India's largestHyperlocal short
news App
Get daily news updates that are tailored for you based on your preferred language & location.
download Way2News app now
Villupuram
News September 30, 2024
விழுப்புரத்திற்கு இன்று பிறந்தநாள்
விழுப்புரம் மாவட்டம் உருவாகி இன்றுடன் 31 ஆண்டுகள் நிறைவடைந்துள்ளது. ஆங்கிலேயர் காலத்தில் 1801 ஆம் ஆண்டு கடலூரை தலைமையிடமாகக் கொண்டு தென்னார்க்காடு மாவட்டம் உருவாக்கப்பட்ட நிலையில், 1993 ஆம் ஆண்டு விழுப்புரம் தனி மாவட்டமாக பிரிக்கப்பட்டது. நீர் வளமும், நிலவளமும், புகழ்பெற்ற சுற்றுலா தளங்களும், வரலாற்று தடயங்களும் நிறைந்த விழுப்புரத்திற்கு இன்று பிறந்தநாள். ஷேர் பண்ணுங்க
News September 30, 2024
விழுப்புரத்தில் 2 பேர் குண்டர் சட்டத்தில் கைது
விழுப்புரம் சத்தியமங்கலம் பகுதியில் பன்னீர்செல்வம் மற்றும் சீனிவாசன் ஆகிய இருவரும் ஆக.7ஆம் தேதி வழிப்பறியில் ஈடுபட்டதாக கைது செய்யப்பட்டனர். இந்நிலையில், அவர்களது குற்ற நடவடிக்கையை தடுக்கும் பொருட்டு ஆட்சியர் பழனி உத்தரவின்படி, எஸ்.பி.தீபக் சிவாஜ் பரிந்துரையின் பேரில் போலீசார் குண்டர் சட்டத்தில் கைது செய்து பன்னீர்செல்வத்தை கடலூர் மத்திய சிறையிலும், சீனிவாசனை சென்னை புழல் சிறையிலும் அடைத்தனர்.
News September 30, 2024
துணை முதலமைச்சரை நேரில் சந்தித்து வாழ்த்து
விளையாட்டுத் துறை அமைச்சர் உதயநிதி ஸ்டாலின், இன்று சென்னையில் உள்ள ஆளுநர் மாளிகையில் துணை முதல்வராக பொறுப்பேற்றுக் கொண்டார். அவருக்கு அமைச்சர்கள், எம்.எல்.ஏ.க்கள், மூத்த நிர்வாகிகள் வாழ்த்துத் தெரிவித்து வருகின்றனர். அந்த வகையில், வனத்துறை அமைச்சர் க.பொன்முடி மற்றும் விழுப்புரம் தெற்கு மாவட்ட செயலாளர் பொன். கௌதமசிகாமணி ஆகியோர் நேரில் சந்தித்து வாழ்த்துக்களைத் தெரிவித்தனர்.
News September 29, 2024
திண்டிவனம் அருகே கார் மோதி 3 பேர் பலி
சென்னையில் இருந்து விழுப்புரம் நோக்கி சென்ற கார் இன்று காலை மயிலம் அடுத்த விளங்கம்பாடி சாலையில் நடந்து சென்றவர் மீது மோதி விபத்துக்குள்ளானது. தொடர்ந்து கட்டுப்பாட்டை இழந்து பைக்கில் சென்றவர்கள் மீதும் கார் மோதியது. இந்த விபத்தில் 3 பேர் சம்பவ இடத்திலேயே உயிரிழந்தனர். விபத்தை ஏற்படுத்திய காரில் வந்தவர்கள் தப்பியோடிய நிலையில், இதுகுறித்து மயிலம் போலீசார் விசாரணை நடத்தி வருகின்றனர்.
News September 29, 2024
விழுப்புரம் அமைச்சர் பதவி இழந்தார்
தமிழக அமைச்சரவையில் நேற்று பல்வேறு மாற்றங்கள் செய்யப்பட்டுள்ளதாக ஆளுநர் மாளிகை தகவல் தெரிவித்துள்ளது. அந்த வகையில், தமிழக உயர்கல்வித்துறை அமைச்சராக இருந்த பொன்முடிக்கு இலாகா மாற்றம் செய்யப்பட்டு உள்ளது. மேலும் சிறுபான்மையினர் மற்றும் வெளிநாடு வாழ் தமிழர் நலத்துறை அமைச்சராக இருந்த செஞ்சி மஸ்தான் பதவி நீக்கம் செய்யப்பட்டுள்ளார்.
