• Download our app

Tiruppur

News November 4, 2024

திருப்பூரில் இன்றைய தலைப்பு செய்திகள்

image

➤ உடுமலை அருகே சாலையை கடக்க முயன்ற பைக் மீது மற்றொரு பைக் மோதியதில் ஒருவர் உயிரிழந்தார். ➤ தீபாவளி விடுமுறைக்கு பின் பின்னலாடை நிறுவனங்கள் இன்று முதல் இயங்குகிறது. ➤ திருப்பூரைச் சேர்ந்தவர்களுக்கு வரும் 8ஆம் தேதி ராணுவத்திற்கான சேர்க்கை முகாம் கோவையில் நடைபெறவுள்ளது. ➤ திருப்பூர் மாவட்டத்தில் பல்வேறு இடங்களில் இடி, மின்னலுடன் கனமழை பெய்து வருகிறது.

News November 4, 2024

திருப்பதி தேவஸ்தான குழுவில் திருப்பூர் தொழில் அதிபர்

image

திருப்பதி தேவஸ்தானத்திற்கு அறங்காவலர் குழுவில் திருப்பூர் தொழிலதிபர் உட்பட, 24 பேர் தேர்வு செய்யப்பட்டுள்ளனர். திருப்பதி தேவஸ்தானத்திற்கு அறங்காவலர் நிர்வாக குழு, 2 ஆண்டுகளுக்கு ஒரு முறை மாற்றியமைக்கப்படும். அவ்வகையில், புதிய அறங்காவலர் குழு அறிவிக்கப்பட்டது. அதில் டாலர் நிறுவனங்களின் தலைவர் ராமமூர்த்தி நியமிக்கப்பட்டுள்ளார். இவருக்கு திருப்பூர் பின்னலாடை உற்பத்தியாளர்கள் வாழ்த்து தெரிவித்தனர்.

News November 4, 2024

திருப்பூர் இளைஞர்களே.. ராணுவத்தில் சேர அரிய வாய்ப்பு

image

இந்திய ராணுவத்தில் 174 ராணுவ வீரர்கள், 50 கிளார்க் பணியிடங்களுக்கான ஆட்கள் தேர்வு கோவை போலீஸ் பயிற்சி பள்ளி மைதானத்தில் நடைபெறுகிறது. தமிழகத்திலிருந்து பல்வேறு மாவட்ட இளைஞர்களுக்கு தேர்வு முகாம் நடைபெறும் நிலையில், திருப்பூர் மாவட்டத்தைச் சேர்ந்தோருக்கு வரும் 8ஆம் தேதி தேர்வு முகாம் நடைபெற உள்ளதால் ராணுவத்தில் சேர ஆர்வம் உள்ள இளைஞர்கள் பங்கேற்கலாம் என தெரிவிக்கப்பட்டுள்ளது.

News November 4, 2024

திருப்பூர் நோக்கி படையெடுத்த மக்கள்

image

தீபாவளி பண்டிகையை முன்னிட்டு திருப்பூரிலிருந்து தொழிலாளர்கள் தங்களது சொந்த ஊர்களுக்குச் சென்றனர். தீபாவளி பண்டிகை முடிந்த நிலையில் நேற்றைய தினம் தொழிலாளர்கள் அனைவரும் மீண்டும் திருப்பூர் நோக்கி செல்வதற்காக தாராபுரம் வழியாக சென்றனர். இருசக்கர மற்றும் நான்கு சக்கர வாகனங்களில் அதிக அளவில் தொழிலாளர்கள் மற்றும் பொதுமக்கள் திருப்பூருக்கு படையெடுத்தனர்.

News November 3, 2024

உடுமலையில் தவெக சார்பில் கிரிக்கெட் போட்டி

image

உடுமலையில் தவெக சார்பில் மாவட்ட அளவிலான கிரிக்கெட் போட்டி விஷ்ணு ராம் , சக்தி விக்னேஷ், விக்னேஷ் ராஜசேகரன், கலைவாணன், தலைமையில் நடைபெற்றது. மாவட்டத்திலிருந்து 32 அணிகள் கலந்து கொண்டன. இறுதிப் போட்டியில் ஸ்மார்ட் பாய்ஸ் – மகிழன் சி.சி அணி மோதியது. இதில் 4 வித்யாசத்தில் உடுமலை ஸ்மார்ட் பாய்ஸ் அணி வெற்றி பெற்றது .வெற்றி பெற்ற அணிகளுக்கு நிர்வாகிகள் ராமன், காஜா , காப்பி வழங்கினார்.

