• Download our app

Tirunelveli

News April 2, 2024

தாழையூத்து: டிடிவி தினகரன் வேண்டுகோள்

image

திருநெல்வேலி மக்களவைத் தொகுதி பாரதிய ஜனதா கட்சி வேட்பாளர் நயினார் நாகேந்திரனுக்கு ஆதரவாக இன்று (ஏப்ரல்1) இரவு தாழையூத்தில் தேர்தல் பிரச்சார நிகழ்ச்சியில் அம்மா மக்கள் முன்னேற்ற கழக பொதுச் செயலாளர் டிடிவி தினகரன் திறந்தவேனில் நயினார் நாகேந்திரனுக்கு ஆதரவாக பிரச்சாரம் செய்து பேசினர். அப்போது அவர், அ.ம.மு.க. தொண்டர்கள் நயினர் நரேந்திரன் வெற்றிக்கு உழைக்க வேண்டும் என கேட்டுக்கொண்டார்.

News April 1, 2024

அம்மா மருந்தகம் 5 நாட்கள் மூடல்

image

நெல்லை சந்திப்பு கூட்டுறவு பண்டக சாலை அருகே கூட்டுறவுத்துறை மூலம் அம்மா மருந்தகம் இயங்கி வருகிறது. தற்பொழுது ஏப்ரல் ஒன்று முதல் 5ஆம் தேதி வரை புதிய கணக்கு தொடங்க இருப்பதால் கடந்த ஆண்டுக்கான வரவு செலவு அறிக்கைகள் ஆடிட்டர் மூலம் தாக்கல் செய்யப்பட இருப்பதால் அதுக்குள்ளான பணிகள் நடைபெறுகிறது. இதனால் அம்மா மருந்தகம் ஏப்ரல்-1 முதல் ஏப்ரல்5-ம் தேதி வரை மூடப்படும் என கூட்டுறவு அதிகாரிகள் தெரிவித்தனர்.

News April 1, 2024

நெல்லைக்கு நாளை வரும் காயத்ரி ரகுராம்

image

திருநெல்வேலி பாராளுமன்ற தொகுதியில் அதிமுக வேட்பாளராக ஜான்சி ராணி போட்டியிடுகின்றார். அவர் தற்பொழுது தினம்தோறும் தீவிர பிரச்சாரம் மேற்கொண்டு வரும் நிலையில் வேட்பாளரை ஆதரித்து அதிமுக பேச்சாளரும் நடிகையுமான காயத்ரி ரகுராம் நாளை (ஏப்.2) மாலை 6:00 மணியளவில் கல்லிடைக்குறிச்சி பேரூராட்சி அலுவலகம் முன்பு பிரச்சார மேற்கொள்ள உள்ளார். இதில் அதிமுகவினர், கூட்டணி கட்சியினர் திரளாக கலந்து கொள்ள உள்ளனர்.

News April 1, 2024

வள்ளியூரில் மூன்றாவது முறையாக திருட்டு

image

நெல்லை மாவட்டம் வள்ளியூர் சுற்று வட்டார பகுதியில் தொடர்ச்சியாக மின் வயர்கள் திருடு போனது. அதிலும் குறிப்பாக வள்ளியூர் மறவர் காலனியில் வசிக்கும் ஒருவர் வீட்டில் தொடர்ச்சியாக 3வது முறை மின் வயர்கள் திருடு போனதால் வீட்டின் உரிமையாளர் திருடனை கண்டுபிடித்து தருபவருக்கு வெள்ளி மோதிரம் பரிசாக தருவதாக இன்று அறிவித்துள்ளார். மேலும் இதுகுறித்து வள்ளியூர் போலீசார் வழக்கு பதிவு செய்து விசாரணை செய்கின்றனர்.

News April 1, 2024

முன்னாள் எம்பிக்கு முக்கிய பொறுப்பு

image

திருநெல்வேலி மக்களவைத் தொகுதி காங்கிரஸ் கட்சியின் முன்னாள் எம்பி ராமசுப்புக்கு மாநில காங்கிரஸ் தலைமை முக்கிய கூடுதல் பொறுப்பை வழங்கி உள்ளது. இவர் கன்னியாகுமரி மக்களவைத் தொகுதியின் கட்சி தேர்தல் பார்வையாளராக நியமிக்கப்பட்டுள்ளார். இதற்கான அறிவிப்பை மாநில தலைவர் செல்வபெருந்தகை எம்எல்ஏ அறிவித்துள்ளார். இந்த உத்தரவு உடனடியாக அமலுக்கு வந்துள்ளது.

