India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tiruppur
News October 24, 2024
திருப்பூர்: தீபாவளியையொட்டி சிறப்பு ரயில்கள் இயக்கம்
தீபாவளி பண்டிகையை ஒட்டி பயணிகளின் வசதிக்காக சிறப்பு ரயில்கள் இயக்கப்பட்டு வருகின்றன. சென்னை சென்ட்ரல் மங்களூர் சிறப்பு ரயில் வருகின்ற இரண்டாம் தேதி இரவு 11:50 மணிக்கு சென்னையில் இருந்து புறப்பட்டு மறுநாள் காலை 4 மணிக்கு மங்களூர் சென்றடையும். இந்த ரயில் மூன்றாம் தேதி காலை திருப்பூருக்கு 6.40 மணிக்கு வந்து சேரும் என சேலம் ரயில்வே கோட்ட அதிகாரிகள் தெரிவித்துள்ளனர்.
News October 24, 2024
மாற்றுத் திறனாளிகள் தினம்: சேவை புரிந்தவர்களுக்கு விருது
உலக மாற்றுத் திறனாளிகள் தினம் டிசம்பர் மாதம் 3ம் தேதி ஆண்டுதோறும் அனுசரிக்கப்பட்டு வருகிறது. மாற்றுத்திறனாளிகள் நலனுக்காக சிறப்பாக சேவைபுரிந்தவர்கள் மற்றும் நிறுவனங்களுக்கு தமிழக அரசு விருதுகள் வழங்கப்பட்டு வருகிறது. அதன்படி டிசம்பர் மாதம் 3ம் தேதி நடைபெற உள்ள மாற்றுத்திறனாளிகள் தின விழாவில் விருது வழங்கப்படுகிறது என திருப்பூர் ஆட்சியர் கிறிஸ்துராஜ் தெரிவித்துள்ளார்.
News October 24, 2024
திருப்பூர்: ஆர்ப்பரித்து பாயும் வெள்ளம்
திருப்பூர் மற்றும் கோவை சுற்றுவட்டார பகுதிகளில் கடந்த சில நாட்களாக பலத்த மழை பெய்து வருகிறது. இதனால் திருப்பூரில் பாயும் நொய்யல் ஆற்றில் தண்ணீரின் அளவு அதிகரித்து வருகிறது. நேற்று அணை மேடு பகுதியில் உள்ள தடுப்பணையில் மழை வெள்ளம் ஆர்ப்பரித்து சென்றது.
News October 24, 2024
முதியோர் இல்லங்களை பதிவு செய்ய கலெக்டர் உத்தரவு
திருப்பூர் மாவட்டத்தில் செயல்படும் முதியோர் இல்லங்கள், பெண்கள், குழந்தைகளுக்கான விடுதிகள் வரும் நவ., 20ம் தேதிக் குள் பதிவுக்கு விண்ணப்பிக்க வேண்டும்.முதியோர் இல்லங்கள் https://www. seniorcitizenhomes. tnsocialwelfare.tn.gov. / என்கிற தளத்திலும், பெண்கள் மற்றும் குழந்தை களுக்கான விடுதிகள், https://tnswp.com என்கிற தளத்திலும் விண்ணப்பிக்க வேண்டும் என கலெக்டர் கிறிஸ்துராஜ் தெரிவித்துள்ளார்.
News October 23, 2024
புகையிலை விற்பனை செய்த 80 கடைகளுக்கு அபராதம்
திருப்பூர் மாவட்டத்தில் தமிழக அரசால் தடைசெய்யப்பட்ட குட்கா புகையிலை பொருட்கள் விற்பனை செய்வதாக கண்டறியப்பட்ட 80 கடைகளும் பூட்டப்பட்டது. கடைகளுக்கு ரூ.21 லட்சத்து 25 ஆயிரம் அபராதமாக விதிக்கப்பட்டுள்ளது என திருப்பூர் மாவட்ட உணவு பாதுகாப்புத் துறை அதிகாரி விஜயலலிதாம்பிகை தெரிவித்துள்ளார். புகையிலை பொருட்கள் விற்கப்பட்டால் 9444042322 என்ற வாட்சப் எண்ணில் புகார் தெரிவிக்கவும் அறிவுறுத்தினார்.
