India's largestHyperlocal short
news App
Get daily news updates that are tailored for you based on your preferred language & location.
download Way2News app now
Thiruvarur
News June 20, 2024
அரசு கல்லூரியில் இரண்டாம் கட்ட மாணவர் சேர்க்கை
திருவாரூர் திரு.வி.க அரசு கலைக் கல்லூரியில் இரண்டாம் கட்ட மாணவர் சேர்க்கை வரும் ஜூன் 25 மற்றும் 26 ஆகிய தேதிகளில் நடைபெறுகிறது. ஜூன் 25 அன்று தமிழ், ஆங்கிலம் மற்றும் அனைத்து பாடங்களுக்கும், ஜூன் 26இல் இளம் வணிகவியல், வணிக நிர்வாகவியல் மற்றும் அனைத்து கலை பாடங்களுக்கும் மாணவர்கள் சேர்க்கை நடைபெறும் என கல்லூரி முதல்வர் ராஜாராமன் தெரிவித்துள்ளார்.
News June 20, 2024
நாளை தனியார் துறை வேலைவாய்ப்பு முகாம்
திருவாரூர் ஆட்சியர் சாரு ஸ்ரீ இன்று வெளியிட்டுள்ள செய்திக்குறிப்பில் தெரிவித்துள்ளதாவது.
திருவாரூர் விளமல் கூட்டுறவு நகரில் உள்ள மாவட்ட வேலைவாய்ப்பு அலுவலகத்தில் நாளை ஜூன் 21 ஆம் தேதி காலை 10 மணி முதல் மதியம் 1 மணி வரை தனியார் துறை வேலைவாய்ப்பு முகாம் நடைபெற உள்ளது. 8 ஆம் வகுப்பு முதல் பட்டதாரிகள் டிப்ளமோ ஐடிஐ இன்ஜினியரிங் வரை படித்த மாணாக்கர்கள் முகாமில் பங்கேற்று பயனடையலாம்
News June 20, 2024
மாணவியை சந்தித்து அறிவுரை வழங்கிய ஆட்சியர்
உங்களை தேடி உங்கள் ஊரில் என்ற திட்டத்தின் கீழ் திருவாரூர் மாவட்ட ஆட்சியர் சாரு ஸ்ரீ திருவலஞ்சுழி கிராமத்தில் உள்ள பெண் ஒருவரை அவரது இல்லத்தில் நேரில் சந்தித்து கல்லூரி செல்ல வேண்டும் என்றும், கல்லூரி செல்வதால் ஏற்படும் நன்மைகள் படிப்பின் அவசியம் குறித்தும், அரசு உயர் கல்வி படிப்பதால் செய்து வரும் திட்டங்கள் குறித்தும் எடுத்துரைத்து கல்லூரி செல்ல வேண்டுமென அறிவுரை வழங்கினார்.
News June 20, 2024
பண்ணை குட்டை திட்டம் – ஆட்சியர் ஆய்வு
திருத்துறைப்பூண்டியில் பல்வேறு அரசு பணி திட்டங்கள் நடைபெற்று வரும் நிலையில் திருத்துறைப்பூண்டி பகுதியில் அரசால் வழங்கப்பட்டுள்ள பண்ணை குட்டை வெற்றி விவசாயிகள் பயனடையும் திட்டத்தின் மூலம் பயன்பெற்று வந்த விவசாயிகளின் பண்ணை குட்டையை மாவட்ட ஆட்சியர் சாரு ஸ்ரீ நேற்று (ஜூன்.19) நேரில் சென்று ஆய்வு மேற்கொண்டார். பயனாளிகள் அரசு துறை அதிகாரிகள் கலந்து கொண்டனர்.
News June 19, 2024
திருவாரூர்: பலத்த காற்றுடன் கனமழை
திருவாரூர் மாவட்டத்தின் பல்வேறு பகுதிகளில் பலத்த காற்றுடன் கூடிய கனமழை பெய்து வருகிறது. திருவாரூர், மாங்குடி, அம்மையப்பன், கமலாபுரம், சேந்தமங்கலம் உள்ளிட்ட பகுதிகளில் மழை பெய்து வருகிறது. தமிழகம் முழுவதும் கோடை வெயிலால் மக்கள் அவதி அடைந்த நிலையில் ஆறுதலாக இன்று பெய்த மழையால் திருவாரூர் மாவட்ட விவசாயிகள் மகிழ்ச்சி அடைந்தனர்.
