• Download our app

Villupuram

News May 20, 2024

விழுப்புரம் மாவட்டம் முழுவதும் மழை

image

விழுப்புரம் மாவட்டம் முழுவதும் அதிகாலையில் இருந்து பரவலாக மழை பெய்து வருகிறது. விழுப்புரம், விக்கிரவாண்டி, முண்டியம்பாக்கம், காணை, மாம்பழப்பட்டு உள்ளிட்ட பகுதிகளில் மழை பெய்துவருகிறது. இதனால் இயல்பு வாழ்க்கை சற்று பாதித்துள்ளது. சாலைகளில் போக்குவரத்து குறைவாக உள்ளது. மழை தொடர்ந்து நீடிக்கும் என்று கூறப்படுகிறது, வானம் மேகமூட்டத்துடன் காணப்படுகிறது.

News May 20, 2024

விழுப்புரம்: பாம்பு கடித்து சிறுவன் உயிரிழப்பு

image

விழுப்புரம் மாவட்டம், திருவெண்ணெய்நல்லூர் அருகே உள்ள கருவேப்பிலைபாளையம் கிராமத்தைச் சேர்ந்த மருதமலை என்பவரது மகன் அய்யனார் (15). இவர் பாம்பு கடித்ததில் நேற்று (மே 19) உயிரிழந்தார். இந்த சம்பவத்தால் கிராமமே சோகத்தில் மூழ்கியுள்ளது. இந்த சம்பவம் குறித்து திருவெண்ணெய்நல்லூர் போலீசார் விசாரணை நடத்தி வருகின்றனர்.

News May 19, 2024

விழுப்புரம்: விபத்தில் வியாபாரி பலி

image

விழுப்புரம், திருவெண்ணெய்நல்லுார் அடுத்த மாமந்தூர் கிராமத்தை சேர்ந்தவர் பாலமுருகன் (49).பாய் வியாபாரி நேற்று மாலை 5 மணி அளவில் உறவினர் வீட்டு துக்க நிகழ்ச்சியில் கலந்து கொள்வதற்காக மாமந்தூர் கூட்ரோடு சென்னை – திருச்சி தேசிய நெடுஞ்சாலையை இருசக்கரவாகனத்தில் கடக்க முயன்றார். அப்போது, அவ்வழியாக பின்னால் வந்த கார் அவர் மீது மோதியதில் சம்பவ இடத்திலேயே உயிரிழந்தார்.

News May 19, 2024

விழுப்புரம் சுற்றுவட்டார பகுதிகளில் மின் தடை!

image

விழுப்புரம் மாவட்டம் வளவனூர் அடுத்த கண்டமங்கலம் குழுவின் நிலையத்தில் உள்ள கொத்தமங்கலம் பகுதியில் நாளை (மே.20) மின் நிறுத்தம் செய்யப்படும் என மின்சாரத்துறை அறிவித்துள்ளது. பராமரிப்பு பணிகளுக்காக கொத்தமங்கலம் உயர் அழுத்த மின் பாதையில் காலை 9 மணி முதல் 11 மணி வரை மின் நிறுத்தம் செய்யப்படும் என கண்டமங்கலம் மின்வாரிய செயற்பொறியாளர் சிவகுரு தெரிவித்துள்ளார்.

News May 19, 2024

விழுப்புரம் கஞ்சா விற்ற நபர் கைது!

image

விழுப்புரம்,திண்டிவனம் அடுத்த மயிலம் காவல்துறையினர் நேற்று (மே 18) இரு இளைஞர்களை கஞ்சா வழக்கில் கைது செய்தனர். மயிலம் சுடுகாட்டில் தொடர்ந்து கஞ்சா விற்பனை செய்வதை சமூக அலுவலர்கள் காவல்துறைக்கு தெரிவித்த வண்ணம் இருந்தனர். இது தொடர்பாக கூட்டேரிப்பட்டு சந்தோஷ் மயிலம் பகுதியைச் சேர்ந்த கோகுல் என்ற இளைஞர்களை மயிலம் காவல்துறையினர் கைது செய்தனர். இவர்களிடம் ஒரு கிலோ கஞ்சா பறிமுதல் செய்யப்பட்டது.

