• Download our app

Tuticorin

News April 25, 2024

தூத்துக்குடியில் தொழிலாளர்களுக்கு விடுமுறை

image

தூத்துக்குடி மாவட்ட தொழிலாளர் உதவி ஆணையர் நேற்று வெளியிட்டுள்ள செய்தி குறிப்பில் தூத்துக்குடி மாவட்டத்தில் கேரளா, கர்நாடகா போன்ற வெளிமாநிலங்களில் இருந்து பணிபுரியும் தொழிலாளர்களுக்கு அவர்கள் மாநிலத்தில் நடைபெறும் தேர்தல் அன்று ஊதியத்துடன் கூடிய விடுமுறை அளிக்கப்பட வேண்டும் இல்லை என்றால் சம்பந்தப்பட்ட நிறுவனம் மீது நடவடிக்கை எடுக்கப்படும் என தெரிவித்துள்ளார்.

News April 25, 2024

நீர்மோர் பந்தல் அமைக்க அமைச்சர் வேண்டுகோள்

image

தூத்துக்குடி தெற்கு மாவட்ட தி.மு.க செயலாளரும் அமைச்சருமான அனிதா ராதாகிருஷ்ணன் நேற்று வெளியிட்டுள்ள செய்தி குறிப்பில் தமிழகத்தில் கோடை வெயில் நாளுக்கு நாள் அதிகரித்து வருவதால் தமிழக முதலமைச்சரின் வேண்டுகோளின் படி தூத்துக்குடி தெற்கு மாவட்ட பகுதிகளில் கழகத்தினர் நீர்,மோர் பந்தல் அமைக்க வேண்டும் என்று வேண்டுகோள் விடுத்துள்ளார்.

News April 25, 2024

நாசரேத் பள்ளியில் கால்பந்து பயிற்சி

image

தூத்துக்குடி மாவட்டம் நாசரேத் மர்காஷிஸ் மேல்நிலைப் பள்ளியில் இலவச கால்பந்து பயிற்சி முகாம் வருகின்ற 01.05.2024 முதல் 10.05.2024 வரை  நாசரேத் மர்காஷிஸ் மேல்நிலைப் பள்ளி கால்பந்து மைதானத்தில் 5 ஆம் வகுப்பு முதல் 12 ஆம் வகுப்பு வரை படிக்கும் மாணவர்களுக்கான கால்பந்து பயிற்சி சிறப்பு முகாம் நடைபெறுகிறது.  இதில் மாணவர்கள் கலந்து கொள்ளலாம் என அறிவிக்கப்பட்டுள்ளது.

News April 25, 2024

ஆக்கிரமிப்புகளை அகற்ற முடிவு

image

கோவில்பட்டி நகராட்சிக்குட்பட்ட பகுதிகளில் உள்ள தற்காலிக ஆக்கிரமிப்புகளை அகற்ற வலியுறுத்தி சமூக ஆர்வலர்கள் கூட்டமைப்பு சார்பில் வரும் 26 ஆம் தேதி பட்டினி போராட்டம் நடத்த போவதாக கோவில்பட்டி கோட்டாட்சியர் அலுவலகத்தில் மனு அளித்து இருந்தனர்.
இதையடுத்து கோவில்பட்டி கோட்டாட்சியர் அலுவலகத்தில் கோட்டாட்சியர் தலைமையில் நடந்த கூட்டத்தில் மே.9 ஆம் தேதி ஆக்கிரமிப்புகளை அகற்ற முடிவு செய்யப்பட்டுள்ளது.

News April 25, 2024

மழைநீர் வடிகால் மேயர் ஆய்வு

image

கடந்த டிசம்பர் மாதம் ஏற்பட்ட மழை வெள்ளத்தின் போது பாதிக்கப்பட்ட திரேஸ்புரம் பகுதியில் மாநகராட்சி சார்பில் புதிதாக மழைநீர் வடிகால் அமைக்கும் பணி துவங்கியுள்ளது. இந்தப் பணிகளை இன்று மாநகராட்சி மேயர் ஜெகன் பெரியசாமி நேரில் பார்வையிட்டு ஆய்வு செய்து பணிகளை விரைந்து முடிக்க அதிகாரிகளுக்கு உத்தரவிட்டார்.

