India's largestHyperlocal short
news App
Get daily news updates that are tailored for you based on your preferred language & location.
download Way2News app now
Thiruvallur
News September 10, 2024
திருவள்ளூரில் மின்சார ரயில்கள் ரத்து
பராமரிப்பு காரணமாக திருவள்ளூர் முதல் சென்னை கடற்கரை வரை இயக்கக்கூடிய மின்சார ரயில்கள் இன்றும், நாளையும் ரத்து செய்யப்படுவதாக தெற்கு ரயில்வே தெரிவித்துள்ளது. இரவு 9:35 மணிக்கு திருவள்ளூர் – கடற்கரை மின்சார ரயில், இரவு 7:50 மணிக்கு கடற்கரை – திருவள்ளூர் வரை செல்லக்கூடிய மின்சார ரயில், கும்மிடிபூண்டி முதல் கடற்கரை வரை செல்லக்கூடிய இரவு 9:55 மணிக்கு செல்லும் ரயில்கள் ரத்து செய்யப்பட்டுள்ளன.
News September 10, 2024
திருவள்ளூர் மாவட்டத்தில் ஏரிகளின் நீர்மட்ட நிலவரம்
சென்னைக்கு குடிநீர் வழங்கும் புழல் ஏரியில் 2,333 மில்லியன் கன அடி தண்ணீரும், சோழவரம் ஏரியில் 58 மில்லியன் கன அடி தண்ணீரும் செம்பரம்பாக்கம் ஏரியில் 1,210 மில்லியன் கன அடி தண்ணீரும், பூண்டி ஏரியில் 84 மில்லியன் கன அடி தண்ணீரும், கண்ணன்கோட்டை தேர்வாய் கண்டிகை ஏரியில் 302 மில்லியன் கன அடி தண்ணீரும் இருப்பில் உள்ளதாக இன்று (செப்.10) காலை பொதுப்பணித்துறை அதிகாரிகள் தெரிவித்தனர்.
News September 10, 2024
திருவள்ளூர் மாவட்டத்தில் தலைமை ஆசிரியை சஸ்பெண்ட்
திருவள்ளூர் மாவட்டம் பம்மதுகுளத்தில் ஊராட்சி ஒன்றிய நடுநிலைப் பள்ளியின் தலைமை ஆசிரியை லதா என்பவர் மாணவர்களின் எண்ணிக்கையை அதிகமாக காட்சி, கூடுதல் ஆசிரியர் பணியிடங்கள், கூடுதல் சத்துணவு பொருட்களையும் பெற்றுள்ளார். இதையடுத்து, அவர் நேற்று சஸ்பெண்ட செய்யப்பட்டுள்ளார். மேலும், முறைகேடுகளை கவனிக்காத வட்டார கல்வி அலுவலரையும் சஸ்பெண்ட் செய்து பள்ளிக்கல்வித்துறை உத்தரவிட்டுள்ளது.
News September 9, 2024
மாற்றுத்திறனாளிகளுக்கு நலத்திட்ட உதவிகள் வழங்கல்
திருவள்ளூர் மாவட்ட ஆட்சியர் அலுவலகத்தில் மாற்றுத்திறனாளிகளிடம் மாவட்ட ஆட்சியர் த.பிரபுசங்கர் இன்று புகார் மனுக்களை பெற்று, உரிய நடவடிக்கை எடுக்க அதிகாரிகளிடம் உத்தரவிட்டார். தொடர்ந்து அவர் நலத்திட்ட உதவிகளை வழங்கினார். இந்நிகழ்வில் மாவட்ட வருவாய் அலுவலர் ஆ.ராஜ்குமார், பொன்னேரி சார் ஆட்சியர் வாகே சங்கத் பல்வந்த், உதவி ஆட்சியர் ஆயுஷ் குப்தா உள்ளிட்டோர் கலந்து கொண்டனர்.
News September 9, 2024
மக்கள் குறைத்தீர்க்கும் முகாம்-119 மனுக்கள் பெறப்பட்டது
திருவள்ளூர் மாவட்ட ஆட்சியர் அலுவலக கூட்டரங்கில் இன்று மக்கள் குறைத்தீர்க்கும் முகாமில் நடைபெற்றது. இந்த கூட்டத்தில் மாவட்ட ஆட்சியர் த.பிரபுசங்கர் கலந்து கொண்டு, 119 பேரிடமிருந்து மனுக்களை பெற்று, உரிய நடவடிக்கை எடுக்க சம்பந்தப்பட்ட துறை அதிகாரிகளுக்கு வலியுறுத்தினார். முகாமில் மாவட்ட வருவாய் அலுவலர் ஆ.ராஜ்குமார், ஊரக வளர்ச்சி முகமை திட்ட இயக்குனர் வை.ஜெயக்குமார் உள்ளிட்டோர் கலந்து கொண்டனர்.