News May 18, 2024

கஞ்சா பறிமுதல் செய்த காவல்துறையினர்

image

விழுப்புரம் மாவட்டம் திண்டிவனம் அடுத்த மயிலம் காவல்துறையினர் இன்று (மே 18) இரு இளைஞர்களை கஞ்சா வழக்கில் கைது செய்தனர். மயிலம் சுடுகாட்டில் தொடர்ந்து கஞ்சா விற்பனை செய்வதை சமூக அலுவலர்கள் காவல்துறைக்கு தெரிவித்த வண்ணம் இருந்தனர். இது தொடர்பாக கூட்டேரிப்பட்டு சந்தோஷ் மயிலம் பகுதியைச் சேர்ந்த கோகுல் என்ற இளைஞர்களை மயிலம் காவல்துறையினர் கைது செய்தனர். இவர்களிடம் ஒரு கிலோ கஞ்சா பறிமுதல் செய்யப்பட்டது.

News May 18, 2024

விழுப்புரம்: மதுவில் விஷம் கலந்து குடித்தவர் பலி

image

விழுப்புரம் மாவட்டம் வானூர் அடுத்துள்ள, செட்டிசாவடி கிராமத்தை சேர்ந்தவர் அருள்முருகன் (46). இவர் 6 மாத காலமாக வயிற்றுவலியால் அவதிப்பட்டுவந்தார். இதனால் மனமுடைந்த அவர் நேற்று (மே 17) காலை மதுவில் விஷம் கலந்து குடித்து மயங்கினார். உறவினர்கள் அவரை மீட்டு புதுச்சேரி ஜிப்மர் மருத்துவமனையில் சேர்த்த நிலையில் சிகிச்சை பலனின்றி உயிரிழந்தார். இது குறித்து கிளியனூர் போலீசார் விசாரணை நடத்தி வருகின்றனர்.

News May 18, 2024

திண்டிவனம்: பொதுமக்களுக்கு வாந்தி கண்ணெரிச்சல்

image

விழுப்புரம் மாவட்டம் திண்டிவனம் ஐயன் தோப்பு பகுதியில் அமைந்துள்ள புதிய திருவண்ணாமலை புறவழிச்சாலையில், தனியார் பள்ளி அருகே நேற்று முன்தினம்(மே 16) நள்ளிரவு யாரோ சில மர்ம நபர்கள் கெமிக்கல் அடைக்கப்பட்ட பேரல்களை வீசி சென்றுள்ளனர். அந்த பேரல்களில் இருந்து மூச்சுத் திணறலை ஏற்படுத்தும் நெடி வீசியதால் அப்பகுதி மக்கள் தீயணைப்புத் துறையினருக்கு தகவல் தெரிவித்தனர்.

News May 17, 2024

ஏரிக்கரை புனரமைப்பு பணி குறித்து அதிகாரிகள் ஆய்வு

image

விழுப்புரம் மாவட்டம், செஞ்சி பேரூராட்சி, “பி ஏரிக்கரை” புனரமைக்கும் பணி நடைபெற்று வருவதை, கடலூர் மண்டல உதவி செயற்பொறியாளர் மற்றும் செயல் அலுவலர், செஞ்சி பேருராட்சி மன்ற தலைவர் மொக்தியார் அலி மஸ்தான் ஆகியோருடன் பார்வையிட்டு இன்று (மே 17) ஆய்வு மேற்கொண்டார். உடன் பேரூராட்சி உறுப்பினர்கள் மற்றும் அதிகாரிகள் இருந்தனர்.

News May 17, 2024

460 சிறப்பு பேருந்துகள் இயக்கம்

image

விழுப்புரம் அரசு போக்குவரத்து கழகம் சார்பில் வார இறுதி நாட்களில் வெளியூர் செல்லும் பயணிகளின் கூட்டம் அதிகரித்து உள்ளதால், சென்னை கிளாம்பாக்கத்தில் இருந்து விழுப்புரம், கள்ளக்குறிச்சி, கடலூர், விருத்தாசலம், திருவண்ணாமலை உள்ளிட்ட பகுதிகளுக்கு செல்வதற்காக கூடுதலாக 460 சிறப்பு பேருந்துகள் இயக்கப்படும் என நேற்று (மே 17) தெரிவிக்கப்பட்டுள்ளது.

Featured News

Sorry, no posts matched your criteria.

↑