News April 25, 2024

மின்கம்பம் உடைந்து மின் ஊழியர் பலி

image

தூத்துக்குடி அண்ணா நகரை சேர்ந்தவர் பெத்து குமார், மின்வாரியத்தில் தற்காலிக ஊழியர். நேற்று இவர் காமராஜ் நகரில் ஒரு மின்கம்பத்தில் பழுது பார்த்துக் கொண்டிருந்த பொழுது மின்கம்பம் உடைந்து விழுந்து காயம் அடைந்தார் . பின் மருத்துவமனையில் அனுமதிக்கப்பட்டு சிகிச்சை பலன் இன்றி இறந்தார். தென்பாகம் போலீசார் விசாரணை நடத்தினர்.

News April 24, 2024

தூத்துக்குடி: பௌர்ணமி நிலாவை பார்வையிட்ட மக்கள்

image

தூத்துக்குடி முத்துநகர் கடற்கரையில் தமிழ்நாடு அஸ்ட்ரோனமி சயின்ஸ் சொசைட்டி, தூத்துக்குடி அஸ்ட்ரோ கிளப் சார்பில் சித்ரா பெளர்ணமி நிலாவினை டெலஸ்கோப்பில் காணும் நிகழ்ச்சி இன்று நடந்தது. இதில் நல்லாசிரியர் சம்பத்சாமுவேல், முத்துசாமி ஆகியோர் கலந்துகொண்டு பொதுமக்களுக்கு டெலஸ்கோப்பில் பௌர்ணமி நிலாவை காண பயிற்சி அளித்தனர். 

News April 24, 2024

தூத்துக்குடியில் ஊழியர்கள் பற்றாக்குறை

image

தூத்துக்குடியில் உள்ள அரசு விரைவு போக்குவரத்து கழகத்தில் 76 பேருந்துகள் இயக்கப்பட்டு வருகின்றன. இந்த பேருந்துகளை பராமரிப்பதற்கு 45 தொழில்நுட்ப ஊழியர்கள் இருந்த நிலையில் தற்போது 11 ஊழியர்கள் மட்டுமே உள்ளனர். இதனால் பயண தடை விபத்து காலதாமதம் வருவாய் இழப்பு ஏற்பட்டு வருவதாக அரசு போக்குவரத்துக் கழக ஊழியர் சங்கம் இன்று குற்றம் சாட்டியுள்ளது.

News April 24, 2024

வாக்கு எண்ணும் மையத்தில் ஆட்சியர் ஆய்வு

image

தூத்துக்குடி மக்களவை தொகுதியில் பதிவான வாக்குப்பதிவு இயந்திரங்கள் தூத்துக்குடி அரசு பொறியியல் கல்லூரியில் சட்டசபை தொகுதி வாரியாக அறைகளில் மூடி சீல் வைக்கப்பட்டு 3 அடுக்கு போலீஸ் காவலுடன் பாதுகாக்கப்பட்டு வருகிறது. ஜூன் 3ஆம் தேதி வாக்கு எண்ணிக்கை நடைபெறவுள்ளது. இந்நிலையில், வாக்கு என்னும் மையத்தை இன்று மாவட்ட ஆட்சியர் லட்சுமிபதி நேரில் பார்வையிட்டு ஆய்வு செய்தார்.

News April 24, 2024

தூத்துக்குடி: 4 மணி நேரம் காத்திருந்த மக்கள்

image

திருச்செந்தூர் முருகன் கோயிலில் முக்கிய விழா நாட்களில் பக்தர்கள் கூட்டம் அதிகரித்து காணப்படும். அந்த வகையில் இன்று சித்ரா பௌர்ணமியை முன்னிட்டு அதிகாலை முதலே கோயிலில் பக்தர்கள் அதிக அளவில் குவிந்தனர். இவர்கள் கடல் மற்றும் நாழி கிணற்றில் புனித நீராடி சுமார் 4 மணி நேரம் வரிசையில் நின்று சாமி தரிசனம் செய்தனர்.

Featured News

Sorry, no posts matched your criteria.

↑