India's largestHyperlocal short
news App
Get daily news updates that are tailored for you based on your preferred language & location.
download Way2News app now
Vellore
News October 23, 2024
வேலூர் திருநங்கைகளுக்கான சிறப்பு முகாம்
வேலூர் மாவட்டம் ஊரக வளர்ச்சி முகமை கூட்டரங்கில் சமூக நலன் மற்றும் மகளிர் துறை சார்பில் திருநங்கைகளுக்கான சிறப்பு முகாம் மாவட்ட ஆட்சித்தலைவர் சுப்புலட்சுமி தலைமையில் நேற்று (அக்டோபர் 22) நடந்தது. இதில் ஊரக வளர்ச்சி முகமை திட்ட இயக்குநர் செந்தில்குமரன், மகளிர் திட்ட இயக்குநர் நாகராஜன், மாவட்ட சமூக நல அலுவலர் உமா திருநங்கைகள் மற்றும் துறை சார்ந்த அலுவலர்கள் கலந்து கொண்டனர்.
News October 23, 2024
வேலூர் மாவட்டத்தில் 28 மது பாட்டில்கள் பறிமுதல்
வேலூர் மாவட்டம் முழுவதும் காவல் ஆய்வாளர்களின் தலைமையிலான போலீசார் இன்று (அக்டோபர் 22) நடத்திய சோதனையில் 28 மது பாட்டில்கள் பறிமுதல் செய்யப்பட்டுள்ளது . மேலும் இது தொடர்பாக ஒருவர் மீது மதுவிலக்கு வழக்குகள் பதிவு செய்யப்பட்டுள்ளது. என மாவட்ட காவல் கண்காணிப்பாளர் மதிவாணன் தனது செய்தி அறிக்கையில் தெரிவித்துள்ளார்.
News October 22, 2024
ஸ்ரீபுரம் ஸ்ரீ நாராயண பீடத்தில் இசையமைப்பாளர் தேவா
வேலூர் அடுத்த அரியூர் ஸ்ரீபுரம் ஸ்ரீ நாராயணி பீடத்தில் பிரபல இசையமைப்பாளர் தேவா இன்று (அக்டோபர் 22) சுவாமி தரிசனம் செய்தார். முன்னதாக கோவில் நிர்வாகம் மற்றும் அறங்காவலர் சுரேஷ்பாபு பொன்னாடை அணிவித்து அவரை வரவேற்றார். பின்னர் ஸ்ரீ ஸ்வர்ண லட்சுமிக்கு ஆரத்தி காண்பித்த பிறகு சத்தி அம்மாவிடம் அவர் ஆசீர்வாதம் பெற்றார்.
News October 22, 2024
குடியாத்தம் அருகே சிறுமியிடம் பாலியல் சீண்டல்
குடியாத்தம் பகுதியை சேர்ந்த 17 வயது மாணவி அங்குள்ள பள்ளியில் பிளஸ் 1 படித்து வருகிறார். அதே பகுதியை சேர்ந்த திருமணமான 28 வயது வாலிபர் ஒருவர், மாணவியிடம் பழகி வந்துள்ளார். இந்நிலையில் நேற்று முன்தினம் இரவு மாணவியை தனியாக அழைத்து சென்று பாலியல் சீண்டலில் ஈடுபட்டுள்ளார். நடந்த சம்பவம் குறித்து மாணவி தனது பெற்றோரிடம் தெரிவித்தார். இதையடுத்து குடியாத்தம் மகளிர் போலீசில் புகார் அளிக்கப்பட்டுள்ளது.
News October 22, 2024
ரூ.8.24 கோடி மதிப்பிலான மானியத்துடன் கூடிய கடனுதவி
குறு, சிறு மற்றும் நடுத்தர தொழில் நிறுவனங்கள் துறையின் வேலூர் மாவட்ட தொழில்மையத்தின் சார்பில் மாவட்ட ஆட்சியர் அலுவலக கூட்டரங்கில் நடைபெற்ற கடன் வசதியாக்கல் முகாமை மாவட்ட ஆட்சித்தலைவர் சுப்புலெட்சுமி இன்று (22.10.2024) தொடங்கி வைத்து, 33 தொழில்முனைவோருக்கும் 15 மகளிர் சுய உதவிக்குழுக்களுக்கும் தொழில்புரிய ஏதுவாக ரூ.8.24 கோடி மதிப்பிலான மானியத்துடன் கூடிய கடனுதவிகளை வழங்கினார்.
