• Download our app

Tuticorin

News May 1, 2024

குடிதண்ணீர் வரவில்லை என சாலை மறியல்

image

தூத்துக்குடி மாவட்டம் சாத்தான்குளம் பேரூராட்சி அலுவலகத்தில் முன்பு ஒன்றாவது வார்டு பகுதியை சேர்ந்த பொதுமக்கள் சரிவர குடிதண்ணீர் வரவில்லை என குற்றம் சாட்டி திடீரென சாலை மறியல் போராட்டத்தில் ஈடுபட்டனர். இந்த போராட்டத்தின் போது சுற்றுவட்டார பகுதியை சேர்ந்த பொதுமக்கள் கோஷங்கள் எழுப்பி எதிர்ப்பை காட்டினர். இதில் பெண்கள் உள்ளிட்ட பலர் கலந்து கொண்டனர்.

News May 1, 2024

நாளை மின்தடை அறிவிப்பு

image

தூத்துக்குடி மாவட்டம் கோவில்பட்டி அருகே உள்ள விஜயாபுரி துணை மின் நிலையத்திற்குட்பட்ட பகுதிகளில் பராமரிப்பு பணிகள் காரணமாக நாளை (மே-2) மின்தடை ஏற்படும் என அறிவிக்கப்பட்டுள்ளது. அதன்படி கீழ பாண்டவர்மங்கலம், சண்முக சிகாமணிநகர், ராஜிவ்நகர், சுப்பிரமணியபுரம், ஸ்ரீராம் நகர் ஆகிய பகுதிகளில் காலை 9 மணி முதல் 11 மணி வரை மின்தடை ஏற்படும் என மின்வாரிய அதிகாரிகள் தெரிவித்துள்ளனர்.

News May 1, 2024

ரேஷன் அரிசி கடத்தல் புகார் எண் வெளியீடு

image

தமிழகத்தில் ரேஷன் அரிசி கடத்தப்படுபவர்கள் மீது பல்வேறு நடவடிக்கைகள் எடுக்கப்பட்டு வருகிறது. தூத்துக்குடி மாவட்ட குடிமை பொருள் வழங்கல் குற்றப்புலனாய்வுத்துறை போலீசார் நேற்று வெளியிட்டுள்ள அறிக்கையில் ரேஷன் அரிசி கடத்தல் மற்றும் பதுக்கல் தொடர்பாக பொதுமக்கள் 18005995950 என்ற தொலைபேசி எண்ணுக்கு தகவல் தெரிவிக்கலாம். தகவல் தெரிவித்தவர் விவரங்கள் ரகசியம் காக்கப்படும் என்றும் தெரிவிக்கப்பட்டுள்ளது.

News May 1, 2024

திருச்செந்தூரில் இன்று குருபெயர்ச்சி விழா

image

அறுபடை வீடுகளில் இரண்டாம் படை வீடாக கருதப்படும் திருச்செந்தூர் அருள்மிகு சுப்பிரமணிய சுவாமி திருக்கோவிலில் இன்று குரு பெயர்ச்சி விழா வெகு விமர்சையாக நடைபெற உள்ளது. இதனை முன்னிட்டு கோவில் நடை அதிகாலை 4 மணிக்கு திறக்கப்பட்டு பல்வேறு சிறப்பு பூஜைகள் நடைபெற உள்ளது. இதில் சுமார் லட்சக்கணக்கான பக்தர்கள் கலந்து கொண்டு தரிசனம் செய்வார்கள் என எதிர்பார்க்கப்படுகிறது.

News April 30, 2024

தூத்துக்குடி: கலெக்டர் போட்ட ஆர்டர்

image

தூத்துக்குடி மக்களவை தொகுதியில் வாக்கு எண்ணும் மையமான வஉசி பொறியியல் கல்லூரியைச் சுற்றிலும் 2 கி.மீ. சுற்றளவிற்கு “சிவப்பு மண்டலமாக” (Red Zone)ஆக அறிவிக்கப்பட்டுள்ளது. மேலும் இன்று முதல் தேர்தல் முடிவுகள் அறிவிக்கும் நாள் வரை டிரோன்கள் பறப்பதற்கு தடை விதித்து தூத்துக்குடி தேர்தல் அலுவலரும், மாவட்ட ஆட்சியருமான லட்சுமிபதி உத்தரவிட்டுள்ளார்.

