News January 9, 2025

திருவாரூர் மாவட்ட காவல்துறை பொதுமக்களுக்கு அறிவிப்பு

திருவாரூர் மாவட்டத்தில் யாரேனும் சட்ட விரோதமாக அரசால் தடைசெய்யப்பட்ட புகையிலை பொருட்கள், கஞ்சா விற்பனை, கள்ளச்சாராயம் காய்ச்சுதல், கடத்தல், விற்பனை போன்றவற்றில் ஈடுபட்டால் பொதுமக்கள் ‘10581’ என்ற இலவச எண்ணைத் தொடர்பு கொண்டு ரகசிய தகவல் தெரிவிக்கலாம். மேலும் இது தொடர்பான போட்டோ அல்லது வீடியோக்களை 8072589305 என்ற வாட்ஸ்ஆப் எண்ணிற்கு அனுப்பி வைக்கலாம் எனத் தெரிவிக்கப்பட்டுள்ளது. SHARE NOW!

News January 9, 2025

தொழிலாளிக்கு 19 ஆண்டுகள் சிறை: திருவாரூர் கோர்ட் தீர்ப்பு

திருத்துறைப்பூண்டி பகுதியை சேர்ந்தவர் கஜேந்திரன் (42). இவருக்கும் அதே பகுதியை சேர்ந்த ஸ்டாலின் என்பவருக்கும் முன் விரோதம் காரணமாக கடந்த 2016-ஆம் ஆண்டு, நவம்பர் மாதம் சண்டை ஏற்பட்டுள்ளது. இதில் ஸ்டாலினை கஜேந்திரன் அரிவாளால் வெட்டியதில் அவர் படுகாயமடைந்தார். இந்நிலையில் இவ்வழக்கை விசாரித்த திருவாரூர் நீதிமன்றம் கஜேந்திரனுக்கு 19 ஆண்டுகள் சிறை, ரூ.15,000 அபராதம் விதித்து தீர்ப்பளித்தது.

News January 8, 2025

இவரின்றி எதுவும் நடக்காது: பாகம் – 2

திருவாரூர் திமுக பிரமுகர் கலைச்செல்வன் படுகொலையின் நேற்றைய தொடர்ச்சியை காண்போம். கலைஞர் பிறந்த மாவட்டமான திருவாரூர் மாவட்ட திமுக செயலாளர் தான் பூண்டி கலைச்செல்வன். அப்போதைய காலக்கட்டத்தில் திருவாரூரில் திமுக மட்டுமின்றி இதர கட்சிகளும் கலைச்செல்வன் இல்லாமல் எதுவும் செய்ய இயலாது என்ற நிலையில் இருந்தது. இதனாலேயே திமுகவின் தலைமைக்கு இவர் மிகவும் நெருக்கமாக இருந்தார் எனக் கூறப்படுகிறது. தொடரும்…

News January 8, 2025

வீணை வாசிப்பதில் முதலிடம் பெற்ற நன்னிலம் மாணவி

ஈரோட்டில் அண்மையில் நடைபெற்ற மாநில அளவிலான கலைத் திருவிழா போட்டியில், திருவாரூர் மாவட்டம், நன்னிலம் அரசு பெண்கள் மேல்நிலைப் பள்ளியின் மாணவி சாருமதி வீணை வாசிப்பதில் மாநில அளவில் முதலிடம் பெற்றுள்ளார். மாநில அளவில் வெற்றி பெற்ற மாணவியை இன்றைய இறைவணக்கக் கூட்டத்தில் பள்ளியின் தலைமையாசிரியர் பாராட்டி கௌரவித்தார். SHAREIT

News January 8, 2025

தொழிலாளிக்கு 3 ஆண்டுகள் சிறை: நன்னிலம் கோர்ட் உத்தரவு

நன்னிலம் அருகே உள்ள பனங்காட்டாங்குடி பகுதியைச் சேர்ந்தவர் சுரேஷ் (37). கூலி தொழிலாளியான இவர், கடந்த 2017-ஆம் ஆண்டு கொல்லுமாங்குடியில் பூக்கடை வைத்துள்ள முத்து என்பவரை கடுமையாக தாக்கியுள்ளார். இதுதொடர்பாக நன்னிலம் மாவட்ட உரிமையியல் மற்றும் குற்றவியல் நீதிமன்றத்தில் நடைபெற்ற வழக்கில் சுரேசுக்கு 3 ஆண்டுகள் சிறை தண்டனையும், ரூ.11,500 அபராதம் விதித்து நீதிமன்றம் அதிரடி தீர்ப்பு வழங்கியது.

