India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tiruppur
News March 2, 2025
மகளிருக்கு மாதம் ரூ.2000 வழங்கப்படும்: Ex அமைச்சர் பேச்சு
மறைந்த முதல்வர் ஜெயலலிதாவின் 77வது பிறந்த நாள் பொதுக்கூட்டம் நல்லூரில் நேற்று முன் தினம் நடைபெற்றது. இதில், தமிழகத்தில் அதிமுக ஆட்சி அமைந்ததும், அனைத்து மகளிருக்கும் மாதந்தோறும் ரூ.2 ஆயிரம் வழங்கப்படும் என்று திருப்பூர் மாநகர் மாவட்ட அதிமுக செயலாளர் மற்றும் முன்னாள் அமைச்சர் பொள்ளாச்சி வி.ஜெயராமன் தெரிவித்தார். நிகழ்வில் மகளிருக்கு நலத்திட்ட உதவிகள் வழங்கப்பட்டன.
News March 2, 2025
திருப்பூர் மாவட்டத்தில், 25,863 பேர் +2 தேர்வு எழுதுகின்றனர்
நடப்பு கல்வியாண்டுக்கான பிளஸ் 2 தேர்வு, நாளை (3ம் தேதி) துவங்கி, 25ம் தேதி வரை நடக்கிறது. திருப்பூர் மாவட்டத்தில், தனியார், அரசு மற்றும் உதவி பெறும் பள்ளிகள் என, 217 மேல்நிலைப்பள்ளிகளில் படிக்கும், 25 ஆயிரத்து 863 பேர் எழுத உள்ளனர். இதில், 11 ஆயிரத்து 874 மாணவர்கள்; 13 ஆயிரத்து 989 மாணவியர் அடங்கும். தனித்தேர்வர்களாக, 379 பேர் தேர்வெழுதுகின்றனர்.
News March 2, 2025
திருப்பூர் அருகே விபத்து; சம்பவ இடத்தில் மரணம்
திருப்பூர் மாவட்டம் தாராபுரம் திருப்பூர் தேசிய நெடுஞ்சாலையில் நேற்று இரவு 11 மணியளவில் வஞ்சிபாளையம் அருகே பிஏபி வாகனம் ஓட்டுனரின் கட்டுப்பாட்டை இழந்து விபத்துக்குள்ளானது. இதில் பயணம் செய்த ஆறு பேரில் ஒருவர் சம்பவ இடத்திலே பலியானார். மேலும் ஐந்து பேர் திருப்பூர் அரசு மருத்துவமனையில் அனுமதிக்கப்பட்டுள்ளனர். மேலும் இந்த விபத்து குறித்து ஊதியூர் போலீசார் விசாரணை.
News March 2, 2025
திருப்பூரில் 75 கிலோ கெட்டுப்போன இறைச்சி அழிப்பு
திருப்பூர் மாவட்ட கலெக்டர் தா.கிருஸ்துராஜ் உத்தரவின் பேரில் மாவட்ட உணவு பாதுகாப்பு துறை அலுவலர் டாக்டர். விஜயலலிதாம்பிகை தலைமையில் உணவு பாதுகாப்பு அலுவலர்கள் குழு மாநகராட்சி பகுதிகளில் ஆய்வில் தகுதியற்ற சுமார் 75 கிலோ அளவிலான மற்றும் 7கிலோ அளவிலான சமைத்த கெட்டுப்போன, உட்கொள்ள முடியாத இறைச்சியை உணவகத்திலிருந்து கைப்பற்றி, பினாயில் ஊற்றி அழித்தனர்.
News March 1, 2025
மாவட்ட காவல்துறையின் இரவு ரோந்து பணி விவரம்
திருப்பூர் மாவட்டத்தில் தங்களது பகுதியில் இன்று இரவு பணியில் இருக்கும் காவல் அதிகாரிகளின் அலைபேசி எண்களை பொதுமக்கள் பயன்படுத்திக் கொள்ளவும். காங்கேயம், உடுமலை, அவினாசி, பல்லடம், தாராபுரம் ஆகிய பகுதிகளின் இரவு ரோந்து பணி விவரம் திருப்பூர் மாவட்ட காவல்துறையினரால் வெளியிடப்பட்டுள்ளது. மேலும் அவசர அழைப்புக்கு 108 ஐ அழைக்கவும்.
