India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tiruvannamalai
News August 11, 2024
குளிர்பானம் குடித்த சிறுமி உயிரிழப்பு
வெம்பாக்கம் அடுத்த கனிகிலுப்பை கிராமத்தைச் சேர்ந்த ராஜ்குமார் அவர்களின் 5 வயது மகள் நேற்று காலை கடையில் 10 ரூபாய் குளிர்பானம் வாங்கி குடித்துள்ளார். குடித்த சிறிது நேரத்திலேயே மூச்சு திணறல் ஏற்பட்டு மயக்கம் அடைந்துள்ளார். உடனடியாக காஞ்சிபுரம் அரசு மருத்துவமனைக்கு சென்றுள்ளனர். அங்கு சிகிச்சை பலனின்றி உயிர் இழந்துள்ளார். அவரது தந்தை அளித்த புகாரில் தூசி காவல்துறையினர் விசாரித்து வருகின்றனர்.
News August 11, 2024
புதிய விமான நிலையம் தொடங்க வலியுறுத்தல்
திருவண்ணாமலை அண்ணாமலையார் கோயிலில் தரிசனம் செய்ய வெளிமாநில மற்றும் வெளிநாட்டு பக்தர்கள் ஏராளமானோர் வருகை தருகின்றனர். குறிப்பாக ஆந்திர மாநிலத்திலிருந்து அதிகப்படியான பக்தர்கள் வருகை தருவர். இந்த நிலையில், திருவண்ணாமலை பகுதியில் புதிய விமான நிலையம் தொடங்க வேண்டும் என மக்களவையில் திருவண்ணாமலை எம்பி சி.என். அண்ணாதுரை வலியுறுத்தினார்.
News August 11, 2024
இரவு 10 மணி வரை மழைக்கு வாய்ப்பு
தமிழக பகுதிகளின் மேல் ஒரு வளி மண்டல கீழடுக்கு சுழற்சி நிலவுகிறது. இதன் காரணமாக, தி.மலை, தென்காசி, தூத்துக்குடி, விருதுநகர், மதுரை, தேனி, திண்டுக்கல், திருப்பூர், ஈரோடு, திருவள்ளூர், காஞ்சிபுரம், சென்னை மற்றும் செங்கல்பட்டு ஆகிய மாவட்டங்களில் இன்று இரவு 10 மணி வரை இடி, மின்னலுடன் மிதமான மழை பெய்யக்கூடும் என சென்னை வானிலை ஆய்வு மையம் தெரிவித்துள்ளது. அதற்கான ஆரஞ்சு எச்சரிக்கையும் விடுத்துள்ளது.
News August 11, 2024
இரவு 7 மணி வரை மழைக்கு வாய்ப்பு
தமிழக பகுதிகளின் மேல் ஒரு வளி மண்டல கீழடுக்கு சுழற்சி நிலவுகிறது. இதன் காரணமாக, திருவண்ணாமலை, திருநெல்வேலி, கன்னியாகுமரி, தூத்துக்குடி, தேனி, திருப்பூர், தென்காசி, கோவை, நீலகிரி மற்றும் திருவள்ளூர் ஆகிய மாவட்டங்களில் இன்று இரவு 7 மணி வரை இடி, மின்னலுடன் லேசானது முதல் மிதமானது வரை மழை பெய்யக்கூடும் என சென்னை வானிலை ஆய்வு மையம் தெரிவித்துள்ளது.
News August 11, 2024
தி.மலை ஊரக வளர்ச்சித்துறைக்கு 24 புதிய வாகனங்கள்
தி.மலையில், ஊரக வளர்ச்சித்துறை சார்பாக அலுவலக பயன்பாட்டிற்கான 24 புதிய வாகனங்களின் சாவிகளை தமிழ்நாடு பொதுப்பணித்துறை அமைச்சர் எ.வ.வேலு மற்றும் போக்குவரத்துத் துறை அமைச்சர் சா.சி.சிவசங்கர் ஆகியோர் நேற்று துறை அலுவலர்களுக்கு வழங்கினார்கள். இந்நிகழ்வில், மாவட்ட ஆட்சித் தலைவர் தெ. பாஸ்கர பாண்டியன், நாடாளுமன்ற, சட்டமன்ற உறுப்பினர்கள், உள்ளாட்சி பிரதிநிதிகள், அரசு அலுவலர்கள் உட்பட பலர் கலந்து கொண்டனர்.
