India's largestHyperlocal short
news App
Get daily news updates that are tailored for you based on your preferred language & location.
download Way2News app now
Villupuram
News October 27, 2024
வீடு வீடாக தண்ணீர் கேட்டுச் செல்லும் தவெக நிர்வாகிகள்
தமிழக வெற்றி கழகத்தின் மாநாடு முடிந்து வி.சாலை அருகில் உள்ள வீடுகளில் தமிழக வெற்றி கழகத்தைச் சேர்ந்த தொண்டர்கள் தண்ணீர் வாங்கி அருந்தி வருகின்றனர். அனைவரும் மிகவும் சோர்ந்து தண்ணீர் அருந்தி வருகின்றனர். குடிக்க தண்ணீர் இல்லாத நிலையிலும் தமிழக வெற்றி கழகத்தின் தலைவர் விஜயின் பேச்சை கேட்பதற்காக தமிழக வெற்றி கழகத்தின் தொண்டர்கள் நீண்ட நேரமாக நின்று தற்போது தண்ணீரை தேடி வந்து அருந்தி வருகின்றனர்.
News October 27, 2024
விஜய் மாநாட்டிற்கு 8 லட்சம் பேர் வருகை
விக்கிரவாண்டியில் தமிழக வெற்றி கழகத்தின் மாநாடு நடைபெற்று வரும் நிலையில் வி.சாலை முழுவதும் மக்கள் கூட்டம் அலைமோதுகிறது. இந்நிலையில் தமிழக வெற்றி கழக மாநாட்டில் இதுவரை 8 லட்சம் பேர் வருகை புரிந்துள்ளதாக காவல்துறை தகவல் தெரிவிக்கப்பட்டுள்ளது. மேலும், தொண்டர்கள் பலர் வந்து கொண்டிருப்பதால் இந்த எண்ணிக்கை மேலும் அதிகரிக்கலாம் என்று கூறப்படுகிறது.
News October 27, 2024
விஜய்க்காக தலைமுடியை செதுக்கிய ரசிகர்
விக்கிரவாண்டி வி.சாலை பகுதியில் நடைபெற உள்ள தமிழக வெற்றி கழக மாநாட்டில் பங்கேற்பதற்காக ரசிகர்கள் மற்றும் தொண்டர்கள் பல்வேறு வேடம் அணிந்து வருகை தந்துள்ளனர். அந்த வகையில் ரசிகர் ஒருவர் விஜயின் கட்சிக்கொடி போன்று தலைமுடியை செதுக்கியுள்ளார். அவர் நிருபர்களுக்கு அளித்த பேட்டியில், ‘நாங்கள் தான், தளபதி தான், யார் வந்தாலும் பரவாயில்லை, நாங்கள் தான்’ என்று உற்சாகத்துடன் தெரிவித்துள்ளார்.
News October 27, 2024
விஜய் முகமூடியுடன் தொண்டர்கள்
விழுப்புரம் மாவட்டம் விக்கிரவாண்டியில் தமிழக வெற்றிக் கழகத்தின், முதல் மாநில மாநாடு இன்று மாலை நடைபெற உள்ளது. இந்த மாநாட்டில் பங்கேற்பதற்காக தமிழகத்தின் பல்வேறு பகுதிகளில் இருந்தும் த.வெ.க. தொண்டர்கள் மற்றும் ரசிகர்கள் குவிந்து வருகின்றனர். தொண்டர்களில் சிலர் விஜய்யின் முகமூடியை அணிந்து கொண்டு மாநாட்டில் பங்கேற்பதற்காக வந்துள்ளனர். இது பார்ப்போரை மெய்சிலிர்க்க வைத்துள்ளது.
News October 27, 2024
தொண்டர் உயிரிழப்பு தகவல் பொய்யானது: அதிகாரிகள்
தமிழக வெற்றிக் கழகத்தின் முதல் மாநில மாநாட்டில் பங்கேற்பதற்காக, விக்கிரவாண்டி அருகே ரயிலில் இருந்து குதித்து தொண்டர் ஒருவர் உயிரிழந்தார் என்ற தகவல் சமூக வலைத்தளங்களில் தகவல் பரவியது. அந்தத் தகவல் பொய்யானது, புதுக்கோட்டையைச் சேர்ந்த நிதிஷ்குமார் சொந்த ஊருக்கு சென்றபோது ரயிலில் இருந்து தவறி விழுந்து படுகாயமடைந்து, தற்போது மருத்துவமனையில் சிகிச்சையில் உள்ளார் என ரயில்வே அதிகாரிகள் தெரிவித்தனர்.
