India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tirupathur
News February 20, 2025
உழவர் அட்டை வைத்திருப்பவர்களுக்கு உதவித்தொகை
முதலமைச்சரின் உழவர் பாதுகாப்பு திட்டத்தின் கீழ் நலத்திட்ட உதவிகள் பெறலாம் என ஆட்சியர் சிவசௌந்திரவள்ளி இன்று(பிப்.20) அறிவித்துள்ளார். உழவர் அட்டை வைத்திருக்கும் விவசாயிகள் உதவித்தொகை பெற விண்ணப்பிக்கலாம் என அறிவிக்கப்பட்டது. இதில் கடந்த ஓராண்டுக்குள் நடைபெற்ற திருமணம், இறப்பு, படிப்புக்கான செலவு ஆகியவற்றிக்கு விண்ணப்பிக்கலாம்.
News February 20, 2025
முன்விரோதம் காரணமாக கூலித் தொழிலாளி மண்டை உடைப்பு
திருப்பத்தூர் அடுத்த ஆம்பூர் தாலுகா நாச்சியார் குப்பம் பகுதியை சேர்ந்த ஜெகத்ரட்சகன் கூலி தொழிலாளியை நேற்று இரவு பெரியங்குப்பம் சாமுண்டீஸ்வரி அம்மன் கோயில் திருவிழாவில் கலந்து கொண்டு நாச்சியார் குப்பம் வந்த போது பழைய முன்விரோதம் காரணமாக அதே பகுதியை மனேகரன், சிவா, சக்தி,சாரதி உள்ளிட்ட 5 பேர் வழிமடங்கி அடித்து உள்ளனர். இதில் படுகாயம் அடைந்த ஜெகத்ரட்சகன் மருத்துவமனையில் சிகிச்சை பெற்று வருகின்றார்.
News February 20, 2025
துத்திபட்டு ஊராட்சியில் கலெக்டர் தலைமையில் ஆய்வு கூட்டம்
திருப்பத்தூர் மாவட்டம் ஆம்பூர் தாலுகா துத்திப்பட்டு ஊராட்சியில் நேற்று மாலை பல்வேறு இடங்களில் உங்களைத் தேடி உங்கள் ஊரில் திட்டத்தின் கீழ் ஆய்வு மேற்கொள்ளப்பட்டது குறித்து அனைத்து துறை முதல்நிலை அலுவலர்களுடன் ஆய்வுக்கூட்டம் நடத்தப்பட்டது இந்த கூட்டத்தில் மாவட்ட ஆட்சியர் சிவ சவுத்திரிவள்ளி மற்றும் அரசு அதிகாரிகள் கலந்து கொண்டனர்.
News February 19, 2025
எஸ்.பி.தலைமையில் குறைதீர்வு கூட்டம்
திருப்பத்தூர் மாவட்ட காவல் அலுவலகத்தில் இன்று வாராந்திர பொதுமக்கள் குறைதீர்வு கூட்டம் மாவட்ட காவல் கண்காணிப்பாளர் ஷ்ரேயா குப்தா தலைமையில் நடைபெற்றது. இக்குறைதீர்வு கூட்டத்தில் பொதுமக்களிடம் மொத்தமாக 56 மனுக்கள் பெறப்பட்டதாகவும், மனுக்களை விசாரணை செய்து உரிய நடவடிக்கை எடுக்கப்படும் என்றும் மாவட்ட காவல் கண்காணிப்பாளர் தெரிவித்துள்ளார்.
News February 19, 2025
திருப்பத்தூரில் வேலை இல்லாதோருக்கு உதவி தொகை
திருப்பத்தூர் மாவட்டத்தில் வேலையற்ற இளைஞர்கள் மற்றும் மாற்றுத்திறனாளிகளுக்கு மாதந்திர உதவித்தொகை வழங்கப்படுகிறது. இதில் SSLC, HSC, டிகிரி போன்ற கல்வி தகுதியின் அடிப்படையில் மாதம் தோறும் உதவி தொகை வழங்கப்படுகிறது. இதற்கு பதிவு செய்ய கடைசி நாள் 28.02.2025. மேலும் தகவல்களுக்கு மாவட்ட வேலைவாய்ப்பு மையத்தை அணுகலாம். யூஸ் பண்ணிக்கோங்க. மறக்காம ஷேர் பண்ணுங்க.
