• Download our app

Vellore

News October 28, 2024

வேலூர் மாவட்ட ஆட்சியர் அறிவிப்பு

image

தீபாவளி பண்டிகை முன்னிட்டு வேலூர் மாவட்டத்தில் சமூக பாதுகாப்பு திட்டத்தின் கீழ் உதவித்தொகை பெறும் பயனாளிகள் தங்கள் பகுதிக்கு உட்பட்ட நியாய விலைக் கடைகளில் அக்டோபர் 29-ம் தேதி முதல் இலவச வேட்டி, சேலை பெற்று பயனடையுமாறு வேலூர் மாவட்ட ஆட்சித்தலைவர் சுப்புலெட்சுமி இன்று தனது செய்தி குறிப்பில் தெரிவித்துள்ளார்.

News October 28, 2024

வேலூர் உள் விளையாட்டு அரங்கம் திறப்பு விழா

image

வேலூர் தொரப்பாடியில் உள்ள தந்தை பெரியார் அரசினர் பொறியியற் கல்லூரியில் 8.65 லட்சம் மதிப்பீட்டில் புதிதாக கட்டப்பட்டுள்ள உள் விளையாட்டு அரங்கத்தை நாளை (அக்டோபர் 29) காணொளி காட்சி வாயிலாக தமிழ்நாடு துணை முதலமைச்சர் உதயநிதி ஸ்டாலின் திறந்த வைக்க உள்ளார். இதில் நாடாளுமன்ற உறுப்பினர்கள், சட்டமன்ற உறுப்பினர்கள் கலந்து கொள்ள உள்ளனர் என மாவட்ட நிர்வாகம் சார்பில் தெரிவிக்கப்பட்டுள்ளது.

News October 28, 2024

ராமநாதபுரம் விரைந்த வேலூர் போலீசார்

image

ராமநாதபுரம் மாவட்டம் பசும்பொன் கிராமத்தில் முத்துராமலிங்கத்தேவர் ஜெயந்தி மற்றும் குருபூஜை விழா 3 நாட்கள் கொண்டாடப்படுகிறது. இதையொட்டி பாதுகாப்பு பணிக்காக வேலூர் மாவட்டத்தில் இருந்து எஸ்பி மதிவாணன் தலைமையில் 1 ஏடிஎஸ்பி, 2 டிஎஸ்பிக்கள், 7 இன்ஸ்பெக்டர்கள் உட்பட 250 பேர் ராமநாதபுரம் மாவட்டத்திற்கு இன்று (அக்டோபர் 28) புறப்பட்டு சென்றனர். என போலீஸ் அதிகாரிகள் தெரிவித்தனர்.

News October 28, 2024

ஒடுக்கத்தூர் அருகே பள்ளத்தில் விழுந்த லாரி

image

பெங்களூருவில் இருந்து ரேஷன் அரிசி ஏற்றிக்கொண்டு வேலூருக்கு லாரி ஒன்று வந்தது. நேற்று ஒடுக்கத்தூர் அருகே சென்றுகொண்டிருந்த போது டிரைவரின் கட்டுப்பாட்டை இழந்து லாரி சாலை ஓரத்தில் இருந்த பள்ளத்தில் சாய்ந்து விபத்து ஏற்பட்டது. இதில் டிரைவர், கிளீனர் ஆகியோர் அதிர்ஷ்டவசமாக உயிர் தப்பினர். இது குறித்து தகவலறிந்து வந்த வேப்பங்குப்பம் போலீசார் லாரியை மீட்டு விசாரணை நடத்தி வருகின்றனர்.

News October 28, 2024

புலிமேடு நீர்வீழ்ச்சியில் குளிக்க தடை

image

தொடர் மழை காரணமாக அணைக்கட்டு அடுத்த புலிமேடு வனப்பகுதியில் உள்ள அருவியில் தண்ணீர் கொட்டுகிறது. இதனால் இங்கு குளிக்க வரும் மக்களுக்கு தடை விதிக்கப்பட்டுள்ளது. இப்பகுதியில் உதவி வனப்பாதுகாவலர் மணிவண்ணன் தலைமையிலான வனத்துறையினர் அதிகளவில் கொட்டும் அருவி நீரில் குளிக்க வேண்டாம் என்று விழிப்புணர்வு பணியில் ஈடுபட்டுள்ளதுடன், கண்காணிப்பிலும் ஈடுபட்டுள்ளனர்.

