India's largestHyperlocal short
news App
Get daily news updates that are tailored for you based on your preferred language & location.
download Way2News app now
Villupuram
News May 16, 2024
விழுப்புரம்: மோர், வாழைப்பழம், வெள்ளரிக்காய் வழங்கல்
விழுப்புரம் மாவட்டம், மரக்காணம் பேருந்து நிலையம் பகுதியில், மரக்காணம் ஒன்றிய திமுக சார்பில் பொதுமக்களுக்கு ஒன்றிய செயலாளர், ஒன்றிய பெருந்தலைவர் தயாளன் ஏற்பாட்டில் பொதுமக்களுக்கு வெயிலை ஒட்டி வெள்ளரிக்காய், மோர், வாழைப்பழம் உள்ளிட்ட பொருட்களை விழுப்புரம் வடக்கு திமுக மாவட்ட துணைச் செயலாளர் ரவிக்குமார் நேற்று (மே 15) வழங்கினார்.
News May 15, 2024
தார் சாலை மற்றும் சிமெண்ட் சாலை அமைக்கும் பணி ஆய்வு
விழுப்புரம் மாவட்டம், முகையூர் ஊராட்சி ஒன்றியம், பில்ராம்பட்டு முதல் அருணாபுரம் வரை பிரதம மந்திரி கிராம சாலை திட்டத்தின்கீழ், தார் சாலை மற்றும் சிமெண்ட் சாலை அமைக்கும் பணிகளை மாவட்ட ஆட்சித் தலைவர் பழனி அவர்கள் நேரில் பார்வையிட்டு ஆய்வு செய்தார். உடன் ஊரக வளர்ச்சித்துறை செயற்பொறியாளர் ராஜா உட்பட பலர் உள்ளனர்.
News May 15, 2024
விழுப்புரத்தில் ஆட்சியர் ஆய்வு
விழுப்புரம் நகராட்சிக்குட்பட்ட நரசிங்கபுரம் பகுதியில் அமைந்துள்ள மேல்நிலை நீர்த்தேக்கத் தொட்டியினை தூய்மைப்பணியாளர்கள் மூலம் தூய்மை செய்யும் பணிகள் மேற்கொள்ளப்பட்டு குடிநீர் விநியோகம் செய்யப்பட்டு வருகிறது. இதனை மாவட்ட ஆட்சித்தலைவர் பழனி அவர்கள் இன்று நேரில் பார்வையிட்டு ஆய்வு செய்தார். தமிழ்நாடு குடிநீர் வடிகால் வாரியம், செயற்பொறியாளர் மோகன் ஆகியோர் உடனிருந்தனர்.
News May 15, 2024
விழுப்புரம் கலெக்டருக்கு எம்பி பாராட்டு
“கஞ்சனூர் அருகில் குடிநீர் கிணற்றில் கிடந்தது மலம் அல்ல; தேனடை என்பது உறுதி செய்யப்பட்டுள்ளது. விரைந்து நடவடிக்கை எடுத்து விளக்கம் அளித்த ஆட்சியருக்கு பாராட்டுகள். விக்கிரவாண்டி இடைத்தேர்தல் நடக்கவுள்ள நிலையில் சமூகப் பதற்றத்தை ஏற்படுத்தும் நிகழ்வுகளை எச்சரிக்கையாக கையாள வேண்டும் என ஊடகங்கள் உள்ளிட்ட அனைத்துத் தரப்பினரையும் வேண்டிக் கேட்டுக்கொள்கிறேன்” என ரவிக்குமார் எம்பி தெரிவித்துள்ளார்.
News May 15, 2024
குடிநீர் கிணற்றில் மலமா? வதந்திக்கு முற்றுப்புள்ளி
விழுப்புரம் மாவட்டம் விக்கிரவாண்டி வட்டம் கஞ்சனூர் ஊராட்சிக்குட்பட்ட கே.ஆர்.பாளையத்தில் உள்ள குடிநீர் திறந்தவெளி கிணற்றில் மலம் கிடப்பதாக இன்று காலை சுமார் 9 மணி அளவில் வதந்தி பரவி பரபரப்பை ஏற்படுத்தியது. இந்நிலையில் சம்பந்தப்பட்ட துறையினர் நேரடி ஆய்வு செய்ததில் அது மலம் அல்ல; தேனடை என கண்டறியப்பட்டது. அதனை கிராம மக்கள் அனைவருக்கும் காண்பித்து வதந்திக்கு முற்றுப்புள்ளி வைத்தனர்.
