India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tiruchirappalli
News November 5, 2024
திருச்சியில் 4 பள்ளிகளுக்கு வெடிகுண்டு மிரட்டல்
திருச்சியில் சமீப காலமாகவே தொடர்ந்து பள்ளிகளுக்கு வெடிகுண்டு மிரட்டல் இருந்து வருகிறது. இந்த நிலையில் திருச்சி தனியார் கல்லுரி மற்றும் 4 பள்ளிகளுக்கு இன்று மின்னஞ்சல் மூலம் வெடிகுண்டு மிரட்டல் வந்துள்ளது. இதனால் பள்ளிகளில் போலீசார் அதிரடி சோதனையில் ஈடுபட்டுள்ளனர். SHAREIT
News November 5, 2024
திருச்சி கலெக்டர் முக்கிய அறிவிப்பு
திருச்சி அருகே மனநலன் பாதிக்கப்பட்ட வடமாநில பெண்ணிடமிருந்து மீட்கப்பட்ட 2 குழந்தைகளின் பெற்றோர், உறவினர்கள் தொடர்பு கொள்ள இறுதி வாய்ப்பு அளிக்கப்பட்டுள்ளது. 21 நாள்களுக்குள் உரியவர்கள் வராவிட்டால் குழந்தைகள் தத்தெடுப்பு சட்டத்தின் கீழ், குழந்தை தத்து வழங்குவதற்கான தடையில்லா சான்று வழங்கப்படும் என ஆட்சியர் தெரிவித்துள்ளார். ஷேர் செய்யவும்
News November 5, 2024
தந்தை திட்டியதால் பள்ளி மாணவி தற்கொலை
திருச்சி பிராட்டியூரை சேர்ந்தவர் ராமசாமி இவரது அருகிலுள்ள பள்ளியில் மகள் ப்ளஸ் டூ படித்து வந்தார். இந்நிலையில் மாணவியின் தந்தை அவரிடம் மது போதையில் தகராறு செய்துள்ளார். இதனால் மனமுடைந்த மாணவி நேற்று தூக்கு மாட்டி தற்கொலை செய்து கொண்டார். இந்த சம்பவம் குறித்து செசன்ஸ் கோர்ட் போலீசார் வழக்குப்பதிந்து விசாரணை நடத்தி வருகின்றனர்.
News November 4, 2024
விளையாட்டு விருது பெற ஆட்சியர் அழைப்பு
ஆண்டுதோறும் தேசிய அளவில் பதக்கங்கள் பெற்று சிறந்து விளங்கும் 2 ஆண், 2 பெண் விளையாட்டு வீரர்கள், 2 சிறந்த பயிற்றுநர்கள், 2 சிறந்த உடற்கல்வி ஆசிரியர்களுக்கு முதலமைச்சர் மாநில விளையாட்டு விருது மற்றும் ரூ.1 லட்சம் பரிசு வழங்கப்படுகிறது. இந்த ஆண்டுக்கான விருது, பரிசு பெற திருச்சியை சேர்ந்த சிறந்த விளையாட்டு வீரர்கள் மாவட்ட இளைஞர் நலன் அலுவலகத்தில் விண்ணப்பிக்கலாம் என மாவட்ட ஆட்சியர் தெரிவித்துள்ளார்.
News November 4, 2024
திருச்சி: மக்களிடமிருந்து குவிந்த 384 மனுக்கள்
திருச்சி மாவட்ட ஆட்சியர் அலுவலகத்தில் இன்று மக்கள் குறைதீர்க்கும் நாள் கூட்டம் மாவட்ட ஆட்சியர் தலைமையில் நடைபெற்றது. இந்த கூட்டத்தில் இலவச வீட்டு மனை பட்டா, ஜாதி சான்றுகள், முதியோர் உதவித்தொகை, பெண் குழந்தைகள் பாதுகாப்பு திட்ட உதவிகள் என பொதுமக்களிடமிருந்து மொத்தம் 384 மனுக்கள் பெறப்பட்டது. இந்த மனுக்கள் மீது உரிய நடவடிக்கை எடுக்க ஆட்சியர் உத்தரவிட்டார்.