News January 8, 2025

திருவாரூரில் போராட்டத்தில் ஈடுபட்ட 133 பேர் கைது

ஊரக வளர்ச்சி துறையில் காலியாக உள்ள ஊராட்சி செயலர் பதவிகளை உடனடியாக நிரப்ப வேண்டும் உள்ளிட்ட கோரிக்கைகளை வலியுறுத்தி நேற்று (ஜன.7) திருவாரூர் கலெக்டர் அலுவலகம் முன்பு ஊரக வளர்ச்சி துறை அலுவலர் சங்கத்தினர் சாலை மறியல் போராட்டத்தில் ஈடுபட்டனர். அதைத்தொடர்ந்து போலீசாருடன் ஏற்பட்ட வாக்குவாதத்தில் 16 பெண்கள் உட்பட 133 பேரை போலீசார் கைது செய்து காட்டூரில் உள்ள திருமண மண்டபத்தில் தங்க வைத்தனர்.

News January 7, 2025

திருவாரூரை அதிர வைத்த கொலை

டெல்டா மாவட்டங்களை கடந்த 2007 ஆம் ஆண்டு அதிர வைத்தது தான் பூண்டி கலைச்செல்வன் படுகொலை. யார் இந்த கலைச்செல்வன் ? எதற்காக கொலை ? நடந்தது என்ன. தற்போதைய திருவாரூர் மாவட்ட திமுக செயலாளரும், சட்ட மன்ற உறுப்பினருமான பூண்டி கலைவாணன் அண்ணன் தான் கலைச்செல்வன். திருவாரூர் திமுகவின் அசைக்க முடியாத நபர் என்றால் அது கலைச்செல்வன் எனக்கூறலாம். இவர் பகை காரணமாக வெட்டிக் கொலை செய்யப்பட்டார். தொடரும்…

News January 7, 2025

திருவாரூர் way2news வாசகரே…

1) way2news-ல் உங்களுக்கு பிடித்த செய்தி/அம்சம் என்ன?

2) way2news-ல் உங்களுக்கு பிடிக்காத அம்சம் என்ன?

3) way2news-ல் என்ன மாற்றம் செய்தால் நன்றாக இருக்கும் என்று நினைக்கிறீர்கள்?

கமெண்ட் செய்யவும்

News January 7, 2025

திருவாரூர்: 15 வயது சிறுமிக்கு திருமணம்; 4 பேர் மீது வழக்கு

சிதம்பரம் அருகே சக்தி நகரை சேர்ந்தவர் 15 வயது சிறுமி. பத்தாம் வகுப்பு படித்து வந்த இவருக்கு திருவாரூர் நெய்விளக்கு தோப்பு பகுதியைச் சேர்ந்த சந்தோஷ் என்ற இளைஞருடன் கடந்த 2024-ஆம் ஆண்டு மார்ச் மாதம் திருமணம் நடைபெற்றுள்ளது. இந்நிலையில் இதுகுறித்து தகவலறிந்த போலீசார் குழந்தை திருமண செய்த சந்தோஷ், சிறுமியின் தந்தை முருகன் மற்றும் உறவினர்களான அமுதா, வளர்மதி ஆகிய 4 பேர் மீது வழக்கு பதிவு செய்துள்ளனர். 

News January 7, 2025

திருவாரூர் மாவட்டத்தில் 10,64,640 வாக்காளர்கள்

திருவாரூர் மாவட்டத்திற்கான இறுதி வாக்காளர் பட்டியலை கலெக்டர் சாருஸ்ரீ நேற்று வெளியிட்டார். அதில் மாவட்டத்தில் ஆண் வாக்காளர்கள் மொத்தம் 5,18,157 பேரும், பெண் வாக்காளர்கள் 5,46,414 பேரும் மற்றும் இதர பாலினத்தவர் 69 பேர் என மொத்தம் 10 லட்சத்து 64 ஆயிரத்து 640 வாக்காளர்கள் இடம்பெற்றுள்ளனர். இதில் கடந்த முறை போலவே மாவட்டத்தில் ஆண்களை விட பெண் வாக்காளர்களே அதிகம் என்பது குறிப்பிடத்தக்கது. SHARE NOW!