News May 15, 2024
விழுப்புரம்: நாளை இங்கெல்லாம் மின்தடை
ஜானகிபுரம் துணைமின் நிலையத்தில் நாளை பராமரிப்பு பணிகள் நடைபெற உள்ளதால் விழுப்புரம் பெரியார் நகர், பாண்டியன் நகர், எத்திராஜ் நகர், இந்திரா நகர், இந்திரா பிரியதர்ஷினி நகர், அன்னை தெரசா நகர்,டி.எஸ். ஆர்.நகர், அரசு ஊழியர் நகர், மஞ்சு நகர், ஆடல் நகர், வளவனுார் அடுத்த மூங்கில்பட்டு, மாத்துார், வாக்கூர், முதலியார்குப்பம் உள்ளிட்ட பகுதிகளில் மின்விநியோகம் இருக்காது என அதிகாரிகள் தெரிவித்துள்ளனர்.
News May 15, 2024
விழுப்புரம்: ஆதிதிராவிடர் பள்ளி 100% தேர்ச்சி!
11ஆம் வகுப்பு பொதுத்தேர்வு முடிவுகள் நேற்று வெளியாகின. விழுப்புரம் மாவட்டம் திண்டிவனம் அடுத்த சிங்கனூர் அரசு ஆதிதிராவிட நல மேல்நிலைப் பள்ளியில் 100% மாணவர்கள் தேர்ச்சி அடைந்தனர். இதையடுத்து தலைமை ஆசிரியை மணிமேகலை மாணவர்களையும், அதற்கு உறுதுணையாக இருந்த ஆசிரியர்களையும் வெகுவாகப் பாராட்டினார்.
News May 14, 2024
விழுப்புரம் அருகே ஆட்சியர் ஆய்வு
விழுப்புரம் அருகே ஏனாதிமங்கலம் கிராமத்தில் தென்பெண்ணை ஆற்றின் குறுக்கே கட்டப்பட்டு வரும் புதிய அணைக்கட்டு பகுதியில் விழுப்புரம் மாவட்ட ஆட்சியர் பழனி நீரில் பணிகளில் பார்வையிட்டு ஆய்வு செய்து விரைவில் பணிகளை முடிக்க கோரி ஒப்பந்ததாரருக்கு அறிவுறுத்தினார். மேலும், பணிகள் நலமாக இருக்க வேண்டும் என்று எச்சரித்தார்.
News May 14, 2024
விழுப்புரம்: ஆதிதிராவிடர் பள்ளி 100% தேர்ச்சி!
விழுப்புரம் மாவட்டம் திண்டிவனம் அடுத்த சிங்கனூர் அரசு இன்று (மே 14) பதினொன்றாம் வகுப்பு தேர்வு முடிவுகள் வெளியானதில் ஆதிதிராவிட நல மேல்நிலைப் பள்ளியில் 100% மாணவர்கள் தேர்ச்சி அடைந்தனர். இதையடுத்து தலைமை ஆசிரியை மணிமேகலை மாணவர்களையும், அதற்கு உறுதுணையாக இருந்த ஆசிரியர்களையும் வெகுவாக பாராட்டினார்.
News May 14, 2024
விழுப்புரம் அருகே விபத்து: லாரி ஓட்டுநர் பலி
விழுப்புரம் மாவட்டம் செஞ்சி அடுத்த அண்ணமங்கலம் கூட்டு சாலை அருகே தேனி மாவட்டம் கம்பத்திலிருந்து செஞ்சி வழியாக சேத்பட் மார்க்கமாக திராட்சை ஏற்றி சென்ற லாரியும், மேல்மலையனூரில் இருந்து விழுப்புரம் நோக்கி சென்ற தனியார் பேருந்தும் நேருக்கு நேர் மோதி விபத்து ஏற்பட்டது. இதில், தேனி மாவட்டம் கம்பம் அடுத்த பூசாணம்பட்டி கிராமத்தைச் சேர்ந்த லாரி ஓட்டுநர் நாகராஜ் சம்பவ இடத்திலேயே உயிரிழந்தார்.
Featured News
Sorry, no posts matched your criteria.