• Download our app

Tirupathur

News October 4, 2024

15ஆம் நூற்றாண்டின் போர் வீரன் நடுகல் கண்டுபிடிப்பு

image

ஜோலார்பேட்டை அடுத்த தாமலேரிமுத்தூர் ஊராட்சிக்கு உட்பட்ட பெருமாள் கோயில் வட்டம் என்ற இடத்தில் 600 ஆண்டுகளுக்கு முற்பட்ட விஜயநகர மன்னர்கள் ஆட்சிக்காலத்து நடுகல் இன்று கண்டறியப்பட்டது. திருப்பத்தூர் தூய நெஞ்சக் கல்லூரி தமிழ்த்துறை உதவிப் பேராசிரியர் முனைவர் ஆ.பிரபு மற்றும் சமூக ஆர்வலர் வே. இராதாகிருஷ்ணன் ஆகியோர் மேற்கொண்ட கள ஆய்வு மேற்கொண்ட போது 15 ம் நூற்றாண்டின் போர் வீரன் நடுகல் என உறுதியானது.

News October 4, 2024

தண்ணீர் தொட்டியில் விழுந்த 2 வயது குழந்தை பலி

image

திருப்பத்தூர் அருகே சின்னபசிலிகுட்டை பகுதியை சேர்ந்த மோகன்-பிரவீனா தம்பதியரின் 2 வயது குழந்தை கிருத்திகா. இவருடைய தாத்தா காந்தி என்பவர் தண்ணீர் தொட்டியில் மோட்டார் போட்டு தண்ணீர் நிரப்பி கொண்டு இருந்துள்ளார். அப்போது தண்ணீர் தொட்டி அருகே கிருத்திகா விளையாடி கொண்டிருந்த போது தண்ணீர் தொட்டியில் தவறி விழுந்து பலியானார். இந்த சம்பவம் அப்பகுதியில் சோகத்தை ஏற்படுத்தியுள்ளது.
உயிர் இழப்பு

News October 4, 2024

திருப்பத்தூர் கிராமிய காவல் நிலையத்தில் எஸ்பி ஆய்வு

image

திருப்பத்தூர் கிராமிய காவல் நிலையம் மற்றும் மாவட்ட குற்ற பிரிவில், மாவட்ட காவல் கண்காணிப்பாளர் ஸ்ரேயா குப்தா அவர்கள் நேற்று பார்வையிட்டு ஆய்வு செய்தார். அப்போது காவல் நிலையம் மற்றும் அலுவலகத்தில் பராமரிக்கப்படும் ஆவணங்களையும்
காவல் நிலையங்களுக்கு புகார் அளிக்க வரும் பொதுமக்களிடம் கனிவுடன் நடந்து கொள்ள வேண்டும் எனவும் அறிவுரைகள் வழங்கினார்.

News October 4, 2024

பாலியல் துன்புறத்தலுக்கு 181 எண்ணை அழைக்கலாம்

image

திருப்பத்தூர் மாவட்ட காவல்துறை பெண்களுக்கு எதிரான குற்றங்களில் இருந்து தங்களை பாதுகாத்துக் கொள்வதற்காக 181 என்ற எண்ணை அறிமுகப்படுத்தியுள்ளது. தங்கள் பணி புரியும் இடங்களிலும் மற்ற இடங்களிலோ இழிவுபடுத்தினாலும் தங்களை அவமரியாதை செய்தாலும் அதைப் பொறுத்துக் கொள்ளாமல் உடனடியாக 181 என்ற எண்ணிற்கு பெண்கள் தொடர்பு கொள்ள வேண்டும் என விழிப்புணர்வு ஏற்படுத்தியுள்ளனர்.

News October 4, 2024

திருப்பத்தூர் மாவட்டத்தில் வாக்காளர் பட்டியல் சிறப்பு முகாம்

image

திருப்பத்தூர் மாவட்டத்தில் வாக்காளர் பட்டியலில் பெயர் சேர்ப்பதற்காக நவம்பர் மாதத்தில் 4 நாட்கள் சிறப்பு முகாம் நடைபெற உள்ளது என தேர்தல் ஆணையம் தெரிவித்துள்ளது. நவம்பர் 9,10,23,24 ஆகிய நாட்களில் சிறப்பு முகாம்கள் நடத்தப்படும். சிறப்பு முகாமுக்கு தேவையான படிவங்களை தயாராக வைத்திருக்க வேண்டும் என அனைத்து மாவட்ட தேர்தல் அலுவலர்களுக்கும் தலைமை தேர்தல் ஆணையம் உத்தரவு பிறப்பித்துள்ளது.

