India's largestHyperlocal short
news App
Get daily news updates that are tailored for you based on your preferred language & location.
download Way2News app now
Villupuram
News May 8, 2024
BREAKING விழுப்புரம்: வெளுத்து வாங்கும் கனமழை
விழுப்புரம் மாவட்டத்தின் காணை, பெரும்பாக்கம், கோனூர், மாம்பழப்பட்டு, சென்னாகுனம், கல்பட்டு, பிடாகம் உள்ளிட்ட கிராமப்புற பகுதிகளில் இன்று காலை முதல் மழை வெளுத்து வாங்கி வருகிறது. இதனால் கோடை வெயில் கொடுமையால் வாடி வந்த மக்களுக்கு ‘வாராது வந்த மாமணியாய்’ வந்த இந்த கனமழை குளிர்ச்சியான சூழலை ஏற்படுத்தியதோடு, அவர்களது மனங்களை மகிழ்வித்துள்ளது.
News May 7, 2024
செஞ்சியில் குவிந்த 10,000 நெல் மூட்டைகள்
செஞ்சி ஒழுங்குமுறை விற்பனை கூடம் மிகவும் பிரசித்தி பெற்ற விற்பனை கூடமாக திகழ்ந்து வருகிறது. இந்நிலையில் செஞ்சி ஒழுங்குமுறை விற்பனை கூடத்திற்கு பல்வேறு மாவட்டங்களில் இருந்து மற்றும் கிராம பகுதியில் இருந்து விவசாயிகள் விளைவித்த நெல் மற்றும் மணிலா பொருட்களை கொண்டு வந்தனர். இன்று ஒரே நாளில் மட்டும் 10,000 நெல் மூட்டைகள் விற்பனைக்காக குவிந்தன.
News May 7, 2024
நீங்களும் இனி ரிப்போர்ட்டர் தான்
தமிழில் முன்னணி Short News செயலியான Way2News-ல், உங்களை சுற்றி நடக்கும் உள்ளூர் நிகழ்சிகள், புகார்கள், கோரிக்கைகள், அரசியல் நிகழ்வுகளை செய்திகளாக பதிவேற்றி நீங்களும் செய்தியாளராக மாறுங்கள். ஏதேனும் சந்தேகம் இருந்தால் 9642422022, என்ற எண்ணிற்கு தொடர்பு கொள்ளவும்.
News May 7, 2024
பால்குடம் எடுத்த பக்தர்கள் தரிசனம்
செஞ்சி அடுத்த கீழ்மாம்பட்டு கிராமத்தில் அமைந்துள்ள பிரசித்தி பெற்ற ஸ்ரீ அம்மாச்சார் அம்மன் ஆலய 24 -ஆம் ஆண்டு பிரஹ்மோத்தவ திருவிழா இன்று நடைபெற்றது. திருவிழாவில் நூற்றுக்கு மேற்பட்ட பக்தர்கள் கலந்து கொண்டு பால்குடம் எடுத்து ஊர்வலமாக வந்து அம்மனை தரிசனம் செய்தனர்.
News May 7, 2024
வாக்கு எண்ணும் மையம்: விழுப்புரம் ஆட்சியர் ஆய்வு
விழுப்புரம் நாடாளுமன்ற தேர்தல் நடைபெற்று முடிந்ததை தொடர்ந்து, வாக்கு எண்ணும் மையமான விழுப்புரம் அறிஞர் அண்ணா அரசு கலை மற்றும் அறிவியல் கல்லூரியில் பாதுகாப்பு அறைகளில் வாக்குப்பதிவு இயந்திரங்களை சிசிடிவி கேமராக்கள் மூலம் கண்காணிக்கப்பட்டு வருவதை மாவட்ட ஆட்சித்தலைவர் பழனி, நேரில் இன்று பார்வையிட்டு ஆய்வு செய்தார்.
