India's largestHyperlocal short
news App
Get daily news updates that are tailored for you based on your preferred language & location.
download Way2News app now
Thiruvarur
News November 16, 2024
வாக்காளர் சிறப்பு முகாமை பார்வையிட்ட மாவட்ட ஆட்சியர்
தமிழகம் முழுவதும் வாக்காளர் சிறப்பு முகாம் இன்றும் நாளையும் நடைபெறுகிறது. அதனைத் தொடர்ந்து திருவாரூர் அருகே விளமல் அரசினர் உயர்நிலை பள்ளியில் நடைபெற்ற வாக்காளர் சிறப்பு முகாமினை திருவாரூர் மாவட்ட ஆட்சியர் சாருஸ்ரீ இன்று நேரில் பார்வையிட்டு ஆய்வு மேற்கொண்டார். இதில் திருவாரூர் வட்டாட்சியர் உள்ளிட்ட அரசு அலுவலர்கள் பலர் கலந்து கொண்டனர்.
News November 16, 2024
திருவாரூர்: டாக்டர் அம்பேத்கர் விருது பெற விண்ணப்பிக்கலாம்
தமிழ்நாடு அரசின் 2024-25 ஆம் ஆண்டிற்கான டாக்டர் அம்பேத்கர் விருதுக்கு விண்ணப்பங்கள் வரவேற்கப்படுவதாக திருவாரூர் கலெக்டர் அறிவித்துள்ளார். சமூக, பொருளாதாரம் மற்றும் கல்வியை மேம்படுத்த உதவிய ஆடிதிராவிடர் சமூகத்தை சேர்ந்தவருக்கு இவ்விருது வழங்கப்பட உள்ளது. இதற்கு விண்ணப்பிக்க திருவாரூர் மாவட்ட ஆதிதிராவிடர் மற்றும் பழங்குடியினர் நல அலுவலகத்தை தொடர்பு கொள்ளலாம். விண்ணப்பிக்க நவ.20 கடைசி நாள் ஆகும்.
News November 16, 2024
மாவட்ட அளவிலான கலைத்திருவிழா போட்டிகள் – தேதி அறிவிப்பு
மாவட்ட அளவிலான கலைத்திருவிழா போட்டிகள் நடைபெறும் தேதிகள் குறித்த அறிவிப்பு திருவாரூர் மாவட்ட முதன்மைக்கல்வி அலுவலர் அலுவலகத்திலிருந்து வெளியாகியுள்ளது. அதன்படி 1 முதல் 8 ஆம் வகுப்புகளுக்கான போட்டிகள் நவ.19 அன்றும், 9 முதல் 12 ஆம் வகுப்புகளுக்கான போட்டிகள் நவ.20 அன்றும் திருவாரூரில் நடைபெறும் என தெரிவிக்கப்பட்டுள்ளது.
News November 16, 2024
திருவாருர் வருகை தரும் குடியரசு தலைவர்
திருவாரூர் மாவட்டம் நீலக்குடி பகுதியில் உள்ள தமிழ்நாடு மத்திய பல்கலைக்கழக பட்டமளிப்பு விழா வருகிற நவம்பர் 30ஆம் தேதி நடைபெறுகிறது. இந்நிகழ்வில் மாணவர்களுக்கு பட்டம் வழங்கி சிறப்புரை வழங்குவதற்காக குடியரசு தலைவர் திரௌபதி முர்மு திருவாரூர் வருகை தருகிறார்.
News November 16, 2024
மன்னார்குடி தொகுதியில் சிறப்பு முகாம்
மன்னார்குடியில் நவம்பர் 16,17 ஆகிய இரண்டு தினங்களில் 285 வாக்குச்சாவடி மையங்களிலும் வாக்காளர் சிறப்பு முகாம் நடைபெற உள்ளது. இந்த முகாம்களில் ஜனவரி 2025ஐ அடிப்படையாகக் கொண்டு 18 வயது எட்டும் அனைவரும் புதிய வாக்காளராக சேர பதிவு செய்யலாம். மேலும் பெயர், முகவரி திருத்தம், நீக்கல் போன்றவற்றையும் செய்து கொள்ளலாம். முகாமானது மாவட்டம் முழுவதும் காலை 9 மணி முதல் மாலை 5 மணிவரை நடைபெறும். ஷேர் செய்யவும்
News November 15, 2024
ஆதரவற்ற குழந்தைகளை தத்தெடுக்க விண்ணப்பிக்கலாம்
பெற்றோரை இழந்த குழந்தைகள், கைவிடப்பட்ட குழந்தைகளை மாவட்ட குழந்தைகள் பாதுகாப்பு அலுவலக மூலம் கண்டறிந்து, குடும்ப சூழ்நிலைகு ஏற்றவாறு பராமரிப்பு திட்டத்தின் மூலம் தத்தெடுக்க விருப்பமுள்ளவர்கள் விண்ணப்பிக்கலாம் என திருவாரூர் ஆட்சியர் தெரிவித்துள்ளார். இதற்குமாவட்ட குழந்தைகள் பாதுகாப்பு அலுவலகம், அறை எண் 310, 3வது தளம், திருவாரூர் என்ற முகவரியை தொடர்பு கொள்ளவும்.
