News May 18, 2024

திருப்பத்தூர் மழைக்கு வாய்ப்பு

திருப்பத்தூர் மாவட்டத்தில் இன்று (மே.18) மாலை 4 மணி வரை இடியுடன் கூடிய மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. தென்தமிழக கடலோரப் பகுதிகளில் மேல் உள்ள வளிமண்டல கீழடுக்கு சுழற்சி காரணமாக மழைக்கு வாய்ப்புள்ளது. திருப்பத்தூர் மாவட்டத்தின் பெரும்பாலான பகுதிகளில் மழை பெய்து வருவது குறிப்பிடத்தக்கது.

News May 18, 2024

திருப்பத்தூர் அருகே தீ விபத்து

கந்திலி ஒன்றியம் தோரணம்பதி ஊராட்சி குமாரம்பட்டி பகுதியில் திவாகர்நாத் என்பவருக்கு சொந்தமான கம்ப்யூட்டர் சாம்பிராணி தொழிற்சாலை செயல்பட்டு வருகிறது. இந்த நிலையில் இன்று விடியற்காலை 3 மணி அளவில் திடீரென தீவிபத்து ஏற்பட்டு தொழிற்சாலை முழுவதும் தீ பற்றி எரிந்தது. தகவலறிந்து சம்பவ இடத்திற்கு சென்ற தீயணைப்பு வீரர்கள் தீயை அணைத்தனர். 

News May 18, 2024

ஆம்பூர்: மர்ம நபருக்கு வலைவீச்சு

ஆம்பூர் நகரத்தில் சாண்றோர்குப்பம் பகுதியில் கடந்த 2 நாட்களுக்கு  முன்பு நள்ளிரவு 2 மணி அளவில் பைக் திருடப்பட்டுள்ளது. இதுகுறித்து ஆம்பூர் நகர போலீசார் விசாரை மேற்கொண்டனர்.  அப்பகுதியில் உள்ள சிசிடிவி சோதித்தபோது ப்ளூ கலர் அணிந்த மர்ம நபர் முகத்தை மூடி செல்லும் காட்சி பதிவானது. அவர் யார், எந்த ஊர் என போலீசார் தீவிரமாக தேடி வருகின்றனர். 

News May 18, 2024

முன்னறிவிப்பின்றி மூடப்பட்ட பஜார் போஸ்ட் ஆபீஸ்

திருப்பத்தூர் மாவட்டம் ஆம்பூர் ஏ கஸ்பா மெயின் ரோடு பகுதியில் அரசு உயர்நிலைப்பள்ளி அருகே இயங்கிய பஜார் போஸ்ட் ஆபீஸ் வாடிக்கையாளர்களுக்கு எந்தவித முன்னறிவிப்பும் இன்றி மூடப்பட்டது. அண்மையில் பல ஊர்களில் அஞ்சலகங்கள் மூடப்பட்ட போது அப்பகுதி மக்கள் எதிர்ப்பு தெரிவித்து ஆர்ப்பாட்டம் நடத்தினர். ஆனால், ஆம்பூரில் பஜார் போஸ்ட் ஆபீஸ் மூடப்பட்டது மக்களில் பல பேருக்கு தெரியவில்லை என்பது குறிப்பிடத்தக்கது.

News May 18, 2024

ஜோலார்பேட்டை : காதலியை மீட்க போராடும் காதலன்

ஜோலார்பேட்டை அருகே பாச்சலை சேர்ந்தவர் கெளதம். இவர், இன்று மாவட்ட போலீஸ் அலுவலகத்திற்கு 100 என்ற தொலைபேசி எண்ணுக்கு தனது காதலியை பூட்டி வைத்து இருப்பதாக புகார் அளித்துள்ளார். புகாரின்பேரில் ஜோலார்பேட்டை போலீசார் விரைந்து சென்று விசாரணை மேற்கொண்டனர். அதில், பதிவு திருமணம் செய்துகொண்ட நிலையில் பெற்றோர் எதிர்ப்பு தெரிவித்து வருகின்றனர் எனவும் அவர் கூறியுள்ளார்.