News October 23, 2024
கியாஸ் நுகர்வோர் கூட்டம் 28-ம் தேதி நடக்கிறது
திருப்பூர் மாவட்டத்தில் உள்ள எரிவாயு (கியாஸ்) நுகர்வோர்களுக்கான குறைதீர்க்கும் நாள் கூட்டமானது வருகிற 28ம் தேதி மாலை 3 மணிக்கு திருப்பூர் மாவட்ட கலெக்டர் அலுவலக கூட்ட அரங்கில் (அறை எண் 20ல்) நடக்கிறது. இந்த குறைதீர்க்கும் நாள் கூட்டத்தில் எரிவாயு முகவர்கள் மற்றும் எண்ணெய் நிறுவன பிரதிநிதிகள் கலந்து கொள்ள உள்ளனர் சேலம் மாவட்ட வருவாய் அதிகாரி கார்த்திகேயன் தெரிவித்துள்ளார்.
News October 23, 2024
கல்வி அலுவலர்கள் ஆய்வுக் கூட்டம்
திருப்பூர் மாவட்ட கலெக்டர் அலுவலக கூட்டரங்கில் பள்ளி கல்வித்துறையின் சார்பில் மாவட்ட கல்வி அலுவலர்களுக்கான ஆய்வுக்கூட்டம் நடைபெற்றது. இதற்கு கலெக்டர் கிறிஸ்துராஜ் தலைமை தாங்கி பேசினார். மேலும் பள்ளி கல்வித்துறை சார்பில் மேற்கொள்ளப்பட்டு வரும் திட்டங்கள் குறித்து அதிகாரிகளிடம் கேட்டறிந்தார். விரைவாக அனைத்து பணிகளையும் முடிக்கவும் உத்தரவிட்டார்.
News October 23, 2024
சாதி வன்கொடுமை புகார்: திருப்பூர் கலெக்டர் அறிவிப்பு
திருப்பூர் மாவட்டத்தில் சாதி வன்கொடுமையால் பாதிக்கப்பட்ட ஆதிதிராவிடர் மற்றும் பழங்குடியினர் இனத்தை சேர்ந்த நபர்கள் மற்றும் பாதிக்கப்பட்டவர்கள் கட்டணமில்லா தொலைபேசி எண்களை பயன்படுத்தி அரசு விடுமுறை நாட்கள் நீங்கலாக அலுவலக நாட்களில் அலுவலக பணி நேரத்தில் புகார்களை 18002021989 அல்லது 14566 என்ற கட்டணமில்லா தொலைபேசி எண்களில் பதிவு செய்யலாம் என கலெக்டர் கிறிஸ்துராஜ் தெரிவித்துள்ளார்.
News October 23, 2024
திருப்பூரில் 572.50 மிமீமழை பதிவு
திருப்பூர் மாவட்டத்தில் நேற்று மாலை முதல் இடி மின்னலுடன் கூடிய கனமழை பெய்தது. மாவட்ட நிர்வாகம் வெளியிட்டுள்ள அறிக்கையில் திருப்பூர் மாவட்டத்தில் 572.50 மில்லி மீட்டர் மழை பதிவாகி இருப்பதாகவும் அதிகபட்சமாக திருப்பூர் வடக்கு பகுதியில் 73 மில்லி மீட்டர், தெற்கு பகுதியில் 27 மில்லி மீட்டரும், உடுமலைப்பேட்டையில் 60 மில்லி மீட்டர் என மழை பதிவாகி இருப்பதாக தெரிவிக்கப்பட்டுள்ளது.
News October 23, 2024
திருப்பூரில் பள்ளி கல்லூரிகளுக்கு இன்று விடுமுறை
வடகிழக்கு பருவமழை தொடங்கியுள்ள நிலையில் மத்திய கிழக்கு வங்க கடல், அதையொட்டிய வடக்கு அந்தமானில் காற்றழுத்த தாழ்வு பகுதி உருவாகியுள்ளது. அது மேற்கு, வடமேற்கு திசையை நோக்கி நகர்ந்து காற்றழுத்த தாழ்வு மண்டலமாக உருவாகியுள்ளது. இந்த தாழ்வு மண்டலம் மேலும் தீவிரமடைந்து புயலாக வலுப்பெறும் என தெரிவிக்கப்பட்டுள்ளது. இதனால் இன்று திருப்பூர் மாவட்டத்தில் பள்ளி, கல்லூரிகளுக்கு விடுமுறை அறிவிக்கப்பட்டுள்ளது.
Featured News
Sorry, no posts matched your criteria.