News February 19, 2025
இன்று மின்தடை ஏற்படும் பகுதிகள்
மின்பராமரிப்பு பணிகள் காரணமாக இன்று (பிப்.19) திருப்பத்தூரில் பல பகுதிகளில் மின்தடை செய்யப்படுவதாக தமிழ்நாடு மின்சார வாரியம் அறிவித்துள்ளது. மாதரப்பள்ளி, விஷமங்கலம், மாம்பாக்கம், ஏ.கே.மோட்டூர், புதுப்பூங்குளம், எழூர், சிம்மனபுதூர், கீழ்மாத்தூர், சிங்காரப்பேட்டை, ரெட்டிவல்சை, அத்திப்பாடி, பாவக்கல் ஆகிய பகுதிகளில் இன்று காலை 9 மணி முதல் மாலை வரை மின் தடை செய்யப்படும் என அறிவிக்கப்பட்டுள்ளது.
News February 18, 2025
ஆட்சியர் அலுவலகத்தில் வருவாய் துறையினர் ஆர்ப்பாட்டம்
திருப்பத்தூர் மாவட்ட ஆட்சியர் அலுவலக வளாகத்தில் இன்று மாலை 5.30 மணியளவில் வருவாய் துறை அலுவலர்கள் சங்கத்தின் சார்பில் தங்களது வாழ்வாதார கோரிக்கைகளை நிறைவேற்ற வலியுறுத்தியும் நிலுவையில் உள்ள கோரிக்கைகள் மீது உடனடியாக நடவடிக்கை எடுக்க வலியுறுத்தல் உள்ளிட்ட பல்வேறு அம்சக் கோரிக்கைகளை நிறைவேற்ற வலியுறுத்தி ஆர்ப்பாட்டத்தில் ஈடுபட்டனர்.
News February 18, 2025
திருப்பத்தூர் பகுதியில் தனியார் வேலைவாய்ப்பு முகாம்
திருப்பத்தூர் பகுதியில் வேலைவாய்ப்பு முகாம் நடக்க இருப்பதாக அறிவிப்பு வெளியானது. வருகிற 21-02-2025 அன்று தனியார் துறை மூலம் வேலையில்லா மக்களுக்கு வேலை வழங்க இந்த முகாம் நடைபெற இருக்கிறது. இதற்கு கல்வித்தகுதி 8 வகுப்பு முதல் பட்டபடிப்பு வரை படித்த இளைஞர்கள், பெண்கள் கலந்து கொள்ளலாம் அனுமதி இலவசம். மாவட்ட தொழில்நெறி அலுவலகத்தை அணுகவும்
News February 18, 2025
தண்டவாளத்தில் தலை வைத்து ஒருவர் தற்கொலை
திருப்பத்தூர் மாவட்டம் வாணியம்பாடி அடுத்த தும்பேரி பகுதியைச் சேர்ந்தவர் மனோகரன். இவர் திம்மாம்பேட்டை அரசு உயர்நிலைப் பள்ளியில் அலுவலக உதவியாளராக பணியாற்றி வந்துள்ளார். இவர் உடல் நலக்குறைவால் அவதியடைந்து வந்த நிலையில், இன்று கொடையாஞ்சி பகுதியில் உள்ள ரயில்வே தண்டவாளத்தில் தலை வைத்து தற்கொலை செய்துக்கொண்டுள்ளார். இதுகுறித்து ஜோலார்பேட்டை போலீசார் விசாரணை மேற்கொண்டு வருகின்றனர்.
News February 18, 2025
பள்ளி ஆசிரியர்களுக்கான மாபெரும் வேலைவாய்ப்பு
சென்னை மதுரவாயல், ஆலப்பாக்கம் வேலம்மாள் வித்யாலயா பள்ளியில், தனியார் பள்ளி ஆசிரியர்களுக்கான மாபெரும் வேலைவாய்ப்பு முகாம் பிப்.22ஆம் தேதி நடக்கிறது. தமிழ், ஆங்கிலம், இயற்பியல், வேதியியல், கணிதம், பொருளாதாரம், வரலாறு, இந்தி, அறிவியல் என 10,000 ஆசிரியர்கள் நியமிக்கப்பட உள்ளார்கள். தொடர்புக்கு – 8248470862, 9442568675, 8015343462. வேலைவாய்ப்பு முகாம் காலை 9 மணி முதல் மாலை 4 மணி வரை நடக்கிறது.
Featured News
Sorry, no posts matched your criteria.