News May 7, 2024
மாவட்டச் செயலாளர் திறந்து வைத்த தண்ணீர் பந்தல்
விழுப்புரம் மாவட்டம் விக்கிரவாண்டி சட்டமன்ற தொகுதியில் இன்று (மே 7) தேமுதிக சார்பில் தண்ணீர் பந்தல் திறக்கப்பட்டது. விக்கிரவாண்டி பேருந்து நிலையம் அருகே இன்று காலை தேமுதிக மாவட்ட செயலாளர் எல்.வெங்கடேசன் தலைமையில் கோடை வெப்பத்தை தவிர்க்கும் வகையில், பொதுமக்களுக்காக தண்ணீர் பந்தல் திறக்கப்பட்டது. இதில் கேப்டன் மன்ற மாநில செயலாளர் மற்றும் மாவட்ட ஒன்றிய கிளை நிர்வாகிகள் திரளாக கலந்து கொண்டனர்.
News May 7, 2024
விலங்கியல் பாடத்தில் சதம் அடித்த மாணவி
செஞ்சி ஊராட்சி ஒன்றியத்துக்குட்பட்ட நல்லாண்பிள்ளைபெற்றாள் ஊராட்சியில் உள்ள அரசினர் மேல்நிலைப் பள்ளியில் 12ஆம் வகுப்பு விலங்கியல் பாடத்தில் ச.வசந்தி என்ற மாணவி நூற்றுக்கு 100 மதிப்பெண் எடுத்து சாதனை படைத்துள்ளார். அதேபோல், அப்பள்ளியின் 12ஆம் வகுப்பு தேர்ச்சி 97%. முதல் மதிப்பெண் கவியரசி – 511/600, 2ஆம் மதிப்பெண் பா.சந்தியா – 500/600, 3ஆம் மதிப்பெண் கோமதி – 494/600 பெற்றுள்ளனர்.
News May 6, 2024
விழுப்புரம் மாவட்ட ஆட்சியர் ஆய்வு
விழுப்புரம் நாடாளுமன்ற தேர்தல் நடைபெற்று முடிந்ததை தொடர்ந்து, வாக்கு எண்ணும் மையமான விழுப்புரம் அறிஞர் அண்ணா அரசு கலை மற்றும் அறிவியல் கல்லூரியில் பாதுகாப்பு அறைகளில் 06 சட்டமன்ற தொகுதிகளுக்குட்பட்ட வாக்குப்பதிவு இயந்திரங்கள் CCTV கேமராக்கள் மூலம் கண்காணிக்கப்பட்டு வருகிறது. இதனை மாவட்ட ஆட்சித்தலைவர் பழனி அவர்கள் நேரில் இன்று பார்வையிட்டு ஆய்வு செய்தார்.
News May 6, 2024
அரசு பள்ளி 8 ஆண்டுகளாக சாதனை
வானூர் தாலூகா கோட்டக்குப்பம் அரசு மேல்நிலைப் பள்ளி மாணவர்கள் 12ஆம் வகுப்பு பொதுத் தேர்வில் 100 % தேர்ச்சி பெற்று சாதனை படைத்தனர். மாணவி சபிதா 537 மதிப்பெண்ணும், ஜனனி 520, ஷாலினி 510 மதிப்பெண் பெற்றுள்ளனர். இந்தப் பள்ளி வானூர் வட்டார பகுதியில் தொடர்ந்து 8 ஆண்டுகளாக 100% தேர்ச்சி பெற்று சாதனை புரிந்து வருகிறது. இந்த பள்ளிக்கு பொதுமக்கள் பலரும் தங்களது பாராட்டுக்களை தெரிவித்து வருகின்றனர்.
News May 6, 2024
+2 தேர்வில் சத்தியமங்கலம் பள்ளி அசத்தல்
நடந்து முடிந்த பன்னிரண்டாம் வகுப்பு பொதுத் தேர்வில் விழுப்புரம் மாவட்டம் செஞ்சி வட்டம் சத்தியமங்கலம் அரசு மேல்நிலைப் பள்ளி நூறு சதவீதம் தேர்ச்சி பெற்று சாதனை புரிந்துள்ளது. இப்பள்ளியில் தேர்வெழுதிய 197 மாணவர்களும் தேர்ச்சி பெற்றுள்ளனர். இதனால் தலைமை ஆசிரியர் உள்ளிட்ட முதுகலை ஆசிரியர்களுக்கு ஊர்ப் பொதுமக்கள் சார்பாக வாழ்த்துகள் குவிந்து வருகிறது.
Featured News
Sorry, no posts matched your criteria.