India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tiruppur
News June 1, 2024
வனவிலங்குகள் கணக்கெடுப்பு பணி ஒத்திவைப்பு
உடுமலை மற்றும் அமராவதி வனச்சரகங்களில் 29ஆம் தேதி மாவட்ட வன அலுவலர் தேவேந்திர குமார் மீனா தலைமையில் வனவிலங்குகள் கணக்கெடுப்பு பயிற்சி நடைப்பெற்றது. இந்த நிலையில் புலிகள் உள்ளிட்ட வனவிலங்குகள் கணக்கெடுப்பு பணியானது சில நிர்வாக காரணங்களால் தேதி குறிப்பிடாமல் ஒத்திவைக்கப்பட்டுள்ளது என உடுமலையில் உள்ள மாவட்ட வன அலுவலக படித்துள்ள செய்தி குறிப்பில் தெரிவிக்கப்பட்டுள்ளது.
News June 1, 2024
திருப்பூர்: லாரி டிரைவருக்கு அடி உதை
வெள்ளகோவில் காமராஜபுரத்தைச் சேர்ந்தவர் அக்பர் பாஷா (45), லாரி டிரைவர். இவர் நேற்று காடையூரான் வலசு டாஸ்மாக் கடை அருகில் மது அருந்தியுள்ளார். அப்போது எல்கேசி நகரை சேர்ந்த உமாநாத் என்பவர் குடிபோதையில் அக்பர் பாஷாவிடம் தகராறு செய்துள்ளார். இதனால் ஆத்திரமடைந்த உமாநாத் அக்பர் பாஷாவை மதுபாட்டினால் தாக்கினார். இதுகுறித்து வெள்ளகோவில் போலீசார் உமா நாத் மீது வழக்கு பதிந்து விசாரித்து வருகின்றனர்.
News June 1, 2024
திருப்பூரில் கஞ்சா வைத்திருந்த பீகார் வாலிபர் கைது
திருப்பூர் நல்லூர் காவல்துறையினர் நேற்று காசிபாளையம் பகுதியில் வாகன சோதனையில் ஈடுபட்டனர். அப்போது அவ்வழியே வந்த பீகார் மாநிலத்தைச் சேர்ந்த சஜன் குமார் என்பவரை சோதனை செய்தபோது அவரிடம் கஞ்சா இருந்தது தெரியவந்தது. உடனடியாக அவரை கைது செய்த காவல்துறையினர் 1.100 கிலோ கஞ்சாவை பறிமுதல் செய்துள்ளனர். மாநகரம் முழுவதும் தனிப்படையினர் கஞ்சா தடுப்பு பணியில் தீவிரப்படுத்தப்பட்டுள்ளனர்.
News May 31, 2024
திருப்பூர்: 2 நாட்களுக்கு மழைக்கு வாய்ப்பு
திருப்பூர் மாவட்டத்தில் அடுத்த இரு நாட்களுக்கு (ஜூன்.1 & 2) மழைக்கு வாய்ப்பிருப்பதாக சென்னை வானிலை ஆய்வு மையம் தெரிவித்துள்ளது. அதன்படி திருப்பூரில் இடி மற்றும் மின்னலுடன் கூடிய லேசானது முதல் மிதமானது வரை மழைப் பெய்யக்கூடும் எனத் தெரிவிக்கப்பட்டுள்ளது. தென் தமிழக பகுதிகளின் மேல் நிலவும் வளிமண்டல கீழடுக்குச் சுழற்சியின் காரணமாக இது வெளியிடப்பட்டுள்ளது.
News May 31, 2024
கிராம நிர்வாக அலுவலகத்தில் விவசாயிகள் தர்ணா
பல்லடம் தபால் அலுவலக வீதியில் உள்ள நாராயணபுரம் கிராம நிர்வாக அலுவலர் அலுவலகத்தில் கட்சி சார்பற்ற விவசாயிகள் சங்க மாநில தலைவர் சண்முகம் துணைத் தலைவர் சண்முகசுந்தரம் ஆகியோர் தரையில் அமர்ந்து கொண்டு தர்ணா போராட்டத்தில் நேற்று ஈடுபட்டனர். தெய்வசிகாமணியின் நிலத்தை மோசடியாக பட்டா மாறுதல் மற்றும் பத்திரப்பதிவு செய்து சிலர் மோசடியில் ஈடுபட்டது தொடர்பாக விவசாயிகள் தர்ணாவில் ஈடுபட்டனர்.
