India's largestHyperlocal short
news App
Get daily news updates that are tailored for you based on your preferred language & location.
download Way2News app now
Thenilgiris
News November 10, 2024
அமரன் சினிமா ராணுவ வீரருக்கு இலவசம்
ராணுவ வீரரின் உண்மை கதையை மையமாக வைத்து எடுக்கப்பட்ட அமரன் திரைப்படம் ஊட்டியில் திரையிடப்பட்டுள்ளது. இந்த படத்தை நாளை மதியம் 2 மணிக்கு காண வரும் ராணுவ வீரர்கள், அவர்களது குடும்பத்தினருக்கு, ‘நீலமலை முன்னாள் ராணுவ வீரர்கள் நல சங்கம்’ சார்பில் இலவச ஏற்பாடு செய்யப்பட்டுள்ளது. தொடர்புக்கு: 9566958093 – 9486175398 – 9159493322
News November 10, 2024
வயநாடு: உயிரிழந்தவர்களின் குடும்பங்களுக்கு நிதி
வயநாடு நிலச்சரிவில் தமிழகத்தைச் சேர்ந்த நான்கு பேர் உயிரிழந்தனர். அவர்களது குடும்பங்களுக்கு பந்தலூர் மேம்பாட்டு குழு சார்பில் ஏற்கனவே மூன்று குடும்பங்களுக்கு தலா ரூ. 20 ஆயிரம் வழங்கப்பட்டது . தற்போது சேரம்பாடியில் கணவனை இழந்த செல்மாவுக்கு ரூ.20 ஆயிரம் நிதி உதவி இன்று வழங்கப்பட்டது. பந்தலூர் மேம்பாட்டு குழு உறுப்பினர்கள் தீபக் ராம், அனுப், சனுஜா, மகேந்திரன், ஜனனி ஆகியோர் வழங்கினார்கள்.
News November 9, 2024
நீலகிரி: இன்றைய தலைப்பு செய்திகள்
➤பெரியார் நகர் பகுதியில் கருஞ்சிறுத்தை நடமாட்டம் ➤ஊட்டியில் சட்ட ஒழுங்கு ஆய்வுக் கூட்டம் ➤வனத்துறை சார்பில் குறைதீர் கூட்டம் ➤மலை ரயில் மீண்டும் இயக்கம் ➤பேசும் படம்: தாயைப் பிரிந்த ஏக்கம் ➤முதல்வர் மருந்தகம் விண்ணப்பிக்க கடைசி நாள்.
News November 9, 2024
ஊட்டியில் சட்டம் ஒழுங்கு ஆய்வுக் கூட்டம்
நீலகிரி மாவட்ட ஆட்சியரின் கூடுதல் அலுவலகத்தில் சட்டம் ஒழுங்கு மற்றும் சாலை பாதுகாப்பு குறித்த ஆய்வுக் கூட்டம் இன்றுநடைபெற்றது. இக்கூட்டத்திற்கு நீலகிரி மாவட்ட ஆட்சித் தலைவர் லட்சுமி பவ்யா தண்ணீரு தலைமை தாங்கினார். மாவட்ட காவல் துறை கண்காணிப்பாளர் என்.எஸ்.நிஷா மற்றும் துறை அதிகாரிகள் பங்கேற்றனர்.
News November 9, 2024
நீலகிரி: வனத்துறை சார்பில் குறைதீர் கூட்டம்
கூடலூர் வன அலுவலர் அலுவலகத்தில் நேற்று மக்கள் குறைதீர் கூட்டம் நடந்தது. மாவட்ட வன அலுவலர் வெங்கடேஷ் பிரபு தலைமை தாங்கினார். இதில் தேயிலை விவசாய சங்கங்களின் கூட்டமைப்பு தலைவர் சளிவயல் ஷாஜி, செயலர் ஆனந்த ராஜா உள்ளிட்ட நிர்வாகிகள் பங்கேற்று தேயிலை மற்றும் விவசாயிகளின் பிரச்சனைகளை பற்றி எடுத்துக் கூறினார்கள்.
