India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tiruchirappalli
News April 21, 2024
திருச்சியில் நடைபெறும் தேர்வை ஆய்வு செய்த ஆட்சியர்
திருச்சிராப்பள்ளி மாவட்டத்தில், மத்திய அரசு பணியாளர் தேர்வாணையத்தின் மூலமாக, வாசவி வித்யாலயா மெட்ரிகுலேஷன் பள்ளி மற்றும் செயின்ட் ஜான் வெஸ்டரி ஆங்கிலோ இந்தியன் பள்ளியில் National Defence Academy and Naval Academy and Combined Defence Services Examination (I) 2024 ஆகிய தேர்வுகள் நடைபெறுவதை இன்று மாவட்ட ஆட்சித் தலைவர் பிரதீப் குமார் நேரில் சென்று பார்வையிட்டு ஆய்வு செய்தார்.
News April 21, 2024
நகர்ப்புற பகுதிகளில் வாக்கு சதவீதம் குறைவு. கலெக்டர் தகவல்.
திருச்சி நாடாளுமன்ற தொகுதியில் பயன்படுத்தப்பட்ட மின்னணு வாக்குப்பதிவு எந்திரங்களை நேற்று ஜமால் முகமது கல்லூரிக்கு கொண்டுவரப்பட்டு அறைகளில் வைத்து பூட்டி சீல் வைக்கப்பட்டது. ஆட்சியர் பிரதீப் குமார் நிருபர்களிடம் கூறியதாவது, திருச்சி, நாடாளுமன்ற தொகுதியில் 67. 52சதவீத வாக்குகளே பதிவாகி உள்ளன. பெரும்பாலான மக்கள் வாக்களிக்க வராததால் வாக்கு சதவீதம் குறைந்துள்ளது என்று கூறினார்.
News April 21, 2024
திருச்சி அருகே விபத்து;மரணம்
அரியமங்கலத்தை சேர்ந்த தனுஷ்ராஜ் (22). தனது நண்பரான தென்னூர் பாரதி நகரை சேர்ந்த மணிகண்டனுடன் நேற்று டூவீலரில் சென்றபோது, எதிரில் ஆலத்தூர் பகுதியை சேர்ந்த சரண் (22), தனது நண்பரான சச்சினுடன்(22) டூவீலரில் வந்த டூவீலர் மீது மோதியதில் படுகாயம் அடைந்த தனுஷ்ராஜ் , மணிகண்டன், சச்சின் ஆகியோர் சிகிச்சைக்காக திருச்சி அரசு மருத்துவமனைக்கு அனுப்பி வைத்தனர். அங்கு சிகிச்சை பலனின்றி மணிகண்டன் உயிரிழந்தார் .
News April 21, 2024
திருச்சி அருகே ஆய்வாளருக்கு பலத்த காயம்
முசிறி அடுத்த அயித்தாம்பட்டியை சோ்ந்த தமிழ்ச்செல்வன். திருவெறும்பூா் பகுதியில் தோ்தல் பறக்கும் படை பணியில் இருந்த இவா் நேற்று பணி முடித்து தனது டூவீலரில் சென்ற போது ஏவூா் கருப்பு கோயில் அருகே சென்றபோது டூவீலரில் இருந்து தவறி கீழே விழுந்ததில் பலத்த காயமடைந்தார். அக்கம்பக்கத்தினர் அவரை மீட்டு சிகிச்சைக்காக முசிறி அரசு மருத்துவமனையில் சேர்த்தனர். இதையறிந்த முசிறி போலீசார் விசாரணை நடத்தினார்கள்.
News April 20, 2024
திருச்சியில் 67.45 சதவீத வாக்குகள் பதிவுகள்
தமிழ்நாட்டில் நேற்று நாடாளுமன்ற தேர்தல் நடைபெற்று முடிந்தது. இதில் தமிழகம் முழுவதும் 69. 46 சதவீத வாக்குகள் பதிவாகி இருக்கின்றன. கடந்த தேர்தலை விட இது மூன்று சதவீதம் குறைவு. அந்த வகையில் திருச்சியில் இன்று மாலை இறுதி கட்ட தகவலின் படி 67.45 சதவீத வாக்குகள் பதிவாகி இருப்பதாக தேர்தல் ஆணையம் அறிவித்துள்ளது. நேற்றைய இரவு அறிவிப்பை விட இந்த அறிவிப்பில் ஒரு சதவீதம் குறைந்து இருப்பது குறிப்பிடத்தக்கது.