News May 17, 2024

இருளர் இன மக்களுக்கு சாதி சான்றிதழ்

ஆம்பூர் தாலுகா பப்னபள்ளி கிராமத்தில் மொத்தம் 64 பேருக்கு சமுக சான்றிதழ் வழங்க 50 ஆண்டுகளாக கோரிக்கை விடுத்து வந்துள்ளனர். அதன்படி ஆட்சியர் தர்பகராஜ் இ.ஆ.ப அறிவுறுத்தலின் பேரில் வருவாய்த்துறை அலுவலர்கள் நேரடியாக ஆய்வு மேற்கொண்டு மாவட்ட ஆட்சித் தலைவர் முன்னிலையில் அவர்கள் வசிக்கக்கூடிய இடத்திற்கே சென்று சாதி சான்றிதழை வழங்கினர்.

News May 17, 2024

திருப்பத்தூர்: நாளை கனமழைக்கு வாய்ப்பு

திருப்பத்தூர் மாவட்டத்தில் நாளை (மே.18) கனமழைக்கு வாய்ப்பு உள்ளதாக சென்னை வானிலை ஆய்வு மையம் தெரிவித்துள்ளது. குமரிக் கடலில் நிலவும் வளிமண்டல கீழடுக்கு சுழற்சி காரணமாக நாளை திருப்பத்தூரில் கனமழை பதிவாகக்கூடும். சமீபமாக தமிழகத்தின் மழைப் பொழிவின் அளவு அதிகரித்து வருவது குறிப்பிடத்தக்கது.

News May 17, 2024

திருப்பத்தூர்: மழைக்கு வாய்ப்பு!

திருப்பத்தூர் மாவட்டத்தில் இன்று (மே.17) மாலை 4 மணி வரை மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. அதனால் திருப்பத்தூரில் லேசான இடி, மின்னலுடன் கூடிய லேசானது முதல் மிதமானது வரை மழைப்பொழிவு பதிவாககூடும் எனத் தெரிவித்துள்ளது. இன்று காலை முதலே தமிழகத்தின் பல இடங்களில் மழை பெய்து வருவது குறிப்பிடத்தக்கது.

News May 17, 2024

வாணியம்பாடி அரசு ஐடிஐயில் சேர விருப்பமா

வாணியம்பாடி வட்டம் ஆலங்காயம் சாலை வேப்பமரச் சாலை பகுதியில் அரசினர் தொழிற் பயிற்சி நிலையம் இயங்கி வருகிறது. 2024 ஆம் ஆண்டுக்கான மாணவர் சேர்க்கை மே 10ம் தேதி முதல் ஜூன் 7ம் தேதி வரை விண்ணப்பிக்கலாம். www. skilltraining.tn.gov.in என்ற இணையதளம் மூலம் விண்ணப்பிக்கலாம் அல்லது தொழிற்பயிற்சி நிலையங்களில் நேரடியாகவும் கட்டணமின்றி விண்ணப்பிக்கலாம் என்று ஆட்சியர் கூறியுள்ளார்.

News May 17, 2024

திருப்பத்தூர்: பெரிய ஏரியை தூர்வார கோரிக்கை

திருப்பத்தூர் பேருந்து நிலையம் பகுதியில் உள்ள பெரிய ஏரி திருப்பத்தூர் மாவட்டத்தின் மிகப்பெரிய ஏரியாகும். இந்த ஏரிக்கு, பாச்சல் ஏரி, மாடப்பள்ளி ஏரி, அண்ணாண்டப்பட்டி ஏரி, புதுக்கோட்டை ஏரி என 4 ஏரிகளில் இருந்து உபரிநீர் சென்றடைகிறது.

இதுகுறித்து பொதுமக்கள் கூறுகையில், குப்பைகளால் துர்நாற்றம் வீசுகிறது. அப்பகுதியில் குப்பை கொட்டுவதை தவிர்க்க வேண்டும் என கோரிக்கை வைத்தனர்.