India's largestHyperlocal short
news App
Get daily news updates that are tailored for you based on your preferred language & location.
download Way2News app now
Thiruvallur
News August 29, 2024
திருவள்ளூர் அருகே நாளை மின்தடை
பூனி மாங்காடு, மாமண்டூர், அத்தி மாஞ்சேரிபேட்டை , கொளத்தூர், பாலாபுரம் ஆகிய துணை மின் நிலையங்களில் இருந்து மின் வினியோகம் செய்யப்படும் கிராமங்களில் மின் பராமரிப்பு பணிகள் மேற்கொள்ளப்பட இருப்பதால் நாளை காலை 9 மணி முதல் மாலை 3 மணி வரை மின்தடை ஏற்படும் என்று திருத்தணி கோட்டை செயற் பொறியாளர் பாஸ்கரன் தெரிவித்துள்ளார்.
News August 29, 2024
திருவள்ளூர் அருகே விபத்து; பள்ளி மாணவன் மரணம்?
பாலாபுரம் பெரியநாகபூண்டி காலனியை சேர்ந்த கவிப்பேரரசு என்ற மாணவர் எலும்பிச்சை உயர்நிலைப் பள்ளியில் ஆறாம் வகுப்பு படித்து வருகிறார்.இன்று பள்ளிக்கு சென்று மீண்டும் ஆட்டோவில் வீடு திரும்பி கொண்டிருந்தவர். ஆட்டோவில் இருந்து தவறி விழுந்து பலத்த காயமடைந்தார். சோளிங்கர் அரசு மருத்துவமனையில் சிகிச்சை சேர்க்கப்பட்டார். அங்கு அவர் இறந்ததாக தகவல் வெளியாகியுள்ளது. ஆட்டோ டிரைவரிடம் போலீசார் விசாரணை.
News August 29, 2024
திருவள்ளூர் மாவட்ட செயலாளர் கட்சி மாறினார்
திருவள்ளூர் கிழக்கு மாவட்ட பிஜேபி பொதுசெயலாளர் முத்துராஜ் பிஜேபியில் இருந்து விலகி கும்மிடிப்பூண்டி சட்டமன்ற உறுப்பினர் கோவிந்தராஜன் முன்னிலையில் இன்று திமுகவில் இணைந்தார். இந்நிகழ்ச்சியில்
திமுக மாவட்ட நிர்வாகிகள், பொதுச் செயலாளர், கழக உறுப்பினர்கள், கட்சி அமைப்பாளர்கள் என பலர் கலந்து கொண்டனர்.
News August 29, 2024
கும்மிடிப்பூண்டியில் இளைஞரை வெட்டிய வழக்கில் 4 பேர் கைது
திருவள்ளூர் மாவட்டம் கும்மிடிப்பூண்டியில் காய்கறி கடையில் அடிக்கடி கடன் கேட்டும் பணம் கேட்டும் தர மறுத்ததால் கடையில் இருந்த இளைஞர் இளவரசனை (22) அறிவாளால் வெட்டிய வழக்கில் கடை உரிமையாளர் அளித்த புகாரின் பேரில் வெட்டு காலனி பகுதியைச் சேர்ந்த எழில், ராஜசேகர், விஜய், அஜித் குமார் உள்ளிட்ட 4 பேரை கைது செய்து கும்மிடிப்பூண்டி போலீசார் நீதிமன்றத்தில் ஆஜர்படுத்தி இன்று சிறையில் அடைத்தனர்.
News August 29, 2024
ஆவடியில் ரூ.60 லட்சம் மோசடி
ரூ.60 லட்சம் மோசடி செய்த வழக்கில் இளைஞரை ஆவடி மத்திய குற்றப்பிரிவு போலீஸர் நேற்று கைது செய்தனர். அம்பத்தூரைச் சேர்ந்த கிளாட்வின் (37) என்பவர் தனியார் வங்கி மூலம் ரூ.16 லட்சம், உறவினர்களிடம் கடன் என சுமார் ரூ.60 லட்சம் தனது நண்பரான உமேஷ்குமாரிடம் கொடுத்துள்ளார். அந்தப் பணத்தை பங்குச் சந்தையில் முதலீடு செய்தால், 2 மடங்காக திருப்பித் தருவதாக கூறி ஏமாற்றியுள்ளார்.
