India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tiruchirappalli
News November 18, 2024
நாளை இந்த பகுதிகளில் மின் நிறுத்தம்
திருச்சி மாவட்டம் கல்லக்குடி, சிறுகனூர் ஆகிய துணைமின் நிலையங்களில் நாளை (19.11.2024) மாதாந்திர பராமரிப்பு பணிகள் நடைபெறுகிறது. இதனால், வீ.கே.நல்லூர், நத்தம், மாளவை, புள்ளம்பாடி, கல்கம், கண்ணனூர், கீழஅரசூர், சிறுகளப்பு, தாண்டவக்குறிச்சி, செங்கரையூர், வீரக்கல்லூர், தாதம்பட்டி, தச்சம்குறிச்சி ஆகிய பகுதிகளில் நாளை காலை 9:45 மணி முதல் மணி மாலை 4 வரை மின் விநியோகம் இருக்காது என தெரிவிக்கப்பட்டுள்ளது.
News November 18, 2024
ரூ.3.46 லட்சம் மதிப்பிலான வெளிநாட்டு சிகரெட் பறிமுதல்
திருச்சி விமான நிலையத்தில் மலேசியா கோலாலம்பூரில் இருந்து திருச்சி பயணிகளை வான் நுண்ணறிவு பிரிவு சுங்கத்துறை அதிகாரிகள் சோதனை செய்தனர். அதில் பயணி ஒருவர் மறைத்து எடுத்து வந்த ரூ.3.46 லட்சம் மதிப்பிலான 34,600 எண்ணிக்கையிலான வெளிநாட்டு சிகரெட்டுகள் இருப்பது கண்டுபிடிக்கப்பட்டது. அதனை பறிமுதல் செய்த அதிகாரிகள் தீவிர விசாரனை மேற்கொண்டு வருகின்றனர்.
News November 17, 2024
திருச்சி: போலி பாஸ்போர்ட் மூலம் பயணிக்க முயன்ற 2 பேர் கைது
புதுக்கோட்டையைச் சேர்ந்தவர் அமீர் ஹுசைன் இவர் தனது பிறந்த ஊர் மற்றும் பிறப்பு தேதியை மாற்றிக் கொடுத்து போலி பாஸ்போர்ட்டில் அபுதாபி செல்வது தெரியவந்தது. இதேபோல், சிவகங்கையைச் சேர்ந்த கதிரேசன் நேற்று முன்தினம் மலேசியாவில் இருந்து திருச்சி வந்துள்ளார். அவரை சோதனை செய்ததில், அவர் போலி ஆவணங்கள் சமர்ப்பித்து போலி பாஸ்போர்ட் பெற்றது தெரியவந்தது. இருவரையும் ஏர்போர்ட் காவல் நிலையத்தில் ஒப்படைத்தனர்.
News November 17, 2024
ஸ்ரீ ரங்கம் வரும் குடியரசு தலைவர்
திருவாரூர் மத்திய பல்கலைக்கழக பட்டமளிப்பு விழாவில் கலந்து கொள்ள தமிழகம் வரும் குடியரசுத் தலைவர் திரௌபதி முர்மு, அதன் ஒரு பகுதியாக நவ.30-அம் தேதி ஸ்ரீரங்கம் கோயிலுக்கு சென்று அரங்கநாதரை தரிசனம் செய்ய உள்ளார். பின்னர், மீண்டும் அங்கிருந்து திருச்சி சர்வதேச விமான நிலையத்துக்கு வரும் குடியரசுத் தலைவர் மாலை 6.45 மணியளவில் விமான படை தனி விமானம் மூலம் தில்லிக்குத் திரும்ப உள்ளார்.
News November 17, 2024
திருச்சி ரயில்வே நிர்வாகம் முக்கிய அறிவிப்பு
திருச்சி ரயில்வே நிர்வாகம் முக்கிய அறிவிப்பு ஒன்றை வெளியிட்டுள்ளது. அதில் புதுக்கோட்டை சிப்காட் எதிரே உள்ள ரயில்வே தண்டவாளத்தில் இன்று காலை 7 மணிக்கு சுமார் 40வயது மதிப்புள்ள ஆண் அவ்வழியே சென்ற ரயிலில் அடிபட்டு இறந்துள்ளார். இவருக்கு 2 கையின் மணிக்கட்டுக்கு கீழ் பழைய தீக்காய தழும்புகள் உள்ளன. எனவே தகவல் தெரிந்தால் 86672 59844 என்ற எண்ணில் தொடர்பு கொள்ள திருச்சி இரயில்வே நிர்வாகம் கூறியுள்ளது.