News October 28, 2024

அரசு அதிகாரிகளை ஏமாற்றியவர் கைது

image

வேலூர் மாவட்ட காவல் அலுவலகத்தில் சைபர் கிரைம் இயங்கி வருகிறது. மாவட்ட காவல் கண்காணிப்பாளர் மதிவாணன் உத்தரவின் பேரில், அரசு அதிகாரிகளுக்கு வாட்ஸ்அப் மூலமாக போதைப் பொருள் கடத்தல் தொடர்பாக ரகசிய தகவல்கள் தருவதாக கூறி கமிஷன் பணத்தைக் கேட்டு ஏமாற்றி வந்த கர்நாடக மாநிலம் பெங்களூருவை சார்ந்த தாவூத் இப்ராஹிம் என்பவர், சைபர் கிரைம் காவல் நிலைய காவல் ஆய்வாளர் ரஜினிகுமார் தலைமையில் கைது செய்யப்பட்டார்.

News October 27, 2024

நாளை வேலூர் வருகிறார் கிரிக்கெட் வீரர் நடராஜன்

image

சென்னை சூப்பர் கிங்ஸ் கிரிக்கெட் அகாடமியும், காட்பாடி சன்பீம் சிபிஎஸ்இ பள்ளியும் புரிந்துணர்வு ஒப்பந்தம் செய்து கொண்டு சூப்பர் கிங்ஸ் கிரிக்கெட் அகாடமியின் கிளையை காட்பாடி சன்பீம் பள்ளி வளாகத்தில் நாளை 28-ம் தேதி தொடங்க உள்ளது. இந்த அகாடமியை இந்திய கிரிக்கெட் வீரர் நடராஜன் திறந்து வைக்கிறார் என சன்பீம் பள்ளிகளின் தலைவர் ஹரிகோபாலன் தெரிவித்துள்ளார்.

News October 27, 2024

வேலூரில் புதிய ரக பட்டாசுகள் வாங்க பொதுமக்கள் ஆர்வம்

image

வேலூர் லாங்கு பஜாரில் உள்ள பட்டாசு கடைகளில் அமெரிக்கன் ரெட், பார்பி பவுண்டைன், பியூட்டி, பீஸ்ட், துரந்தோ 60, பிளவர்-4, ஐபிஎஸ் ஷவர்ஸ், என பல வகையான புதிய ரக பட்டாசுகள் விற்பனை களைக்கட்டியுள்ளது. தீபாவளி பண்டிகைக்கு இன்னும் 3 நாட்களே உள்ள நிலையில் புதிய ரக பட்டாசு மற்றும் புத்தாடை வாங்க பொதுமக்கள் ஆர்வம் காட்டி வருகின்றனர்.

News October 27, 2024

தண்ணீர் தொட்டியில் மூழ்கி 2 வயது சிறுவன் பலி

image

ஒடுகத்தூர் அடுத்த டி.சி.குப்பம் சேர்ந்த ஜோதி- வேலு தாமதிக்கு 2 வயதில் வருண் கீர்த்திக் என்ற மகன் உள்ளார். நேற்று வருண் கீர்த்திக் வீட்டின் அருகில் இருந்த தண்ணீர் தொட்டியில் தவறி விழுந்து இறந்தது தெரியவந்தது. தகவலறிந்த வேப்பங்குப்பம் போலீசார் சடலத்தை மீட்டு பிரேத பரிசோதனைக்கு அரசு மருத்துவனைக்கு அனுப்பி வைத்தனர். மேலும் இது குறித்து போலீசார் இன்று வழக்கு பதிவு செய்து விசாரித்து வருகின்றனர்.

News October 27, 2024

வேலூரில் இன்று ரேஷன் கடைகள் இயங்கும்

image

தீபாவளி பண்டிகையை முன்னிட்டு, இன்று (அக்.27) தமிழகம் முழுவதும் ரேஷன் கடைகள் வழக்கம் போல் இயங்கும் என்று அமைச்சர் பெரிய கருப்பன் அறிவித்திருந்தார். எனவே, வேலூர் மாவட்டத்தில் மக்கள் அனைவரும் ரேஷன் கடைகள் விடுமுறை இல்லை என்பதை நினைவில் கொண்டு, நியாய விலைப் பொருட்களை பெற்றுக் கொள்ளலாம். பண்டிகை கால கூட்ட நெரிசலை குறைப்பதற்காக இந்த ஏற்பாடு செய்யப்பட்டுள்ளது.

Featured News

Sorry, no posts matched your criteria.

↑