News August 29, 2024
திருவள்ளூர் மக்களே ரயில்கள் ரத்து
சென்ட்ரலில் இருந்து இன்று மதிய வேளையில் புறப்பட்டு அரக்கோணம் செல்லும் மின்சார ரயில்கள், திருவள்ளூர் – அரக்கோணம் இடையே பகுதி நேரமாக ரத்து செய்யப்படுகிறது. அதேபோல மறுமார்க்கமாக அரக்கோணத்தில் இருந்து சென்ட்ரல் வரும் ரயிலும் அரக்கோணம் – திருவள்ளூர் இடையே பகுதி ரயிலும், திருவள்ளூர் – திருத்தணி இடையே ரயிலும் பகுதி நேரமாக ரத்து செய்யப்படுவதாக தெரிவிக்கப்பட்டுள்ளது.
News August 29, 2024
ஊத்துக்கோட்டையில் 30ஆம் தேதி உறியடி திருவிழா
ஊத்துக்கோட்டை தட்டார் தெருவில் அமைந்துள்ள ஸ்ரீ சந்தான வேணுகோபாலசாமி திருக்கோவிலில் வரும் 30/08/2024 வெள்ளிக்கிழமை மதியம் 3 மணி அளவில் உறியடி திருவிழாவும் அதனைத் தொடர்ந்து அன்று மாலை ஸ்ரீ கிருஷ்ண பகவானுக்கு திருக்கல்யாண நிகழ்ச்சியும் அதனை தொடர்ந்து 31/08/2024 காலை 10 மணி அளவில் ஸ்வாமி திரு வீதி உலாவும் நடைபெற உள்ளதால் பக்த கோடி பொதுமக்கள் அனைவரையும் கோவில் நிர்வாகம் சார்பாக வரவேற்கின்றனர்.
News August 28, 2024
கலைஞர் கனவு இல்ல திட்ட உத்தரவு நகலை வழங்கிய எம்எல்ஏ
திருவாலங்காடு ஒன்றியத்துக்கு உட்பட்ட பல்வேறு ஊராட்சிகளில் இருந்து தேர்வு செய்யப்பட்ட பயனாளிகளுக்கு இன்று கலைஞர் கனவு இல்ல திட்டத்தின் கீழ் ரூ.3 லட்சத்து 50 ஆயிரம் மதிப்பீட்டில் வீடுகள் அமைத்திட உத்தரவு நகலை திருவள்ளூர் எம்.எல்.ஏ விஜி ராஜேந்திரன் வழங்கினார். உடன் வட்டார வளர்ச்சி அலுவலர்கள் மற்றும் பயனாளிகள் பங்கேற்று உத்தரவு நகல்களை பெற்றுக் கொண்டனர்.
News August 28, 2024
திருவள்ளூர் பாமக மாவட்ட செயலாளர் மீது வழக்கு பதிவு
சோழவரம் அடுத்த ஜனப்பன்சத்திரத்தில் கடந்த 20ஆம் தேதி பாமக ஆலோசனை கூட்டம் நடைபெற்றது. இந்த கூட்டத்தில் ஏற்பட்ட கருத்து மோதலைத் தொடர்ந்து பிறகு பாமக பிரமுகர் முனுசாமியை அவரது கட்சியினரே தாக்கியதாக அவர் சோழவரம் காவல் நிலையத்தில் புகார் அளித்தார். புகாரின் பேரில் பாமக மாவட்ட செயலாளர் பிரகாஷ், பாமக நிர்வாகிகள் டில்லி, சுதாகர், பிரசாத் ஆகியோர் மீது சோழவரம் போலீஸ் இன்று 2 பிரிவுகளில் வழக்கு பதிந்தனர்.
News August 28, 2024
அனல்மின் நிலையத்தில் மின் உற்பத்தி தொடக்கம்
மீஞ்சூர் அடுத்த அத்திபட்டு வடசென்னை அனல் மின் நிலையத்தில் இரு நிலைகளில் நேற்று 2வது நிலை 2வது அலகில் கொதிகலன் கசிவால் 600 மெ.வாட், 1வது நிலையில் 1வது அலகில் கொதிகலன் கசிவால் 210 மெ.வாட்,1வது நிலையில் 2வது அலகில் ஜெனரேட்டர் பழுதால் 210 மெ.வாட் என 1020 மெகாவாட் மின் உற்பத்தி பாதிப்பு ஏற்பட்ட நிலையில்,இன்று 1வது நிலை 1வது அலகில் கொதிகலன் பழுது சரிசெய்யப்பட்டு 210 மெ.வாட் மின்உற்பத்தி தொடங்கியது.
Featured News
Sorry, no posts matched your criteria.