India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tirunelveli
News May 9, 2024
இ. பைக் நிறுவனம் இழப்பீடு வழங்க உத்தரவு
நெல்லை மாவட்டம் முக்கூடல் சேர்ந்தவர் தசரத மகாராஜா ராஜபாளையத்தில் உள்ள தனியார் இ பைக் நிறுவனத்தில் கடந்த 2021ஆண்டு பைக் வாங்கி அதில் பல முறை பழுது ஏற்பட்டதன் காரணமாக நெல்லை நுகர்வோர் குறைதீர்க்கும் ஆணையத்தில் வழக்கு தாக்கல் செய்தார். நேற்று வழக்கு விசாரித்த ஆணைய தலைவர் பாதிக்கப்பட்டவருக்கு 25 ஆயிரம் மற்றும் பைக்கை பெற்றுக் கொண்டு அதற்கான பணத்தை திருப்பிகொடுக்க பைக் நிறுவனத்திற்கு உத்தரவிட்டார்.
News May 9, 2024
மாணவர் சேர்க்கை 16ஆம் தேதி கடைசி நாள்
நெல்லை மனோன்மணியம் சுந்தரனார் பல்கலைக்கழகத்தின் பதிவாளர் சாக்ரடீஸ் வெளியிட்டுள்ள அறிக்கையில், பல்கலைக்கழகத்தின் கீழ் சங்கரன்கோவில், சேரன்மகாதேவி, நாகம்பட்டி, புளியங்குடி, திசையன்விளை, பணகுடி ஆகிய இடங்களில் செயல்பட்டு வரும் இந்த கல்லூரிகளில் இளங்கலை மற்றும் முதுகலை படிப்பிற்கான சேர்க்கை நடைபெற்று வருகிறது. வருகிற 16ஆம் தேதிக்குள் விண்ணப்பிக்க வேண்டும் என நேற்று குறிப்பிட்டுள்ளார்.
News May 9, 2024
நெல்லை: மாட்டு தொழுவத்தில் பச்சிளம் குழந்தை உடல்
கங்கைகொண்டானை அடுத்த இத்திகுளத்தில் காளிராஜ் என்பவரின் வீட்டு தொழுவத்தில் நேற்று (மே 8) பச்சிளம் பெண் குழந்தையிந் உடல் கிடந்தது. இது குறித்து அவர் போலீசில் புகார் அளித்தார். குழந்தையின் உடலை மீட்டு பாளை அரசு மருத்துவமனைக்கு போலீசார் அனுப்பிவைத்தனர். உடலில் தொப்புள் கொடி இருந்தது, பிறந்த நாளிலேயே குழந்தை இறந்தது தெரியவந்தது. குழந்தையை அங்கு வீசி சென்றவர் யார் என போலீசார் விசாரிக்கின்றனர்.
News May 9, 2024
சட்ட படிப்புக்கு நாளை முதல் விண்ணப்பிக்கலாம்
தமிழகத்தில் பிளஸ் 2 தேர்வு முடிவுகள் கடந்த 6ம் தேதி வெளியிடப்பட்டது. இதனையடுத்து நெல்லை அரசு சட்டக் கல்லூரியில் ஐந்தாம் ஆண்டு சட்டப் படிப்புக்கு நாளை முதல் 31ஆம் தேதி வரை சட்ட பல்கலைக்கழகத்தின் www.tndalu.ac.in என்ற இணையதளத்தில் விண்ணப்பங்களை பதிவு செய்யலாம் என நிர்வாகம் சார்பில் தெரிவிக்கப்பட்டுள்ளது.
News May 9, 2024
மாணவர் சின்னதுரையை சந்தித்தது ஏன்? நடிகர் பேட்டி
+2 தேர்வில் அதிக மதிப்பெண் எடுத்த, சாதிய வன்மத்தால் தாக்குதலுக்குள்ளான மாணவன் சின்னத்துரையை நேரில் சந்தித்து வாழ்த்திய நடிகர் தாடி பாலாஜி தேவையான உதவிகளை செய்வதாக அவரிடம் உறுதி கூறினார். தொடர்ந்து செய்தியாளரிடம் கூறுகையில், சின்னத்துரையை சந்திக்க ஒரே காரணம், சின்னத்துரை அளித்த பேட்டியில், தன்னை தாக்கிய மாணவர்களும் வெற்றிபெற வேண்டும் என்று கூறியிருந்தார். அதனால் அவரை நேரில் சந்தித்தேன் என்றார்.