News August 11, 2024
திருவண்ணாமலை மாவட்டத்தில் 494.8 மி.மீ மழை பதிவு
திருவண்ணாமலை மாவட்டத்தில் கடந்த 24 மணி நேரத்தில் மாவட்டம் முழுவதும் 494.8 மி.மீ மழை பெய்துள்ளதாகவும் அதிகபட்சமாக தண்டராம்பட்டில்-108.4, குறைந்த அளவாக வெம்பாக்கம்-4.0 மேலும் செங்கம்-82.4 மி.மீ , வந்தவாசி-22மி.மீ , ஜமுனாமுத்தூர்-5மி.மீ , சேத்பட்-8.2மி.மீ , கீழ்பெண்ணாத்தூர்-55.6மி.மீ , போளூர் 70.0மி.மீ , கலசப்பாக்கம்-68.0மி.மீ , ஆரணி-7.0மி.மீ , திருவண்ணாமலை-64 மி.மீ அளவு மழை பதிவாகி உள்ளது.
News August 11, 2024
கலைத்துறை விருது பெற விண்ணப்பிக்கலாம்
திருவண்ணாமலை மாவட்டத்தைச் சேர்ந்த சாதனை படைத்த, நாட்டுப்புற கலைகளை தொழிலாக கொண்டுள்ள கலைஞர்கள் 2023-2024 ஆண்டிற்கான விருதுகள் பெற சுய விவரக் குறிப்பு,புகைப்படம், வயது சான்று, கலைத்துறை அனுபவ சான்று நகல்களுடன் உதவி இயக்குனர், கலை பண்பாட்டு துறை,சதாவரம், சின்ன காஞ்சிபுரம் -631502 என்ற முகவரிக்கு 22 ஆம் தேதிக்குள் விண்ணப்பிக்கலாம் என திருவண்ணாமலை ஆட்சியர் பாஸ்கர பாண்டியன் தெரிவித்துள்ளார்.
News August 10, 2024
தி.மலையில் ஆணைகள் வழங்கிய அமைச்சர்கள்
தி.மலையில் இன்று நடைபெற்ற நிகழ்ச்சியில் ஊரக வளர்ச்சித்துறை சார்பாக கலைஞரின் கனவு இல்லம் திட்டத்தின் கீழ் பயனாளிகளுக்கு வீடு கட்டுவதற்கான ஆணைகளை பொதுப்பணித்துறை அமைச்சர் எ.வ. வேலு, போக்குவரத்து துறை அமைச்சர் சிவசங்கரன் ஆகியோர் வழங்கினார்கள். இந்நிகழ்ச்சியில் மாவட்ட ஆட்சித்தலைவர் தெ.பாஸ்கரபாண்டியன்
நாடாளுமன்ற உறுப்பினர்கள், சட்டமன்ற உறுப்பினர்கள் மற்றும் அரசு அலுவலர்கள் கலந்து கொண்டனர்.
News August 10, 2024
திருவண்ணாமலையில் 32 புதிய பேருந்துகள் கொடி அசைத்து துவக்கம்
திருவண்ணாமலையில் 32 புதிய பேருந்துகளின் இயக்கத்தை அமைச்சர் எ.வ வேலு, அமைச்சர் சிவசங்கர் இன்று கொடி அசைத்து துவக்கி வைத்தனர். உடன் மாவட்ட ஆட்சியர் பாஸ்கர பாண்டியன், சி.என்.அண்ணாதுரை எம்பி, தரணி வேந்தன் எம்பி, எம்எல்ஏக்கள் மு.பெ.கிரி சரவணன், ஜோதி, அம்பேத்குமார் மற்றும் பலர் கலந்து கொண்டு நிகழ்ச்சியை சிறப்பித்தார்கள்.
News August 10, 2024
திருவண்ணாமலையில் மழைக்கு வாய்ப்பு
தமிழகத்தில் தென் மேற்கு பருவ மழை தீவிரமடைந்து வரும் நிலையில், இன்று தமிழகத்தின் 6 மாவட்டங்களில் கனமழைக்கு வாய்ப்புள்ளதாக சென்னை வானிலை ஆய்வு மையம் அறிவித்துள்ளது. அதன்படி இன்று முழுவதும் திருவண்ணாமலை மாவட்டத்தின் பல்வேறு பகுதிகளில் மின்னலுடன் கூடிய கனமழை பெய்யக்கூடும் எனத் தெரிவிக்கப்பட்டுள்ளது
Featured News
Sorry, no posts matched your criteria.