News October 27, 2024
முன்கூட்டியே தொடங்கும் த.வெ.க. மாநாடு
திட்டமிட்ட நேரத்திற்கு முன்பாகவே, விக்கிரவாண்டியில் த.வெ.க. மாநாடு தொடங்க இருப்பதாக தகவல் வெளியாகியுள்ளது. 4 மணிக்கு தொடங்க இருக்கும் மாநாடு, 3 மணிக்கே தொடங்க உள்ளதாக தெரிவித்துள்ளனர். இரவு 9 மணிக்கு மாநாட்டை முடிக்க திட்டமிட்டிருந்த நிலையில், 8 மணிக்கே நிறைவு செய்யவும் திட்டமிட்டுள்ளனர். தற்போதே லட்சக்கணக்கான தொண்டர்கள் காத்திருக்கும் நிலையில், முன்கூட்டியே மாநாடு தொடங்குகிறது.
News October 27, 2024
சாலை விபத்தில் மேலும் 2 விஜய் தொண்டர்கள் பலி
த.வெ.க. மாநாட்டுக்கு சென்ற கார் விபத்துக்குள்ளானதில் 2 பேர் உயிரிழந்தது சோகத்தை ஏற்படுத்தியுள்ளது. திருச்சியில் இருந்து சென்ற கார் உளுந்தூர்பேட்டை அருகே உள்ள சாலைத் தடுப்பில் மோதி விபத்துக்குள்ளானது. கார் கவிழ்ந்ததில், சீனிவாசன், கலை என்ற 2 பேர் சம்பவ இடத்திலேயே உயிரிழந்தனர். படுகாயமடைந்த 3 பேர் மருத்துவமனையில் அனுமதிக்கப்பட்டுள்ளனர். ஏற்கெனவே, சென்னையில் விஜய் தொண்டர் ஒருவர் உயிரிழந்தார்.
News October 27, 2024
தமிழக வெற்றி கழக மாநாட்டு நிகழ்ச்சி நிரல்
விக்கிரவாண்டி அடுத்த வி.சாலையில், தமிழக வெற்றிக் கழகத்தின் முதல் மாநில மாநாடு இன்று மாலை நடைபெற உள்ளது. இந்த மாநாட்டின் நிகழ்ச்சி நிரல் தற்போது வெளியாகியுள்ளது. அதில், மதியம் 2 மணிக்கு மேல் கலை நிகழ்ச்சிகள் தொடங்க உள்ளன. தொடர்ந்து, மாலை 4 மணி முதல் 4.30 மணிக்குள் விஜய் கொடியேற்றி வைத்து, 6 மணிக்கு விழா மேடையில் சிறப்புரையாற்ற உள்ளார். விஜய் என்ன பேசப்போகிறார் என பலரும் எதிர்பார்ப்புடன் உள்ளனர்.
News October 27, 2024
விக்கிரவாண்டியில் டாஸ்மாக் கடைகளை திறக்க வேண்டாம்
விக்கிரவாண்டியில் இன்று மாலை தமிழக வெற்றிக் கழகத்தின் மாநாடு இன்று நடைபெற உள்ளது. மாநாட்டிற்கு வரும் தொண்டர்களின் பாதுகாப்பு கருதி, விழுப்புரம், விக்கிரவாண்டி, முண்டியம்பாக்கம் உள்ளிட்ட பகுதிகளில் உள்ள டாஸ்மாக் கடைகளை திறக்க வேண்டாம் என டாஸ்மாக் நிர்வாகம் அறிவித்துள்ளது. முன்னதாக மாநாட்டிற்கு வரும் தொண்டர்கள் மது அருந்திவிட்டு வரக்கூடாது என விஜய் அறிவித்திருந்தது குறிப்பிடத்தக்கது.
News October 27, 2024
திருச்சி – சென்னை சாலையில் போக்குவரத்து மாற்றம்
விக்கிரவாண்டி அடுத்த வி.சாலையில் த.வெ.க. மாநில மாநாடு இன்று மாலை நடக்கிறது. மாநாட்டிற்கு, தமிழகத்தின் பல்வேறு பகுதிகளில் இருந்தும் 2 லட்சம் பேர் வருவார்கள் என போலீசார் எதிர்பார்க்கின்றனர். பொதுமக்களின் பாதுகாப்பு மற்றும் தேசிய நெடுஞ்சாலையோரம் நடைபெறும் மாநாட்டிற்கு வந்து செல்லும் வாகனங்கள் இடையூறு ஏற்படாமல் பயணிக்க இன்று பிற்பகல் 2 மணி முதல் போலீசார் போக்குவரத்தில் மாற்றம் செய்துள்ளனர்.
Featured News
Sorry, no posts matched your criteria.