News November 4, 2024
இலவச வீட்டுமனை பட்டா வழங்கும் சிறப்பு முகாம்
திருச்சியின் பல்வேறு கிராமங்களில் உள்ள ஆதி திராவிடர் சமூகத்தினருக்கு 2வது கட்டமாக இலவச வீட்டுமனை பட்டா வழங்க, நில எடுப்பு செய்யப்பட்ட நிலங்களில் காலியாக உள்ள மனைகளில் இலவச வீட்டுமனை பட்டா வழங்க ஏதுவாக வரும் 5,6,7ஆம் தேதிகளில் அனைத்து கிராம நிர்வாக அலுவலகங்களிலும் காலை 10 மணி முதல் மதியம் 2 மணி வரை சிறப்பு முகாம் நடைபெற உள்ளது. இதில் பொதுமக்கள் கலந்து கொண்டு பயன்பெற ஆட்சியர் இன்று தெரிவித்தார்.
News November 4, 2024
சுவிட்சர்லாந்து செலர்ஜின் பறிமுதல்
திருச்சி விமான நிலையத்தில் ஏர் இந்த எக்ஸ்பிரஸ் விமானம் மூலம் வந்த பயணிகளை சுங்கத்துறை அதிகாரிகள் நேற்று சோதனை செய்தனர். அதில் மூன்று பயணிகள் 47 வெள்ளி நிற பொட்டலங்களுடன் வந்தது தெரிய வந்தது. அது செலர்ஜின் சுவிட்சர்லாந்து உணவு பொருட்கள் என தெரியவந்தது. இதன் மதிப்பு 1.37 கோடி ரூபாய் ஆகும். அவற்றை பறிமுதல் செய்த அதிகாரிகள் தொடர்ந்து விசாரித்து வருகின்றனர்.
News November 4, 2024
மணப்பாறை அருகே கார் மோதி பெண் பலி
மணப்பாறை அடுத்த மலையடிப்பட்டியில் பெண் ஒருவர் உடல்நிலை சரியில்லாமல் அதே பகுதியில் உள்ள தனியார் மருத்துவமனையில் அனுமதிக்கப்பட்டுள்ள தனது கணவருக்கு உணவு வாங்க சென்றுள்ளார். அப்போது அடையாளம் தெரியாத கார் மோதியதில் அந்த பெண் சம்பவ இடத்திலேயே பரிதாபமாக உயிரிழந்தார். இச்சம்பவம் குறித்து போலீசார் வழக்கு பதிந்து விசாரித்து வருகின்றனர்.
News November 3, 2024
தொட்டியம் அருகே கிணற்றில் மூழ்கி இறந்த மாணவன்
திருச்சி, தொட்டியம் அடுத்த மேல காரைக்காட்டை சேர்ந்த பாலசுப்பிரமணியம் மகன் பாலசமுத்திரத்தில் ஐந்தாம் வகுப்பு படித்து வந்த நிலையில், நேற்று குளிக்கச் செல்வதாக சென்ற மாணவன் அரசலூரில் உள்ள கிணற்றில் மூழ்கி இறந்ததாக தெரிகிறது. இதையடுத்து நேற்று இரவு தீயணைப்பு துறையினர் பிரேதத்தை இறந்த நிலையில் கிணற்றில் இருந்து மீட்டனர். இதுகுறித்து போலீசார் விசாரணை மேற்கொண்டுள்ளனர்.
News November 3, 2024
மண்ணச்சநல்லூர் பகுதியில் மாரடைப்பால் வாலிபர் பலி
மண்ணச்சநல்லூர் அருகே வடக்கிப்பட்டி பூனாம்பாளையம் பகுதியைச் சேர்ந்த ஜெகன் ( 35) நேற்று இரவு மாரடைப்பு காரணமாக மண்ணச்சநல்லூர் அரசு மருத்துவமனைக்கு அழைத்துச் சென்றபோது டாக்டர்கள் பரிசோதனை செய்த போது ஏற்கனவே இறந்ததாக கூறினார்கள். இது குறித்து மண்ணச்சநல்லூர் போலீசார் விசாரணை செய்து வருகின்றனர். இதனால் ஒரு கிராமமே சோகத்தில் உள்ளது.
Featured News
Sorry, no posts matched your criteria.