News October 22, 2024
வேலூர் மாநகராட்சி உதவி கமிஷனர் நியமனம்
வேலூர் மாநகராட்சி பாதாள சாக்கடை திட்ட செயற்பொறியாளராக பார்வதி பணியாற்றி வந்தார். இவர் ஈரோடு மாநகராட்சியில் பொறியாளர் பணியிடத்திற்கு மாற்றப்பட்டுள்ளார். அதேபோல் வாணியம்பாடி நகராட்சி கமிஷனர் சதிஷ்குமார் வேலூர் மாநகராட்சியில் காலியாக உள்ள உதவி கமிஷனர் பதவிக்கு பணியிட மாற்றம் செய்யப்பட்டுள்ளார். ஒரு சில நாட்களில் இவர்கள் பொறுப்பேற்று கொள்வார் என மாநகராட்சி அதிகாரிகள் தெரிவித்தனர்.
News October 22, 2024
அகர்தலா ஹம்சபார் ரயில் 9 மணி நேரம் தாமதாக புறப்படும்
காட்பாடி(வேலூர்), பெரம்பூர்(சென்னை) வழியாக இன்று(அக் 22) பயணிக்க வேண்டிய அகர்தலா ரயில் தாமதாக புறப்படும் என அறிவிக்கப்பட்டுள்ளது. பெங்களூரு SMVT ரயில் நிலையத்தில் இருந்து இன்று(அக்டோபர் 22) காலை 10.15க்கு புறப்பட வேண்டிய 12503 அகர்தலா ஹம்சபார் ரயில், 9 மணி நேரம் 45 நிமிடங்கள் தாமதமாக இரவு 8 மணிக்கு பெங்களூரில் இருந்து புறப்படும் என தென்மேற்கு ரயில்வே அறிவித்துள்ளது.
News October 21, 2024
வேலூர் மாவட்டத்தில் ஒரே நாளில் 128 மதுபாட்டில் பறிமுதல்
வேலூர் மாவட்டம் முழுவதும் காவல் ஆய்வாளர்களின் தலைமையிலான போலீசார் இன்று (அக்டோபர் 21) நடத்திய சோதனையில் 128 மது பாட்டில்கள் பறிமுதல் செய்யப்பட்டு 3 பேர் மீது மதுவிலக்கு வழக்குகள் பதிவு செய்யப்பட்டுள்ளது. மேலும் இது போன்ற தொடர் குற்ற செயல்கள் ஈடுபட நபர்கள் மீது கடும் நடவடிக்கை எடுக்கப்படும் என மாவட்ட காவல் கண்காணிப்பாளர் மதிவாணன் எச்சரித்துள்ளார்.
News October 21, 2024
பொதுமக்கள் குறைதீர்வு கூட்டத்தில் 402 கோரிக்கை மனு
வேலூர் மாவட்ட ஆட்சியர் அலுவலக கூட்டரங்கில், இன்று (அக்டோபர் 21) மாவட்ட ஆட்சியர் சுப்புலட்சுமி தலைமையில், மக்கள் குறைதீர்க்கும் நாள் கூட்டம் நடந்தது. இதில் மாவட்ட ஆட்சியர், பொதுமக்களிடம் பல்வேறு கோரிக்கைகள் குறித்த 402 மனுக்கள் பெற்றுக்கொண்டார். பின்னர் தொடர்புடைய அலுவலர்களிடம் மனுக்களை வழங்கி, உரிய நடவடிக்கையினை விரைந்து மேற்கொள்ள ஆட்சியர் உத்தரவிட்டார்.
News October 21, 2024
பேர்ணாம்பட்டு அருகே சிறுத்தை நடமாட்டம்
பேர்ணாம்பட்டு வன எல்லையில் உள்ள கிராமங்களில் சிறுத்தை நடமாட்டம் உள்ளது.பத்தரபல்லி, எருக்கம்பட்டு, அரவட்லா, நாயக்கனேரி, குண்டலபள்ளி, பல்லலகுப்பம் உள்ளிட்ட காப்பு காடுகளில் 15க்கும் மேற்பட்ட சிறுத்தை குட்டிகள் நடமாட்டம் இருக்கிறது. நேற்று கல்லேரி பகுதியில் விவசாயி பழனி நிலத்தில் சிறுத்தை ஒன்று கொட்டகையில் கட்டி வைத்து இருந்த கன்று குட்டியை கவ்வி சென்றது குறிப்பிடத்தக்கது.
Featured News
Sorry, no posts matched your criteria.