News April 20, 2024
திருச்சியில் பதிவான மொத்த வாக்குப்பதிவுகள்
திருச்சி மக்களவைத் தொகுதிக்கான தேர்தலில் ஸ்ரீரங்கம் சட்டமன்ற தொகுதியில் 72.87 சதவீதமும், திருச்சி மேற்கு தொகுதியில் 61.75 சதவீதமும், திருச்சி கிழக்கு தொகுதியில் 62.46 சதவீதமும், திருவெறும்பூர் தொகுதியில் 66.62 சதவீதமும், கந்தர்வகோட்டை (தனி) சட்டமன்ற தொகுதியில் 73.80 சதவீதமும், புதுக்கோட்டை சட்டமன்ற தொகுதியில் 68.32 என திருச்சி தொகுதியில் 67.52 சதவீதம் வாக்குகள் பதிவாகியுள்ளது.
News April 20, 2024
திருச்சி அருகே அதிரடி மாற்றம்
மண்ணச்சநல்லூர் போலீஸ் இன்ஸ்பெக்டர் ரகுராமன் நேற்று நடைபெற்ற நாடாளுமன்றத் தேர்தலில் வாக்குச்சாவடிகளை கண்காணிக்கும் பணியில் இருந்தார். இந்நிலையில் திருவள்ளரை புண்டரீ காட்சபெருமாள் கோவில் அர்ச்சகராக வேலை பார்த்த ஒருவரை இன்ஸ்பெக்டர் வாகனத்தில் ஏற்றிக்கொண்டு வாக்குச்சாவடிகளை பார்வையிட்டார். இதனால் இன்ஸ்பெக்டர் ரகுராமனை விதிகளை மீறியதாக அதிரடியாக ஆயுதப்படைக்கு மாற்ற உயர் அதிகாரிகள் உத்தரவிட்டனர்,
News April 20, 2024
வாக்குப்பதிவு எந்திரங்கள் பலத்த பாதுகாப்புடன் பேக்கிங்
நாடாளுமன்ற தேர்தலுக்கான வாக்குப்பதிவு நேரம் நிறைவானதையடுத்து
திருச்சியில் உள்ள ஒரு வாக்குக்சாவடியில்
வாக்குப்பதிவு இயந்திரங்களுக்கு சீல் வைக்கும் பணி நடைபெற்றது. வாக்கு பதிவு எந்திரங்கள் பத்திரமாக சீல் வைக்கப்பட்டு காவல்துறை பாதுகாப்புடன் வாக்குகள் எண்ணும் மையத்துக்கு அனுப்பும் பணியும் முடிந்தது.
News April 19, 2024
திருச்சி:வாக்குப்பதிவு இயந்திரங்களுக்கு சீல் வைக்கும் பணிகள்
திருச்சி நாடாளுமன்ற தொகுதியில் இன்று காலை முதல் நடைபெற்ற வந்த வாக்குப்பதிவு நிறைவுபெற்றது. இதனை அடுத்து திருச்சி வெஸ்ட்ரி பள்ளியில் வாக்குப்பதிவு இயந்திரங்கள் கொண்டுவரப்பட்டு வாக்குப்பதிவு இயந்திரங்களுக்கு சீல் வைக்கும் பணிகள் தொடங்கியது. வாக்குப்பதிவு மையங்களின் மேற்பார்வையாளர்கள் மற்றும் பொறுப்பாளர்கள் இந்த பணிகளில் ஈடுபட்டனர்.
News April 19, 2024
வாக்களிக்காமல் சென்ற முன்னாள் எம்பி
திருச்சி தெற்கு மாவட்ட அதிமுக செயலாளரும், முன்னாள் எம்பியுமான ப.குமார் இன்று திருச்சி ஏர்போர்ட் அருகே உள்ள வாக்குச்சாவடி மையத்தில் வாக்களிக்கச் சென்றார். அவர் வாக்களிப்பதை புகைப்படம் எடுக்க புகைப்படக்காரர்கள் பின் தொடர்ந்த போது தடுத்து நிறுத்தப்பட்டனர். இதனால் வாக்களிக்காமல் முன்னாள் எம்பி ப.குமார் திரும்பி சென்றார். இதனால் அந்த வாக்குச்சாவடியில் நீண்ட நேரம் பரபரப்பு நிலவி வந்தது.
Featured News
Sorry, no posts matched your criteria.