News March 1, 2025
திருப்பூரில் நூல் விலையில் மாற்றமில்லை
திருப்பூரில் 10 ஆயிரத்துக்கும் மேற்பட்ட பின்னலாடை நிறுவனங்கள் மற்றும் அதனை சார்ந்த ஜாப் ஒர்க் நிறுவனங்கள் செயல்படுகின்றன. பின்னலாடை தயாரிப்புக்கு மிக முக்கிய மூலப்பொருளாக நூல் இருந்து வருகிறது. இந்நிலையில் மார்ச் மாதத்துக்கான நூல் விலையில் மாற்றமில்லாமல் பிப்ரவரி மாத விலையே தொடரும் என நூற்பாலைகள் இன்று அறிவித்தன. இதனால் தொழில் துறையினர் மகிழ்ச்சி அடைந்தனர்.
News March 1, 2025
மாவட்ட தலைவர் முன்னாள் மாநில தலைவருக்கு வாழ்த்து
பாரதிய ஜனதா கட்சியின் முன்னாள் மாநில தலைவரும் கன்னியாகுமரி பாராளுமன்ற உறுப்பினருமான பொன் ராதாகிருஷ்ணனுக்கு இன்று பிறந்தநாள் கொண்டாடப்படுகிறது. இதைத்தொடர்ந்து திருப்பூர் தெற்கு மாவட்ட பாரதிய ஜனதா கட்சியின் மாவட்ட தலைவர் மோகனப்பிரியா சரவணகுமார் தனது பிறந்தநாள் வாழ்த்துகளை தெரிவித்துள்ளார்.
News March 1, 2025
திருப்பூரில் போக்குவரத்து மாற்றம்
திருப்பூர் மாநகரில் போக்குவரத்து நெரிசலை குறைக்கும் வகையில் மாநகர போலீசார் பல்வேறு நடவடிக்கைகள் மேற்கொண்டு வருகின்றனர். அதன்படி இன்று முதல் சோதனை அடிப்படையில் அங்கேரி பாளையம் சாலையை ஒரு வழி சாலையாக மாற்றியுள்ளனர். இதனையடுத்து அங்கு இன்று காலை முதல் போக்குவரத்து போலீசார் வாகனங்களை மாற்றுப்பாதையில் அனுப்பி வைத்து வருகின்றனர்.
News March 1, 2025
திருப்பூரில் ராணுவ வீரர்களுக்கான குறைதீர்க்கும் கூட்டம்
திருப்பூர் மாவட்டத்தை சேர்ந்த முன்னாள் படைவீரர் மற்றும் படையில் பணிபுரியும் படைவீரர்கள் மற்றும் அவரைச் சிறப்பு குறைதீர்க்கும் நாள் கூட்டம்,முதல்வரின் காக்கும் கரங்கள் விழிப்புணர்வு கூட்டம் வருகிற 4-ந் வரும் 11 மணிக்கு திருப்பூர் கலெக்டர்அலுவலக கூட்ட அரங்கில் நடக்கிறது. இதில் கலந்து கொள்ள திருப்பூர் மாவட்ட கலெக்டர் கிறிஸ்துராஜ் அழைப்பு விடுத்துள்ளார்.
News March 1, 2025
திருப்பூர் மாநகருக்கு வருகிறது “ரிங் ரோடு”
திருப்பூரை சுற்றி வெளிப்புற ரிங் ரோடு அமைக்கப்பட உள்ளது. திருப்பூர் ரிங் ரோடு விரிவான திட்ட அறிக்கையைத் தயாரிப்பதற்கான ஆலோசனை சேவைகளை நியமிப்பதற்கான டெண்டர்களை தமிழ்நாடு சாலை மேம்பாட்டுக் கழகம் அறிவித்திருக்கிறது. இது திருப்பூர் மாநகரத்தின் உள்கட்டமைப்பில் மிகப்பெரிய திருப்பு முனையாக இருக்கும் என எதிர்பார்க்கப்படுகிறது.
Featured News
Sorry, no posts matched your criteria.