News May 31, 2024
பிளாஸ்டிக் தயாரிப்பாளர்கள் பதிவு செய்ய இன்றே கடைசி!
மாசு கட்டுப்பாட்டு வாரியம் தரப்பில் கூறப்பட்டதாவது, மத்திய அரசின் சுற்றுச்சூழல், வனம் மற்றும் காலநிலை மாற்றம் அமைச்சகம் பிளாஸ்டிக் கழிவு மேலாண்மை திருந்திய விதிகள் 2022 ஆம் ஆண்டு வெளியிடப்பட்டது. இதன்படி பிளாஸ்டிக் பொருள்கள் காண விரிவாக்கப்பட்ட உற்பத்தியாளர்கள் பொறுப்பு பிளாஸ்டிக் தயாரிப்பாளர்கள் பதிவு செய்ய இன்று(மே 31) கடைசி நாள் என தெரிவித்துள்ளனர்.
News May 31, 2024
திருப்பூர்: கஞ்சா சாக்லேட் விற்ற 3 பேர் கைது
திருப்பூர் மாவட்டம் அவிநாசி அருகே தேவம்பாளையம் பகுதியில் போலீசார் ரோந்து பணியில் ஈடுபட்டிருந்தனர். அப்போது அந்தப் பகுதியில் சந்தேகத்திற்கு திறமான வகையில் நின்றுகொண்டிருந்த நபரை பிடித்து விசாரித்தனர். அதில், அவர்கள் பீகார் மாநிலத்தை சேர்ந்த பரத் குமார்(21), முகேஷ் குமார்(34) மற்றும் சுப்பையா(46) என்பதும், கஞ்சா சாக்லேட் விற்றதும் தெரிய வர அவர்களை போலீசார் கைது செய்தனர்.
News May 30, 2024
பெருமாநல்லூரில் மளிகை கடைக்கு சீல்
பெருமாநல்லூர் போலீசார் கடந்த 27ந் தேதி வாகன தணிக்கையில் ஈடுபட்டனர். அப்போது ஒரு காரில் கடத்தி வரப்பட்ட 1025 கிலோ புகையிலை பொருட்களை பறிமுதல் செய்து ராஜஸ்தான் சேர்ந்த 7 பேரை போலீசார் கைது செய்தனர். இந்த வழக்கில் கைதானவர்களில் ஒருவரான ஜோராராம் குடோன் அவினாசி ராஜன்நகரில் இருப்பது தெரியவந்தது. இதையடுத்து அந்த குடோனையும், பெருமாநல்லூரில் மாதாராம் என்பவரது மளிகை கடைக்கு இன்று சீல் வைக்கப்பட்டது.
News May 30, 2024
சேவூர் அருகே நாய்கள் கடித்ததில் மான் பலி
சேவூர் அருகே பாப்பாங்குளம் ஊராட்சியில் உள்ள குளத்தில் பெண் மான் செத்து கிடப்பதை பார்த்த அப்பகுதி பொதுமக்கள் வனத்துறையினருக்கு தகவல் அளித்தனர். தகவலையடுத்து சம்பவ இடத்துக்கு விரைந்து வந்த வனத்துறையினர் செத்துக்கிடந்த மானின் உடலை மீட்டனர். இதுகுறித்து வனத்துறையினர் கூறுகையில், 2 வயதுடைய இந்த பெண் மானின் பின்பகுதியில் நாய்கள் கடித்ததில் பலத்த காயங்கள் ஏற்பட்டு இன்று உயிரிழந்துள்ளதாக கூறினர்.
News May 30, 2024
அவினாசி: ரூ.3 லட்சத்திற்கு பருத்தி ஏலம்
அவினாசி வேளாண்மை உற்பத்தியாளர் கூட்டுறவு விற்பனை சங்கத்தில் பிரதிவாரம் பருத்தி ஏலம் நடைபெறும். அதன்படி இன்று நடந்த பருத்தி ஏலத்திற்கு 148 மூட்டை பருத்தி கொண்டு வரப்பட்டது. இதில் ஆர்.சி.எச். ரகப்பருத்தி குவிண்டால் ரூ.6,500 முதல் ரூ.7,906 வரையில் மட்டரக பருத்தி குவிண்டால் ரூ.2 ஆயிரம் முதல் ரூ.3 ஆயிரம் வரையிலும் வியாபாரிகள் ஏலத்தில் எடுத்தனர்.
Featured News
Sorry, no posts matched your criteria.