India's largestHyperlocal short
news App
Get daily news updates that are tailored for you based on your preferred language & location.
download Way2News app now
Thenilgiris
News October 22, 2024
பர்லியார் முள் சீத்தாப்பழ சீசன் ஆரம்பம்
நீலகிரி மாவட்டம் குன்னூர் பர்லியார் பகுதியில் மருத்துவ குணம் மிக்க முள் சீத்தாப்பழத்தை அதிக அளவில் விளைவிக்கப்படுகின்றன. இந்த பழங்கள் புற்றுநோய்களுக்கு குணப்படுத்தும் மருத்துவ குணம் உள்ளதாக கூறப்படுகிறது. இதன் காரணமாக நீலகிரி மாவட்டத்திற்கு வருகை தரும் சுற்றுலாப் பயணிகள் இந்த பழங்களை ஆர்வமுடன் வாங்கிச் செல்கிறார்கள்.
News October 22, 2024
நீலகிரியில் ஆறுகளில் வெள்ளப்பெருக்கு
நீலகிரி மாவட்டத்தில் கடந்த ஒரு வார காலமாக தொடர்ந்து கனமழை பெய்து வருகிறது. இதன் காரணமாக மாவட்டத்தில் உள்ள அணைகளின் நீர்மட்டம் வெகுவாக உயர்ந்து வருகிறது. மேலும் மழை நீர் சாலைகளில் வெள்ளம் போல் ஓடுகிறது. மேலும் குன்னூர் பகுதியில் உள்ள சிற்றாறுகளில் மழைநீர் வெள்ளம் போல் ஓடுகிறது. ஆற்றங்கரையிலுள்ள பொதுமக்கள் கவனமுடன் இருக்க அரசு துறையினர் அறிவுரை வழங்கி வருகின்றனர்.
News October 22, 2024
நீலகிரி: 4 தங்க பதக்கம் வென்ற தேயிலை தோட்ட தொழிலாளி
குன்னூர் அரசு தேயிலை தோட்டத்தில் வேலை பார்த்து வரும் தொழிலாளி உதயகுமார் அகில இந்திய அளவில் வனத்துறையின் சார்பில் நடைபெற்ற அத்லெட்டிக் போட்டியில் கலந்து கொண்டார். சத்திஸ்கர் மாநிலத்தில் கடந்த 16ஆம் தேதி முதல் 20ஆம் தேதி வரை நடைபெற்ற போட்டியில் 25 கிமீ மற்றும் 5 கிமீ மாரத்தான் போட்டிகளில் முதல்பரிசு 2 தங்க பதக்கமும், 10,000 கிமீ மற்றும் 800 கிமீ நடை ஒட்டத்தில் 2 தங்க பதக்கமும் பெற்றுள்ளார்.
News October 22, 2024
காரை சேதப்படுத்திய காட்டு யானை
சேரங்கோடு ஊராட்சிக்குட்பட்ட ஏலம்மன்ன பகுதியில் இயங்கி வரும் தனியார் அறக்கட்டளையில் பணியாற்றி வரும் சரண்யா தேவி என்பவர் தனது மாமனார் ரங்கநாதனுடன் பயணித்த காரை பந்தலூர் கொளப்பள்ளி சாலை இலியாஸ் கடை அருகே காரை வழிமறித்த யானை காரை சேதப்படுத்தியது. காருக்குள் இருந்த இருவருக்கும் அதிர்ஷ்டவசமாக எந்தவித பாதிப்பும் இல்லை இந்த விபத்து குறித்து சேரம்பாடி வரச்சரகர் அய்யனார் விசாரணை நடத்தி வருகின்றனர்.
News October 21, 2024
நீலகிரி: இலவச மகளிர் உதவி எண் 181
நீலகிரி மாவட்டத்தில் மகளிர் பாதுகாப்பு மற்றும் மேம்பாட்டுக்கு தமிழக அரசு பல்வேறு நல திட்டங்களை செயல் படுத்தி வருகிறது. இந்த வகையில் தற்போது சமூக நலன் மற்றும் மகளிர் உரிமை துறை வாயிலாக ‘மகளிர் உதவி எண்’ அறிவிக்க பட்டு உள்ளது. அதாவது 181 என்ற கட்டணம் இல்லா தொலை பேசி எண்ணை 24 மணி நேரமும் பயன் படுத்தி பயன் பெறலாம் என மாவட்ட நிர்வாகம் அறிவித்து உள்ளது.