News April 1, 2024

பாஜக வேட்பாளர் இன்று காலை முதல் பிரசாரம்

image

திருநெல்வேலி மக்களவைத் தொகுதி பாரதிய ஜனதா கட்சியின் வேட்பாளரும் நெல்லை சட்டமன்ற தொகுதி உறுப்பினருமான நயினார் நாகேந்திரன் இன்று (ஏப்ரல் 1) காலை 8 மணி முதல் நெல்லை மாநகராட்சி தச்சநல்லூர் மண்டலம் கைலாசபுரம் உள்ளிட்ட பகுதிகளில் பிரச்சாரம் மேற்கொண்டார். திறந்த ஜீப்பில் சென்று அவர் பொது மக்களிடம் பல்வேறு வாக்குகளை அளித்து வாக்கு சேகரித்தார், அவருடன் கட்சி நிர்வாகிகள் பலர் சென்றனர்.

News April 1, 2024

நெல்லை: இன்று முகாமிடும் அரசியல் விஐபிகள்

image

திருநெல்வேலி மக்களவைத் தொகுதியில் பல்வேறு கட்சி விஐபிகள் இன்று முகாமிட்டுள்ளனர். டிடிவி தினகரன் இன்று (ஏப்ரல் 1) மாலை தாழையூத்தில் பிரச்சாரம் மேற்கொள்கிறார். திமுக வாகை சந்திரசேகர் அம்பை பகுதியில், தங்கபாலு மற்றும் அனிதா ராதாகிருஷ்ணன் முக்கூடல் பகுதியிலும், கனிமொழி வள்ளியூர் பகுதியிலும் இன்று பிரச்சாரம் மேற்கொள்கிறார்கள்.

News April 1, 2024

3 மாதமாக முடங்கிய தானியங்கி வானிலை ஆய்வு மையம்

image

இந்திய வானிலை ஆய்வு மையம் சார்பில் பாளையங்கோட்டையில் அமைக்கப்பட்டுள்ள தானியங்கி வானிலை ஆய்வு மையம் மழை, வெள்ளம், வெயில் போன்ற பருவநிலைகளை கணிப்பதற்கு அமைக்கப்பட்டிருந்தது. கடந்த டிச. மாத மழை வெள்ளத்துக்கு பின்னர் இந்த வானிலை ஆய்வு மையம் செயல்படவில்லை என நெல்லை தனியார் வானிலை ஆய்வாளர் ராஜா தெரிவித்தார். மத்திய அரசின் வானிலை ஆய்வு மைய அலுவலர்கள் இதை சீரமைக்க வேண்டும் என மக்கள் எதிர்பார்க்கின்றனர்.

News April 1, 2024

நெல்லை: ஜேசிபி திருடியவர் கைது

image

காந்திஸ்வரன் புதூரை சேர்ந்தவர் இசக்கி பாண்டி. இவர் கங்கைகொண்டான் சிப்காட்டில் ஜேசிபி வைத்து ஒப்பந்த அடிப்படையில் பணி செய்கிறார். இவரது ஜேசிபி திடீரென திருடுபோனது. இது குறித்து இவர் அளித்த புகாரின்படி கங்கைகொண்டான் போலீஸ் இன்ஸ்பெக்டர் வேல்கனி வழக்குப்பதிந்து தென்காசி மாவட்டம் சுரண்டை துவரங்காடு பகுதியை சேர்ந்த கனகராஜ் என்பவரை நேற்று (மார்ச் 31) கைது செய்தார். ஜேசிபியை பறிமுதல் செய்தார்.

News March 31, 2024

நெல்லைக்கு நாளை வருகை தரும் கனிமொழி

image

திருநெல்வேலி நாடாளுமன்ற தொகுதியில் திமுக கூட்டணியில் காங்கிரஸ் வேட்பாளர் ராபர்ட் புரூஸ் போட்டியிடுகின்றார். அவருக்கு பிரச்சாரம் மேற்கொள்வதற்காக திமுக துணை பொதுச்செயலாளர் கனிமொழி கருணாநிதி நாளை (ஏப்.1) நெல்லைக்கு வருகை தர உள்ளார். அதன்படி நாளை (ஏப்.1) ராதாபுரம் பகுதியிலும் நாளை மறுதினம் (ஏப்.2) டவுன் பகுதியிலும் பிரச்சாரம் மேற்கொள்ள உள்ளார்.

Featured News

Sorry, no posts matched your criteria.

↑