News November 3, 2024

திருப்பூர்: சிறப்பு பேருந்துகள் இயக்கம் தொடக்கம்

image

தீபாவளி பண்டிகை முடிந்து வேலைக்கு மற்றும் சொந்த ஊருக்கு பொதுமக்கள் திரும்பி வருகின்றனர். இந்நிலையில் திருப்பூரில் இருந்து தீபவாளிக்கு 1.5 லட்சம் பேர் சொந்த ஊருக்குச் சென்றனர். ஊர் திரும்புவர்களின் வசதிக்காக மதுரை மார்க்கமாக 100 பஸ்கள், திருச்சிக்கு 50 பஸ்கள், சேலத்துக்கு 25 பஸ்கள் இயக்கப்பட்டன. இன்று சிறப்பு பஸ்களின் எண்ணிக்கை அதிகரிக்க உள்ளதாக போக்குவரத்து கழக அதிகாரிகள் தெரிவித்தனர்.

News November 2, 2024

தாராபுரத்தில் அமைச்சரை கண்டித்து ஆர்பாட்டம்

image

தாராபுரம் முஹம்மதியா நகர் பகுதியில் அடிப்படை வசதி செய்து தருவேன் என்று வாக்குறுதி அளித்தும், வாக்குறுதியை நிறைவேற்றாத அமைச்சர் கயல்விழி செல்வராஜ் மற்றும் கவுண்டச்சிபுதூர் ஊராட்சி மன்றத்தலைவர் செல்வி ரமேஷ் ஆகியோரை கண்டித்து கவன ஈர்ப்பு போராட்டம் வருகிற 7 ம் தேதி காலை 10 மணிக்கு அண்ணாசிலை அருகில் நடைபெற உள்ளதாக தாராபுரம் முஹம்மதியா நகர் பொதுமக்கள் சார்பில் அறிவிக்கப்பட்டுள்ளது.

News November 2, 2024

திருப்பூர்: சாலை விபத்தில் ஓய்வு பெற்ற காவலர் உயிரிழப்பு

image

தாராபுரம் பெரமியத்தைச் சேர்ந்தவர் ராஜேந்திரன் (54), ஓய்வுபெற்ற காவலர். தனது இல்லத்தில் இருந்த நிலையில் இரவு 1 மணி அளவில் திடீரென இதய வலி ஏற்பட்டு தனது மகள் மனைவியுடன் காரில் மருத்துவமனைக்கு செல்லும்போது கட்டுப்பாட்டை இழந்த கார் அமராவதி ஆற்று பாலம் பள்ளத்தில் இறங்கியது. தீயணைப்பு துறையினர் காரை பத்திரமாக மீட்டனர். இதில் ராஜேந்திரன் உயிரிழந்தார். இருவர் மருத்துவமனையில் சிகிச்சை பெற்று வருகின்றனர்.

News November 1, 2024

திருப்பூர் பழைய பஸ் நிலையத்தில் அலைமோதிய கூட்டம்

image

தீபாவளிக்கு தமிழகத்தில் பள்ளி, கல்லூரிகளுக்கு நான்கு நாட்கள் விடுமுறை அளிக்கப்பட்டுள்ளது. இதனால் திருப்பூரில் தீபாவளி பண்டிகையை கொண்டாடிய பொதுமக்கள் வெளியூர்களுக்கு செல்லவும், இன்று அமாவாசை நாள் என்பதால் பழனி, சிவன்மலை உள்ளிட்ட பல்வேறு கோவில்களுக்கு செல்லவும் திருப்பூர் பழைய பஸ் நிலையம் வந்தனர். இதனால் பஸ் நிலையத்தில் பயணிகள் கூட்டம் அலைமோதியது. பெரும்பாலான பஸ்களில் கூட்டம் நிரம்பி வழிந்தது.

News November 1, 2024

திருப்பூரில் கனமழை: சுவர் இடிந்து 4 பேர் காயம்

image

திருப்பூர் மாநகரம் முழுவதும் நேற்று நள்ளிரவு இடியுடன் கூடிய கனமழை பெய்துள்ளது. நள்ளிரவு முதல் அதிகாலை வரை பெய்த கன மழையின் காரணமாக திருப்பூர் மாநகரின் பல்வேறு பகுதிகளுக்குள் வெள்ளநீர் சென்றது. இதில் திருப்பூர் காங்கேயம் சாலையை காங்கேயம்பாளையம் புதூர் பகுதியில் ஆதிதிராவிடர் காலனியில் குமார் என்பவரது வீட்டின் சுவர் இடிந்து விழுந்ததில் நான்கு பேர் காயங்களுடன் தப்பினர்.

Featured News

Sorry, no posts matched your criteria.

↑