News May 9, 2024
நெல்லை: நேரில் வந்து பாராட்டிய பிரபல நடிகர்
நெல்லை மாவட்டம் பாளையங்கோட்டையில் நாங்குநேரி மாணவர் சின்னத்துரையை பிரபல நடிகர் நேரில் வந்து பாராட்டினார். சாதிய வன்மத்தால் பாதிக்கப்பட்ட நிலையில் கடும் உழைப்பால் அரசு பொதுத்தேர்வில் அதிக மதிப்பெண் பெற்ற மாணவர் சின்னத்துரையை அவரது வீட்டில் பிரபல நடிகர் தாடி பாலாஜி நேற்று (மே.8) இரவு நேரில் வந்து பாராட்டினார்.
News May 8, 2024
உயர் கல்வி வழிகாட்டு நிகழ்ச்சிக்கு மாணவர்களுக்கு அழைப்பு
திருநெல்வேலி மாவட்டம் மேலப்பாளையத்தில் வருகின்ற மே 11ஆம் தேதி பாத்திமா நகரில் உள்ள தனியார் திருமண மண்டபத்தில் மாலை 5 மணிக்கு 12ஆம் வகுப்பு படித்து முடித்த மாணவர்களுக்கு உயர்கல்வி வழிகாட்டி நிகழ்ச்சி நடைபெற உள்ளது. இதில் மாணவர்கள் பங்கு பெற மேலப்பாளையம் கல்வி அறிஞர்கள் கூட்டமைப்பு நிர்வாகிகள் இன்று (மே 8) அழைப்பு விடுத்துள்ளனர்.
News May 8, 2024
காங். நிர்வாகி கொலை: மகன்களிடம் விசாரணை
நெல்லை கிழக்கு மாவட்ட காங்கிரஸ் தலைவராக இருந்த ஜெயக்குமார் மர்மமான முறையில் உயிரிழந்தார். முக்கிய பிரமுகர்களிடம் விசாரணை நடைபெற்றுவருகிறது. இதுகுறித்து 10 தனிப்படை அமைத்து போலீசார் விசாரணை மேற்கொண்டு வருகின்றனர். இந்த நிலையில் இன்று அவரது மகன்களிடம் திசையன்விளை காவல் நிலையத்தில் வைத்து விசாரணை நடைபெற்றது.
News May 8, 2024
பள்ளி வாகனங்களை ஆய்வு செய்த ஆட்சியர்
திருநெல்வேலி மாவட்டம் பாளையங்கோட்டை ஆயுதப்படை மைதானத்தில் வட்டார போக்குவரத்து அலுவலகம் சார்பில் பள்ளி வாகனங்களின் பாதுகாப்பு குறித்து இன்று (மே 8) மாவட்ட ஆட்சியர் கார்த்திகேயன் பார்வையிட்ட ஆய்வு மேற்கொண்டார். அப்பொழுது அலுவலர்களுடன் பல்வேறு கலந்துரையாடல் நடத்தி பல்வேறு ஆலோசனைகளை ஆட்சியாளர் வழங்கினார். இந்த ஆய்வின்போது போக்குவரத்து அதிகாரிகள் உடன் இருந்தனர்.
News May 8, 2024
அடுத்த கட்ட விசாரணைக்கு போலீசார் திட்டம்
திருநெல்வேலி கிழக்கு மாவட்ட காங்கிரஸ் தலைவர் ஜெயக்குமார் உயிரிழந்த வழக்கு குறித்து போலீசார் தீவிர விசாரணை மேற்கொண்டு வருகின்றனர். அந்த வகையில் அவரது செல்ஃபோன் மாயமான நிலையில் சுவிட்ச் ஆப் ஆவதற்கு முன் வரை பேசியவர்களிடம் மட்டுமல்லாமல் ஜெயக்குமார் வீட்டின் அருகில் உள்ள டவரில் பதிவான எண்களை கொண்டு அடுத்த கட்ட விசாரணை நடத்த போலீசார் திட்டமிட்டுள்ளனர்.
Featured News
Sorry, no posts matched your criteria.