News November 17, 2024
வாகன ஓட்டுநர் மர்மமான முறையில் உயிரிழப்பு
ஆளவந்தநல்லூரை சேர்ந்த மனோகா் சொந்தமாக வாகனம் ஓட்டி தொழில் செய்யும் நிலையில், நேற்று சவாரி இருப்பதாகக் கூறி வாகனத்துடன் வெளியில் சென்றவர், நள்ளிரவில் சங்கா் நகா் அருகே, தனது வாகனத்துக்குள் தலையில் அடிபட்ட நிலையில் மா்மமான முறையில் இறந்து கிடந்தாா். இதையறிந்த சோமரசம்பேட்டை போலீஸாா் மனோகரின் சடலத்தை மீட்டு திருச்சி அரசு மருத்துவமனைக்கு அனுப்பி வைத்து விசாரித்து வருகின்றனா்.
News November 17, 2024
மின்சாரம் தாக்கி இளைஞர் பலி
தேனியை சேர்ந்த ஜெகதீசன், மணிகண்டம் பகுதியில் தங்கி கட்டிட வேலை செய்து வந்தார். இந்நிலையில், நேற்று முன்தினம் இரவு நேரம் ஆகிவிட்டதால் ஒண்டிக்கருப்பு கோவிலில் தங்க முடிவு செய்துள்ளார். பிறகு, கோவில் அருகே நேற்று காலை சமைத்துக் கொண்டிருக்கும் போது, நிலை தடுமாறி கோவில் குதிரை சிலை அருகில் உள்ள போஸ்ட் மரத்தை பிடித்துள்ளார். அப்போது மின்சாரம் பாய்ந்து சம்பவ இடத்திலேயே பரிதாபமாக உயிரிழந்தார்.
News November 16, 2024
மணப்பாறையில் கொலை குற்றவாளிகள் 5 பேர் சரண்
ஜீயபுரம் அடுத்த கொடியாலத்தை சேர்ந்த மதிர்விஷ்ணு (18). இவரை நேற்று மர்மநபர்கள் சிலர் சரமாரியாக அரிவாளால் வெட்டினர். இதில் படுகாயமடைந்த மதிர்விஷ்னு திருச்சி அரசு மருத்துவமனைக்கு கொண்டு செல்லும் வழியில் உயிரிழந்தார். இச்சம்பவத்தில் ஐந்து பேர் இன்று மணப்பாறை காவல்நிலையத்தில் சரணடைந்தனர்.
News November 16, 2024
வாக்காளர் சிறப்பு முகாம்
திருச்சி மாவட்டம் முழுவதும் இன்று மற்றும் நாளை வாக்காளர் சிறப்பு முகாம் நடைபெறுகிறது. இந்த முகாம்களில் ஜனவரி 2025ஐ அடிப்படையாகக் கொண்டு 18 வயது எட்டும் அனைவரும், புதிய வாக்காளராக சேர பதிவு செய்யலாம். மேலும் இதில் பெயர், முகவரி திருத்தம், நீக்கல் போன்றவற்றையும் செய்து கொள்ளலாம். இது அந்தந்த பகுதி வாக்குசாவடி மையங்களில் நடைபெறும். ஷேர் செய்யவும்
News November 15, 2024
முதல்வரை வழி அனுப்பி வைத்த மாவட்ட ஆட்சியர்
அரியலூர் மற்றும் பெரம்பலூர் மாவட்டங்களில் நடைபெற்ற பல்வேறு அரசு நிகழ்ச்சிகளில் கலந்துகொண்டு இன்று (நவ.15) சென்னை செல்வதற்காக திருச்சி விமான நிலையத்திற்கு தமிழ்நாடு முதலமைச்சர் மு.க ஸ்டாலின் வருகை தந்தார். திருச்சிக்கு வருகை தந்த முதல்வரை திருச்சி மாவட்ட ஆட்சி தலைவர் பிரதீப் குமார் சந்தித்து புத்தகம் வழங்கி அவரை உற்சாகமாக வரவேற்று வழி அனுப்பி வைத்தார்.
Featured News
Sorry, no posts matched your criteria.