India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tirunelveli
News September 10, 2024
நெல்லையில் நவ திருப்பதி கோயில்களுக்கு சிறப்பு பஸ்!
புரட்டாசி மாத சனிக்கிழமைகளான செப்.,21,28 மற்றும் அக்.,5,12 ஆகிய 4 நாட்கள் சிறப்பு பேருந்துகள் இயக்க அரசு போக்குவரத்துக் கழக நெல்லை மண்டலம் ஏற்பாடுகளை செய்துள்ளது. சனிக்கிழமைகளில், காலை 7 மணிக்கு நெல்லை புதிய பேருந்து நிலையத்தில் இருந்து புறப்பட்டு நவ திருப்பதிகளுக்கு சென்று இரவில் மீண்டும் புதிய பேருந்து நிலையம் வந்து சேரும். இதற்கு பேருந்து நிலையத்தில் முன்பதிவு நடைபெறுகிறது.
News September 10, 2024
பாளையில் முதலமைச்சர் கோப்பை போட்டிகள்
முதலமைச்சர் கோப்பைக்கான விளையாட்டுப் போட்டிகள் இன்று(10.9.24) காலை 10:30 மணி அளவில் பாளையங்கோட்டை வ.உ.சி மைதானத்தில் நடைபெறவுள்ளது. தமிழ்நாடு சட்டமன்ற பேரவைத் தலைவர் அப்பாவு, மாவட்ட ஆட்சித் தலைவர் கார்த்திகேயன் தலைமையில் நாடாளுமன்ற, சட்டமன்ற உறுப்பினர்கள், மேயர், துணை மேயர், உள்ளாட்சி அமைப்புகளின் பிரதிநிதிகள் முன்னிலையில் தொடங்கி வைக்க உள்ளனர்.
News September 9, 2024
நெல்லையில் காலாண்டு தேர்வு ஏற்பாடுகள் மும்முரம்
நெல்லை மாவட்டத்தில் பிளஸ்-1, பிளஸ்-2 மாணவர்களுக்கு வரும் 19 ஆம் தேதி காலாண்டு தேர்வு தொடங்கி 27 ஆம் தேதி வரை நடைபெற உள்ளது. இதுபோல் 6 முதல் 10ஆம் வகுப்பு மாணவ மாணவிகளுக்கு வரும் 20ஆம் தேதி தொடங்கி 27 ஆம் தேதி வரை நடைபெறும் என அறிவிக்கப்பட்டுள்ளது. தேர்வுக்கான ஏற்பாடுகளை நெல்லை மாவட்ட முதன்மை கல்வி அலுவலர் சிவக்குமார் செய்து வருகிறார்.
News September 9, 2024
நெல்லையில் 669 பேருக்கு ரூ.54.28 கோடி வங்கிக் கடன்
பாளையங்கோட்டை ஜவகர் கலையரங்கில் இன்று(செப்டம்பர் 9) நடைபெற்ற நிகழ்ச்சியில் 669 பயனாளிகளுக்கு வங்கி கடன் மற்றும் பல்வேறு நலத்திட்ட உதவிகளை ரூ.54.28 கோடி மதிப்பில் சபாநாயகர் அப்பாவு வழங்கினார். நிகழ்ச்சிக்கு கலெக்டர் கார்த்திகேயன் தலைமை தாங்கினார். வாழ்ந்து காட்டுவோம் திட்டத்தில் 17 பேருக்கு இணை மானியம் ரூ.47.93 லட்சம் வழங்கப்பட்டது.
News September 9, 2024
TNPSC, SSC, UPSC, RRB-க்கு இலவச பயிற்சி!
TNPSC, SSC, UPSC, RRB முகமைகள் நடத்தும் போட்டித் தேர்வுகளில் கலந்துகொள்ள விரும்பும் தமிழ்நாட்டை சேர்ந்தோருக்கு, அரசு சார்பில் இயங்கும் போட்டித் தேர்வுகள் பயிற்சி மையங்களால் கட்டணமில்லாமல் பயிற்சி வகுப்புகள் நடத்தப்படுகின்றன. இதில் சேர விரும்புவோர் www.cecc.in இணையதளத்தில் நாளை முதல் 24 ஆம் தேதி வரை விண்ணப்பிக்கலாம் என அறிவிக்கப்பட்டுள்ளது. SHARE IT.