News October 4, 2024

திருப்பத்தூரில் தனியார்துறை வேலைவாய்ப்பு முகாம்

image

தமிழ்நாடு மாநில ஊரக நகர்ப்புற வாழ்வாதார இயக்கம் திருப்பத்தூர் மாவட்டம் சார்பில் திருப்பத்தூரில் தனியார்துறை வேலைவாய்ப்பு முகாம் நாளை ராமகிருஷ்ணா மேல்நிலைப்பள்ளியில் நடக்கிறது. இதில் 50-க்கும் மேற்பட்ட தனியார் நிறுவனங்கள், சிறுதொழில் நிறுவனங்கள் கலந்து கொள்ள உள்ளனர். இதில் 8-ம் வகுப்பு முதல் முதுகலை படிப்பு, ஐ.டி.ஐ., டிப்ளமோ, நர்சிங் பட்டதாரி–கள் கலந்து கொள்ளலாம் என ஆட்சியர் தெரிவித்துள்ளார்.

News October 3, 2024

விளையாட்டுத்துறையில் வெற்றி பெற்ற காவலருக்கு பாராட்டு

image

திருப்பத்தூர் மாவட்ட காவல்துறையில் நக்சல் தடுப்பு பிரிவு காவலராக பணியாற்றி வரும் முதல் நிலைக் காவலர் பிரபு செங்கல்பட்டு மாவட்டத்தில் நடைபெற்ற தமிழ்நாடு படைபயிற்சி பள்ளி மையத்தில் மாநில அளவிலான காவல்துறையினருக்கான துப்பாக்கி சுடும் போட்டியில் கலந்து கொண்டு 100 யார்டு ஸ்டேண்டிங் பிரிவில் மூன்றாம் இடம் பெற்று வெண்கலப் பதக்கம் வென்றார். அவருக்கு மாவட்ட எஸ்பி ஸ்ரேயா குப்தா வாழ்த்துக்கள் தெரிவித்தார்.

News October 3, 2024

திருப்பத்தூரில் முக்கிய உதவி எண்கள்

image

திருப்பத்தூர் மாவட்டத்தில் திருப்பத்தூர் நகர காவல் நிலையம் தற்போது முக்கிய உதவி எண்களை வெளியிட்டுள்ளது. அதில், உங்கள் பகுதியில் ஏற்படும் அசம்பாவிதங்கள் குறித்து இந்த எண்ணிற்கு தொடர்பு கொள்ளலாம் என மாவட்ட காவல் நிர்வாகம் வெளியிட்டுள்ளது. மக்கள் இதனை நன்கு பயன்படுத்திக் கொள்ள வேண்டும் என காவல்துறை கேட்டுக்கொண்டுள்ளது.

News October 3, 2024

திருப்பத்தூரில் இன்று கனமழைக்கு வாய்ப்பு

image

வளிமண்டல மேலடுக்கு சுழற்சி காரணமாக, தமிழ்நாட்டில் கனமழை பெய்யும் என்று வானிலை ஆய்வு மையம் கணித்திருந்தது. அதன்படி, 18 மாவட்டங்களில் இன்று கனமழை பெய்யும் என்று வானிலை ஆய்வு மையம் எச்சரிக்கை விடுத்துள்ளது. இந்நிலையில், திருப்பத்தூர் மாவட்டத்தில் ஓரிரு இடங்களில் கனமழைக்கு வாய்ப்பு இருப்பதாக தெரிவிக்கப்பட்டுள்ளது.

News October 2, 2024

இரவு 7 மணி வரை மழைக்கு வாய்ப்பு

image

தமிழகத்தில் 20 மாவட்டங்களில் இன்று மழைக்கு வாய்ப்புள்ளதாக வானிலை ஆய்வு மையம் தெரிவித்துள்ளது. அதன்படி, திருப்பத்தூர் மாவட்டத்தில் இரவு 7 மணி வரை இடி, மின்னலுடன் லேசானது முதல் மிதமானது வரை மழை பெய்யக்கூடும் என தெரிவித்துள்ளது. உங்கள் பகுதியில் மழை பெய்தால் தெரிவிக்கவும்.

Featured News

Sorry, no posts matched your criteria.

↑