News October 21, 2024
உதகையில் மக்கள் குறைதீர்க்கும் நாள் கூட்டம்
நீலகிரி மாவட்ட ஆட்சியர் அலுவலகத்தில், இன்று நடைபெற்ற மக்கள் குறைதீர்க்கும் நாள் கூட்டத்தில், தாட்கோ துறை மூலம் நன்னிலம் மகளிர் நில உடைமை திட்டத்தின்கீழ் நிலம் வாங்குவதற்காக 01 பயனாளிக்கு ரூ.5 இலட்சத்திற்கான காசோலையினை மாவட்ட ஆட்சியர் லட்சுமி பவ்யா தண்ணீரு வழங்கினார். உடன் மாவட்ட வருவாய் அலுவலர் நாராயணன் உட்பட பலர் உள்ளனர்.
News October 21, 2024
சாலையில் கவிழ்ந்து கார் விபத்து
கோத்தகிரி மேட்டுப்பாளையம் பிரதான சாலையில் பொள்ளாச்சி பதிவு கொண்ட சுற்றுலா சொகுசு காரானது நேற்று மாலை கோத்தகிரியில் இருந்து மேட்டுப்பாளையம் நோக்கி செல்லும் பொழுது மாமரம் என்ற பகுதியில் நிலைத்தடுமாறி ஓட்டுநரின் கட்டுப்பாட்டை இழந்து சாலையில் கவிழ்ந்தது. இதில் வந்த சுற்றுலா வினருக்கு எந்தவித அசம்பாவிதம்ஏற்படவில்லை. சிறுகாயங்களுடன்வெளியே வந்தனர். பின்னர் வேறு ஒரு வாகனத்தை பிடித்து அவர்கள் சென்றனர்.
News October 21, 2024
நீலகிரி மாவட்டத்திற்கு கனமழை அறிவிப்பு
நீலகிரி மாவட்டத்தில் கடந்த 2 நாள்களாக மழை பெய்து வருகிறது. இதனால், அப்பகுதியில் உள்ள சாலைகளில் மழை நீர் தேங்கி நிற்கிறது. இந்நிலையில் இன்றும், நாளையும் கனமழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. அதேபோல், சாலைகளில் மழைநீர் தேங்க வாய்ப்புள்ளதால் வாகன ஓட்டிகள் கவனமாக இருக்குமாறு தெரிவிக்கப்பட்டுள்ளது. உங்க பகுதியில் மழை பெய்கிறதா என்பதை கமெண்டில் சொல்லுங்க..
News October 20, 2024
தேயிலை அரைக்கும் எந்திரத்தில் சிக்கி உயிரிழப்பு
நீலகிரி: கோத்தகிரி அரவேனு பகுதியில் உள்ள தனியார் தேயிலை தொழிற்சாலையில் திருச்சி மாவட்டத்தைச் சேர்ந்த தொழிலாளி சிவக்குமார் என்பவர் பணி புரிந்து வந்தார். இவர் நேற்று இரவு பணியை முடித்து விட்டு மெஷினை சுத்தம் செய்யும் போது, பெல்ட்டில் எதிர்பாராமல் சிக்கி பலத்த காயமடைந்து, சம்பவ இடத்திலேயே உயிரிழந்தார். இந்த சம்பவம் குறித்து போலீசார் விசாரணை மேற்கொண்டு வருகின்றனர்.
News October 20, 2024
ஆணழகன் போட்டியில் அசத்திய சிறுவன்
நீலகிரி: கோத்தகிரியில் சிவகாமி எஸ்டேட் மற்றும் FYZ Gym சார்பில் ஆணழகன் போட்டி நடைபெற்றது. இதில் திருப்பூர், கோவை, நீலகிரி உட்பட்ட பல்வேறு பகுதிகளில் இருந்து ஏராளமானோர் பங்கேற்றனர். அப்போது சிறப்பு விருந்தினராக பங்கேற்ற யூகேஜி பயிலும் ஆஷிக் என்ற சிறுவன் தனது உடற்கட்டை காண்பித்து அனைவரையும் ஆச்சரியத்தில் ஆழ்த்தினார். மேலும், சிறுவனைப் பாராட்டி அவருக்கு ரூ.10,000 மதிப்புள்ள சைக்கிளை பரிசாக வழங்கினர்.
Featured News
Sorry, no posts matched your criteria.