News September 9, 2024
குறைந்த வாடகையில் நெல் அறுவடை இயந்திரம்
திருவள்ளூர் மாவட்டத்தில், வேளாண்மை பொறியியல் துறை வாயிலாக, நெல் அறுவடை இயந்திரங்கள் கொள்முதல் செய்து, குறைந்த வாடகையில் வழங்க வேண்டும் என விவசாயிகள் கோரிக்கை வைத்தனர். தற்காலிக தீர்வாக, பிற மாவட்டங்களில் இருந்து 3 இயந்திரங்கள் வரவழைக்கப்பட்டுள்ளது. விவசாயிகள் இ-வாடகை செயலி மூலம் முன்பதிவு செய்து இந்நெல் அறுவடை இயந்திரங்களை பயன்படுத்திக் கொள்ளலாம் என மாவட்ட ஆட்சியர் கூறியுள்ளார்
News September 9, 2024
திருவள்ளூரில் நாளை வேலை நிறுத்தம்
தமிழ்நாடு தொடக்கப்பள்ளி ஆசிரியர் கூட்டணியினர் நாளை ஒரு நாள் வேலை நிறுத்தம் செய்வதாக அறிவித்துள்ளனர். 31 அம்ச கோரிக்கைகளை வலியுறுத்தியும், சரண்டர் பழைய ஓய்வுதியும், இடைநிலை ஆசிரியர் ஊதிய முரண்பாடு களைதல் உள்ளிட்ட கோரிக்கைகளை நிறைவேற்றக்கோரி நாளை ஒருநாள் அடையாள வேலை நிறுத்தத்தில் ஈடுபடுவதாக தெரிவித்துள்ளனர். நாளை திருவள்ளூர் மாவட்ட முதன்மைக் கல்வி அலுவலகம் அருகே போராட்டத்தில் பங்கேற்க உள்ளனர்.
News September 9, 2024
3 புதிய மின்சார ரயில்கள் தொடக்கம்
சென்னை சென்ட்ரல் -திருவள்ளூர்-ஆவடி இடையே இன்று 3 புதிய மின்சார ரயில் சேவைகள் தொடங்கின. ஆவடியில் இருந்து காலை 9.50 மணிக்கு சென்னை சென்ட்ரலுக்கும், சென்ட்ரலில் இருந்து காலை 10.40 மணிக்கு திருவள்ளூருக்கும், மறுமாா்க்கமாக திருவள்ளூரில் இருந்து பிற்பகல் 3.50 மணிக்கு சென்ட்ரலுக்கும் என 3 புதிய மின்சார ரயில்கள் இயக்கப்படுகிறது.
News September 9, 2024
திருவள்ளூரில் மகாவிஷ்ணுவை கண்டித்து ஆர்ப்பாட்டம்
மாற்றுத் திறனாளிகள் குறித்து இழிவாக பேசிய புகாரில் மகாவிஷ்ணு ஏற்கனவே கைதாகி சிறையில் உள்ளார்.இந்த நிலையில், திருவள்ளூரில் மகாவிஷ்ணுவை கண்டித்து மாற்றுத்திறனாளிகள் மாவட்ட கூட்டமைப்பு சங்கம் சார்பில் 100க்கும் மேற்பட்ட மாற்றுத் திறனாளிகள் மாவட்ட கலெக்டர் அலுவலக நுழைவு வாயிலில் ஆர்ப்பாட்டத்தில் ஈடுபட்டனர். தொடர்ந்து, பேரணியாக சென்று கலெக்டர் பிரபு சங்கரிடம் மாற்று திறனாளிகள் புகார் மனு அளித்தனர்.
News September 9, 2024
பூந்தமல்லியை சேர்ந்த 5 இளைஞர்கள் பலி
சென்னை எழும்பூர்-பூந்தமல்லி நெடுஞ்சாலை நேருபார்க் ஹவுசிங் போர்டில் இருந்து பூண்டி மாதா கோவிலுக்கு சென்ற 5 இளைஞர்கள் அங்குள்ள கொள்ளிடம் ஆற்றில் குளிக்க சென்றுள்ளனர். இதில், 5 பேரும் நீரில் மூழ்கியுள்ளனர். தகவலறிந்து அங்கு சென்ற மீட்பு குழுவினர் 3 பேர் உடலை மீட்டுள்ளனர். மேலும், இருவரின் உடல்களை தேடி வருகின்றனர். ஒரே பகுதியை சேர்ந்த 5 நபர்கள் இறந்த செய்தி அப்பகுதியில் சோகத்தை ஏற்படுத்தியுள்ளது.
Featured News
Sorry, no posts matched your criteria.