News September 28, 2024
இரவு ரோந்து போலீசார் விவரம் வெளியீடு
விழுப்புரம் மாவட்டத்தில் இன்று (28.09.2024) இரவு 10.00 மணி முதல் காலை 6.00 மணி வரை இரவு ரோந்து பணிக்கு அதிகாரிகள் நியமிக்கப்பட்டுள்ளனர். பொதுமக்கள் தங்களுக்கு அருகில் உள்ள உங்கள் உட்கோட்ட பகுதியில் ரோந்து பணியில் உள்ள அலுவலர்களை அவசர காலத்திற்கு அழைக்கலாம். இரவு ரோந்து பணியில் ஈடுபடும் அதிகாரிகளின் தொலைபேசி எண்கள் மேலே கொடுக்கப்பட்டுள்ளன.
News September 28, 2024
23 பேரை கைது செய்ய வேண்டும் – ராமதாஸ்
மேல்மலையனூர் விவசாயி தற்கொலை குறித்து இன்று ராமதாஸ் தனது சமூக வலைத்தள பக்கத்தில் கூறியுள்ளதாவது: தீக்குளித்து தற்கொலை செய்த மோகன்ராஜ் தனது தற்கொலை கடிதத்தில் கூறியுள்ளவாறு, தற்கொலைக்கு காரணமான 23 பேர் மீதும் வழக்குப் பதிவு செய்து கைது செய்ய வேண்டும். மோகன்ராஜின் குடும்பத்தினருக்கு ரூ.25 லட்சம் இழப்பீடும், குடும்பத்தில் ஒருவருக்கு அரசு வேலையும் தமிழ்நாடு அரசு வழங்க வேண்டும் என கூறியுள்ளார்.
News September 28, 2024
விழுப்புரம் மாவட்ட செயலாளர் அறிக்கை
விழுப்புரம், திமுக பவளவிழா மற்றும் முப்பெரும் விழாவையொட்டி திமுக துணைபொதுச்செயலாளரும், உயர்க்கல்வி துறை அமைச்சருமான முனைவர் க.பொன்முடி அவர்கள் வரும் 30ம் தேதி திங்கட்கிழமை திருக்கோவிலூர் சட்டமன்ற தொகுதி
முகையூர் ( வடக்கு ) ஒன்றியம், மணம்பூண்டி ஒன்றியம் பகுதிகளில் திமுக கொடியேற்றி நலத்திட்ட உதவிகளை வழங்குகிறார் என விழுப்புரம் தெற்கு மாவட்ட செயலாளர் டாக்டர் பொன். கௌதமசிகாமணி அறிக்கை விடுத்துள்ளார்.
News September 28, 2024
விழுப்புரம்-திருப்பதி விரைவு ரயில் பகுதியளவில் ரத்து
ரயில்வே தண்டவாள பராமரிப்பு பணிகள் காரணமாக, இன்று விழுப்புரம் – திருப்பதி விரைவு ரயில் காட்பாடி ரயில் நிலையத்துடன் நிறுத்தப்படும் எனவும், எதிர் வழித்தடத்தில் புறப்பட வேண்டிய திருப்பதி – விழுப்புரம் விரைவு ரயில் காட்பாடியில் இருந்து புறப்பட்டு விழுப்புரத்திற்கு வந்தடையும் என திருச்சி கோட்ட மக்கள் தொடர்பு அலுவலகம் தகவல் வெளியிட்டுள்ளது.
News September 28, 2024
போதை பொருட்கள் விற்பனை செய்த கடைகளுக்கு சீல்
விழுப்புரம் மாவட்டத்தில் கடந்த 4 நாட்களில் தமிழக அரசால் தடை செய்யப்பட்ட புகையிலை பொருட்கள் விற்ற மொத்தம் 41 கடைகள் சீல் வைக்கப்பட்டு உள்ளது. ஒவ்வோரு கடைகளுக்கும் ரூ 25,000 விதம் அபராதம் விதிக்கப்பட்டது. மேலும் இந்த ஆய்வு தொடர்ந்து மாவட்டம் முழுக்க நடைபெற்றுக் கொண்டிருக்கும் என துறையை சார்ந்த அதிகரிக்க தகவல் தெரிவித்துள்ளனர்.
Featured News
Sorry, no posts matched your criteria.