News April 30, 2024

250 மாணவர்களுக்கு வேலை வாய்ப்பு

image

தூத்துக்குடி வாகைகுளம் பகுதியில் உள்ள செயின்ட் மதர் தெரசா பொறியியல் கல்லூரியில் 2023 – 2024ஆம் கல்வி ஆண்டில் இறுதி ஆண்டு படிக்கும் மாணவ, மாணவிகளுக்கு வேலை வாய்ப்பு வழங்கும் நிகழ்வு இன்று நடைபெற்றது. இதில், கல்லூரி மாணவ மாணவிகள் 250 பேருக்கு வேலை வாய்ப்பு பணி ஆணை வழங்கப்பட்டது. இதில் கல்லூரி பேராசிரியர்கள் உள்ளிட்ட பலர் கலந்து கொண்டனர்.

News April 30, 2024

தென்திருப்பேரை: புறக்கணிக்கும் அரசு பேருந்துகள்

image

திருநெல்வேலி – திருச்செந்தூர் நெடுஞ்சாலையில் அமைந்துள்ள தென்திருப்பேரை பேருந்து நிறுத்தத்தில் கடந்த சில நாட்களாக அரசு பேருந்துகள் நிற்காமல் செல்கிறது. இதனால் இப்பகுதியில் உள்ள அரசு துறை சார்ந்த பல அலுவலகங்களுக்கு பயணிகள் செல்ல முடியாமல் அவதியடைந்துள்ளனர். எனவே சம்பந்தப்பட்ட அதிகாரிகள் உடனடியாக நடவடிக்கை எடுக்க வேண்டும் என பயணிகள் சார்பில் கோரிக்கை எழுந்துள்ளது.

News April 30, 2024

தூத்துக்குடி அருகே விபத்து: ஒருவர் பலி 

image

நெல்லை வடக்கு சோழிங்கநல்லூரை சேர்ந்தவர் ராஜுவ். இன்ஜினியர் ஆன இவர் நேற்று கயத்தாறுக்கு வந்துவிட்டு இருசக்கர வாகனத்தில் கருப்பசாமி என்பவர் உடன் ஊர் திரும்பி கொண்டிருந்தார். அப்போது கயத்தாறு சாலையில் எதிரே வந்த மற்றொரு இருசக்கர வாகனம் மீது மோதியது. இதில் ராஜுவ் பலத்த காயங்களுடன்  மருத்துவமனைக்கு கொண்டு சென்ற நிலையில் அவர் உயிரிழந்தார். இதுகுறித்து கயத்தாறு போலீசார் விசாரணை நடத்தி வருகின்றனர்.

News April 30, 2024

தபால் வாக்குகள் திருச்சிக்கு அனுப்பும் பணி தீவிரம்

image

தூத்துக்குடி மாவட்டத்தில் உள்ள 6 சட்டமன்ற தொகுதிகளுக்குட்பட்ட பாராளுமன்ற தேர்தல் கடந்த 19ஆம் தேதி எந்தவித அசம்பாவிதமும் இன்றி அமைதியான முறையில் நடைபெற்றது. இதில் போடப்பட்ட தபால் வாக்குகளை தொகுதி வாரியாக பிரிக்கும் பணி நேற்று ஆட்சியர் அலுவலகத்தில் நடைபெற்றது. இந்த நிலையில் இன்று பிரிக்கப்பட்ட தபால் வாக்குகள் ஆட்சியர் முன்னிலையில் திருச்சிக்கு அனுப்பி வைக்கப்படும் என தெரிவிக்கப்பட்டுள்ளது.

News April 29, 2024

இலவச பட்டா கோரி திருநங்கைகள் மனு

image

குலசேகரபட்டினத்தை சேர்ந்தவர் இந்துஜா. திருநங்கை .இன்று இவர் மாவட்ட ஆட்சியர் அலுவலகத்தில் அளித்துள்ள மனுவில் தன்னுடன் நான்கு திருநங்கைகள் வசித்து வருவதாகவும் தங்களுக்கு திருநங்கை என்பதால் வாடகைக்கு வீடு தர மறுப்பதாகவும் எனவே தங்கள் வாழ்வாதாரம் கருதி அரசு தங்களுக்கு இலவச வீட்டு மனை பட்டா வழங்க வேண்டும் என கேட்டுகொண்டார் .

Featured News

Sorry, no posts matched your criteria.

↑