News November 15, 2024
தொடர் வாகன திருட்டில் ஈடுபட்ட நபர் கைது
திருவாரூர் மாவட்டத்தில் தொடர்ந்து டூவீலர் திருட்டில் ஈடுபட்ட சுதாகர் என்பவர் கைது செய்யப்பட்ட நிலையில், அவரிடம் இருந்து இரு சக்கர வாகனம் பறிமுதல் செய்யப்பட்டுள்ளது. மேலும் சுதாகர் மீது மாவட்டம் முழுவதும் 35 வழக்குகள் பதிவு செய்யப்பட்டு விசாரணையில் இருந்து வருகிறது என்பதும், கடந்த ஆண்டு குண்டர் தடுப்புச் சட்டத்தின் கீழ் சிறை சென்று பிணையில் வந்துள்ளார் என்பதும் குறிப்பிடத்தக்கது.
News November 14, 2024
திருவாரூர் மற்றும் சுற்றுவட்டாரப் பகுதிகளில் மின்தடை அறிவிப்பு
திருவாரூர் துணைமின் நிலையத்தில் மாதாந்திர பணிகள் வரும் நவ.16 (சனி) அன்று நடைபெற உள்ளது. இதனால் திருவாரூர், கூடூர், அலிவலம், ஓடாச்சேரி, சேந்தமங்கலம், விஜயபுரம், வாலவாய்க்கால், மாங்குடி, கூடூர், திருக்கணமங்கை, பெரும்பண்ணையூர், விளமல், ஈ.பி.காலனி, தென்றல் நகர், மாங்குடி, பவித்திரமாணிக்கம், அடியக்கமங்கலம் மற்றும் சுற்றுவட்டார பகுதிகளில் காலை 9 முதல் மதியம் 2 மணி வரை மின்விநியோகம் இருக்காது.
News November 14, 2024
இலவச தையல் இயந்திரம்: திருவாரூர் கலெக்டர் அறிவிப்பு
திருவாரூர் மாவட்டத்தில் முன்னாள் படைவீரரின் மனைவி/கைம்பெண் மற்றும் திருமணம் ஆகாத மகளுக்கு இலவச தையல் இயந்திரம் வழங்குவதற்கான அறிவிப்பை மாவட்ட ஆட்சியர் வெளியிட்டுள்ளார். இதற்கு தகுதியாக குறைந்தது 3 மாதம் தையல் பயிற்சி பெற்றவராகவும், இதற்கு முன்னதாக மத்திய/மாநில அரசுகளிடமிருந்து இலவச தையல் இயந்திரம் பெறாதவராக இருத்தல் அவசியமாகும். கூடுதல் தகவலுக்கு தொலைபேசி எண்: 04366-290080.
News November 14, 2024
திருவாரூரில் இன்று முதல் அமல்
திருவாரூர் மாவட்டம் கோவில்வெண்ணியில் புதிதாக சுங்கச்சாவடி அமைக்கும் பணி ஆனது கடந்த ஒரு வருட காலமாக நடைபெற்று வருகிறது. தற்போது இந்தப் பணியானது நிறைவு பெற்று விட்டது. அதன் காரணமாக (நவம்பர்-14 )இன்று முதல் சுங்கச்சாவடி கட்டண வசூல் பயன்பாட்டிற்கு வருவதாக சுங்கச்சாவடி அதிகாரிகள் தரப்பில் தெரிவிக்கப்பட்டுள்ளது.
Featured News
Sorry, no posts matched your criteria.