News June 19, 2024
ஆரம்ப சுகாதார நிலையத்தில் ஆட்சியர் ஆய்வு
திருவாரூர் மாவட்டம் திருத்துறைப்பூண்டி வட்டம் ஆலத்தம்பாடி ஆரம்ப சுகாதார நிலையத்தில் இன்று மாவட்ட ஆட்சியர் சாரு ஸ்ரீ ஆய்வு மேற்கொண்டார். அப்பொழுது, மருத்துவமனைகளின் உள்ள இருக்கைகளின் தரம் குறித்தும் நோயாளிகளுக்கு வழங்கப்படும் மருந்துகள் கையிருப்புகள் குறித்தும் நோயாளிகள் எவ்வாறு வீட்டில் அளிக்கப்படுகிறார்கள் என்பன குறித்து மாவட்ட ஆட்சியர் மருத்துவர்களிடம் ஆய்வு மேற்கொண்டார்.
News June 19, 2024
திருவாரூரில் ஜூன்.21ஆம் தேதி வேலை வாய்ப்பு முகாம்
திருவாரூர் ஆட்சியர் சாருஸ்ரீ நேற்று விடுத்துள்ள செய்திக்குறிப்பில், திருவாரூர் விளமல் கூட்டுறவு நகரில் உள்ள மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் ஜூன்.21 அன்று தனியார் துறை வேலை வாய்ப்பு முகாம் காலை 10 மணி முதல் மதியம் 1 மணி வரை நடக்கவுள்ளது. முகாமில் மாவட்டத்தில் 8ஆம் வகுப்பு முதல் பட்டபடிப்பு வரை, ஐ.டி.ஐ., டிப்ளமோ பி.இ, பி.டெக் முடித்தவர்கள் பங்கேற்று பயனடையலாம் என்றார்.
News June 18, 2024
நலத்திட்ட உதவிகளை வழங்கிய சுகாதாரத்துறை அமைச்சர்
திருவாரூர் மாவட்டத்தில் மருத்துவம் சார்ந்த பல்வேறு கட்டிடங்களை திறந்து வைப்பதற்காகவும், பல்வேறு நிகழ்ச்சிகளில் கலந்து கொள்வதற்காகவும், திருவாரூர் மாவட்டத்திற்கு வருகை தந்த தமிழ்நாடு மக்கள் நல்வாழ்வுத்துறை மற்றும் சுகாதாரத்துறை அமைச்சர் மா.சுப்பிரமணியன் பள்ளி மாணவ, மாணவிகளுக்கு மூக்கு கண்ணாடி மற்றும் கர்ப்பிணி பெண்களுக்கு ஊட்டச்சத்து பெட்டகம் உள்ளிட்ட நலத்திட்ட உதவிகளை வழங்கினார்.
News June 18, 2024
திருத்துறைப்பூண்டி: நடிகர் சிவகார்த்திகேயன் வருகை
திருத்துறைப்பூண்டியில் நெல் ஜெயராமனின் சிகிச்சை நேரத்தில் அவருக்கு உதவியாக இருந்த நடிகர் சிவகார்த்திகேயன், வரும் 22ஆம் தேதி நடைபெற இருக்கும் நெல் ஜெயராமன் நினைவு நெல் திருவிழாவிற்கு வருகை தர இருப்பதாக, அவ்விழா ஒருங்கிணைப்பாளர் செ.ராஜீவ் தெரிவித்துள்ளார். அதற்கான விழா ஏற்பாடுகளை சிறப்பான முறையில் ஏற்பாடு செய்து வருவதாக அவர் தெரிவித்துள்ளார்.
News June 18, 2024
துப்புரவு பணியாளர் மகள் நகராட்சி கமிஷனராக தேர்வு
மன்னார்குடி நகராட்சியில் துப்புரவு பணியாளராக வேலை பார்த்தவர் சேகர். இவர் சில ஆண்டுகளுக்கு முன்பு இறந்தார். இவரது மகள் துர்கா தமிழ்நாடு அரசு பணியாளர்கள் குரூப் 2 தேர்வில் மாநில அளவில் ரேங்க் பெற்று நகராட்சி கமிஷனராக தேர்வு செய்யப்பட்டுள்ளார். இந்த பணி ஆணையை நேற்று மாநில தேர்வாணையத்துறை இயக்குனர் வழங்கினார். இந்நிலையில் தேர்வு பெற்ற துப்புரவு பணியாளரின் மகளான மாணவியை மக்கள் பாராட்டி வருகின்றனர்.
Featured News
Sorry, no posts matched your criteria.