடன் பொதுமக்களை மிரட்டுவதாக தகவல் கிடைத்தது. அதன்பேரில் நகர காவல் நிலைய சிறப்பு எஸ்ஐ, தனது குழுவினருடன் சம்பவ இடத்திற்கு சென்றார். அப்போது, அந்த நபர், பெண் கான்ஸ்டபிளை கத்தியால் வெட்ட முயன்றார். பின்னர், போலீசார் அவரை மடக்கி பிடித்து கைது செய்தனர். பின்னர், விசாரணையில் அந்த நபர், பிரபல ரவுடி என்பது தெரியவந்தது.
News September 17, 2024
இஸ்லாமியர்களுக்கு பாமக நிறுவனர் வாழ்த்து
மிலாது நபி திருநாளை முன்னிட்டு இஸ்லாமியர்களுக்கு பாட்டாளி மக்கள் கட்சி நிறுவனர் மருத்துவர் ச.இராமதாசு வாழ்த்து தெரிவித்துள்ளார். அதன்படி, சகோதரத்துவத்தை வலியுறுத்திய இறைத்தூதர் நபிகள் நாயகத்தின் பிறந்த நாளான மிலாது நபி திருநாளைக் கொண்டாடும் உலகெங்கும் உள்ள இஸ்லாமியர்களுக்கு நல்வாழ்த்துகளை தெரிவித்துள்ளார் .
News September 17, 2024
முகையூரில் 10-11ஆம் நூற்றாண்டு சிற்பம்
விழுப்புரம் வரலாற்று ஆய்வாளரும் எழுத்தாளருமான செங்குட்டுவன் சமூக வலைத்தளத்தில் வெளியிட்டுள்ள செய்தியில், முகையூர் அடுத்த கழுமலம் கிராமத்திலுள்ள சிறிய விநாயகர் கோயிலில், விநாயகருக்கு அருகில் சமண தீர்த்தங்கரர் மகாவீரர் சிற்பம் உள்ளது. இச்சிற்பம் 10-11ஆம் நூற்றாண்டைச் சேர்ந்தது. மக்கள் இதை சமணச் சிற்பம் என அறியாமலேயே விநாயகருடன் சேர்த்து இதற்கும் பூஜை செய்து வருகின்றனர் என்று குறிப்பிட்டுள்ளார்.
News September 17, 2024
அக்டோபர் 15ஆம் தேதி த.வெ.க. மாநாடு?
விக்கிரவாண்டி அடுத்த வி.சாலை பகுதியில், தமிழக வெற்றிக் கழகத்தின் முதல் மாநாடு நடத்துவதற்கு விழுப்புரம் மாவட்ட காவல்துறை அனுமதி அளித்திருந்தது. இந்நிலையில், செப்டம்பர் 15ஆம் தேதி மாநாடு நடக்க இருப்பதாக சுவர் விளம்பரம் செய்யப்பட்டிருந்த நிலையில், அக்டோபர் 15ஆம் தேதி மாநாடு நடைபெற இருப்பதாக விக்கிரவாண்டி பகுதியில் சுவர் விளம்பரம் செய்யப்பட்டுள்ளது. இதனால், ரசிகர்கள் பெரும் எதிர்பார்ப்பில் உள்ளனர்.
News September 17, 2024
இரவு ரோந்து போலீசார் விவரம் வெளியீடு
விழுப்புரம் மாவட்டத்தில் இன்று (16.09.2024) இரவு 10 மணி முதல் காலை 6 மணி வரை இரவு ரோந்து பணிக்கு போலீசார் நியமிக்கப்பட்டுள்ளனர். அவசர காலத்திற்கு உங்கள் உட்கோட்ட அதிகாரியை அழைக்கலாம் அல்லது 100ஐ டயல் செய்யலாம். விழுப்புரம், விக்கிரவாண்டி, திண்டிவனம், செஞ்சி, கோட்டகுப்பம் ஆகிய நகரங்களைச் சார்ந்த பொதுமக்கள் இந்த வாய்ப்புகளை பயன்படுத்திக் கொள்ளலாம்.
Featured News
Sorry, no posts matched your criteria.