News November 9, 2024
மீண்டும் மலை ரயில் இயக்கம்
மேட்டுப்பாளையத்தில் இருந்து தினமும், காலை,7:10 மணிக்கு ஊட்டிக்கு மலை ரயில் இயக்கப்படுகிறது. குன்னூர் மலைப் பகுதிகளில் கடந்த ஒரு வாரமாக கனமழை பெய்தது. இதனால் கல்லாறுக்கும் குன்னூருக்கும் இடையே உள்ள, மலைப்பகுதி ரயில் பாதையில், பல இடங்களில் மண் மற்றும் பாறைகள் சரிந்து மலை ரயில் இயக்கப்படவில்லை. மேட்டுப்பாளையம்-குன்னூர் ரயில் பாதை சீர் செய்யப்பட்டதை அடுத்து, மீண்டும் மலை ரயில் ஓடத் துவங்கியது.
News November 9, 2024
பேசும் படம்: நீலகிரியில் தாயை பிரிந்த ஏக்கம்
பந்தலூர் வயநாடு மானந்தவாடி அருகே தோல்பட்டி வனப்பகுதியில், நேற்று மாலை யானை குட்டி ஒன்று சாலையில் உலா வந்தது. பஸ் உள்ளிட்ட வாகனங்களின் பின்னால் ஓடிச் சென்றது. வாகன ஓட்டுநர்கள் யானை குட்டிக்கு எந்த பாதிப்பும் ஏற்படாத வகையில் வாகனங்களை மெதுவாக இயக்கினர். தகவலறிந்த வனத்துறையினர், சம்பவ இடத்திற்கு வந்து குட்டி யானையை மீட்டு வனப்பகுதிக்கு கொண்டு சென்றனர். தாயுடன் சேர்த்திட முயற்சி நடைபெற்றுவருகிறது.
News November 9, 2024
தலைமைத் தேர்தல் அதிகாரி ஆனார் நீலகிரி Ex கலெக்டர்
நீலகிரி மாவட்டத்தின் முன்னாள் மாவட்ட ஆட்சியர் அர்ச்சனா பட்நாயக் தமிழ்நாட்டின் புதிய தலைமை தேர்தல் அதிகாரியாக அறிவிக்கப்பட்டுள்ளார். 15.03.2010 அன்று நீலகிரி மாவட்டத்தின் ஆட்சியராக பொறுப்பேற்ற அர்ச்சனா பட்நாயக் 10.10.2013 வரை ஆட்சியராக பணியாற்றினார். எனவே மக்களிடையே நல்ல வரவேற்பு கிடைத்துள்ளது.
News November 9, 2024
முதல்வர் மருந்தகம் விண்ணப்பிக்க கடைசிநாள்!
நீலகிரி மாவட்டத்தில் முதல்வர் மருந்தகம் அமைக்க விண்ணப்பங்கள் வரவேற்கப்படுகின்றன. இதுகுறித்து நீலகிரி ஆட்சியர் லட்சுமி பவ்யா தண்ணீரு வெளியிட்ட செய்தியில், பி.பார்ம் /டி.பார்ம் சான்று பெற்றவர்கள் & அவர்களின் ஒப்புதலுடன் இணையதளத்தில் www.mudhalvarmarundhagam.tn.gov.in நவ.20ஆம் தேதிக்குள் விண்ணப்பிக்கலாம். இதற்கு 110 சதுர அடி இடம், சொந்த வீடு, சொத்துவரி, குடிநீர், மின் இணைப்பு ரசீது வேண்டும்.
News November 8, 2024
ஊட்டிக்கு செல்ல இ-பாஸ் பெற்றவர்களுக்கு மட்டுமே அனுமதி
நீலகிரி மாவட்டம் ஊட்டிக்கு செல்ல இ-பாஸ் பெற்ற வாகனங்களுக்கு மட்டுமே அனுமதி வழங்க வேண்டும் என ஆட்சியருக்கு ஐகோர்ட் உத்தரவிட்டுள்ளது. இ-பாஸ் நடைமுறை சுற்றுலாப் பயணிகளை கட்டுப்படுத்துவதற்கு அல்ல என தெரிவித்துள்ளது. மேலும் சுற்றுலாப் பயணிகள் குறித்த உண்மையான புள்ளி விவரங்களை சேகரிக்கவும் ஐகோர்ட் அறிவுறுத்தியுள்ளது.
Featured News
Sorry, no posts matched your criteria.