News September 9, 2024
சபாநாயகர் அப்பாவு நேரில் ஆஜராக உத்தரவு
அதிமுக எம்எல்ஏக்களை அவதூறாக பேசியதாக, தமிழக சட்டப்பேரவைத் தலைவர் அப்பாவு மீது அதிமுக எம்எல்ஏக்கள் சென்னை உயர் நீதிமன்றத்தில் வழக்கு தொடர்ந்தனர். இந்த வழக்கு இன்று(செப்.,9) விசாரணைக்கு வந்த நிலையில் செப்டம்பர் 13 ஆம் தேதி சபாநாயகர் அப்பாவு நேரில் ஆஜராக உத்தரவிட்டு நீதிபதி ஜெயவேல் வழக்கை ஒத்திவைத்தார்.
News September 9, 2024
நெல்லை அருகே 3 வயது சிறுவன் கொடூர கொலை
நெல்லை மாவட்டம் ராதாபுரம் அருகே உள்ள ஆத்துக்குறிச்சி கிராமத்தில் சஞ்சய் என்ற 3 வயது சிறுவன் சாக்கு மூட்டையில் கட்டி கொலை செய்யப்பட்ட சம்பவம் பெரும் அதிர்ச்சியை ஏற்படுத்தியுள்ளது. தனது மகன் விபத்தில் இறந்ததற்கு சிறுவனின் வீட்டினர் செய்வினை வைத்ததே காரணம் என நினைத்து எதிர்வீட்டு பெண் தங்கம்மாள் சிறுவனை கொலை செய்ததாக முதற்கட்ட விசாரணையில் தெரிய வந்துள்ளது. போலீசார் தீவிர விசாரணை நடத்தி வருகின்றனர்.
News September 9, 2024
Way2News எதிரொலி – கூண்டு அமைக்கும் பணி தொடக்கம்
நெல்லையில் பிரசித்தி பெற்ற நெல்லையப்பர் கோவில் தேரோட்டம் நடந்து முடிந்து 80 நாட்கள் ஆகிறது. சுவாமி மற்றும் அம்பாள் தேர் வெயிலிலும் மலையிலும் சேதம் அடைந்து வருவதாக கடந்த 6ஆம் தேதி Way2News-இல் செய்தி வெளியானது. இதன் எதிரொலியாக நேற்று (செப்.8) சுவாமி அம்பாள் தேருக்கு பைபர் கண்ணாடி கூண்டு அமைக்கும் பணி தொடங்கப்பட்டது. இதற்கு பக்தர்கள் பலர் நன்றி தெரிவித்து வருகின்றனர்.
News September 9, 2024
நெல்லையில் ஆசிரியர் பற்றாக்குறை – பரபரப்பு அறிக்கை
அரசு கல்லூரி ஆசிரியர் கழக செயலாளர் சுரேஷ் அறிக்கை வெளியிட்டுள்ளார். அதில், “12,000 நிரந்தர ஆசிரியர்கள் பணியாற்ற வேண்டிய இடங்களில், 4,500 பேர் மட்டுமே பணியாற்றுகின்றனர். பல புதிய கல்லூரிகளில் முதல்வர் தவிர அனைத்து ஆசிரியர்களும் நிரந்தரம் அல்லாத ஆசிரியர்களாக இருக்கின்றனர். எனவே, ஆசிரியர் நியமனம் குறித்த நீதிமன்ற வழக்குகளை விரைந்து முடித்து, ஆசிரியர்களை நியமிக்க வேண்டும்” என தெரிவித்துள்ளார்.
News September 9, 2024
அம்பை பகுதியில் எம்.பி நன்றி அறிவிப்பு
அம்பாசமுத்திரம் நகராட்சி பகுதிகளில் நாளை(செப்.09) காலை 7 மணி முதல் பல்வேறு இடங்களில் நெல்லை தொகுதி எம்.பி ராபர்ட் ப்ரூஸ் வாக்காளர்களுக்கு நன்றி தெரிவிக்கிறார். அம்பாசமுத்திரம் ஆர்.எஸ். காலனியில் பயணத்தை தொடங்கும் அவர் பெரியகுளம் தெரு, ராமலிங்க தெரு உட்பட பல்வேறு பகுதிகளுக்கு சென்று தெற்கு ரத வீதி தங்கம்மன் கோயில் தெருவில் நன்றி அறிவிப்பு பயணத்தை முடிக்கிறார்.
Featured News
Sorry, no posts matched your criteria.