India's largestHyperlocal short
news App
Get daily news updates that are tailored for you based on your preferred language & location.
download Way2News app now
Theni
News December 9, 2024
நலவாரியத்தில் உறுப்பினர் சேர்க்கை
சீர்மரபினர் நலவாரியத்தில் உறுப்பினர் சேர்க்கை நடைபெறவுள்ளது. இதற்காக டிச.13ல் போடி பாலார்பட்டி பென்னிகுவிக் கலையரங்கம், டிச.20ல் பெரியகுளம் எண்டபுளி புதுப்பட்டி சமுதாயகூடம், டிச.27ல் ஆண்டிபட்டி தாலுகா மயிலாடும்பாறை வட்டார வளர்ச்சி அலுவலகத்தில் சிறப்பு முகாம்கள் நடக்கின்றன.நலவாரியத்தில் சீரமரபினர் இனத்தை சேர்ந்த 18 முதல் 60 வயதிற்கு உட்பட்டவர்கள் உறுப்பினராக சேர விண்ணப்பிக்கலாம்.
News December 8, 2024
போடி – சென்னை ரயிலில் கூடுதலாக பெட்டி இணைப்பு
போடியில் இருந்து சென்னைக்கு வாரத்தில் 3 நாட்கள் அதிவிரைவு ரயில் இயக்கப்படுகிறது. இதில் பல்வேறு ரயில் பயணிகள், சங்கங்கள் கூடுதலாக ஒரு முன்பதிவில்லாத பெட்டி இணைக்க கோரிக்கைகள் வைத்தன. இந்நிலையில் நேற்று (டிச.7) சென்னையில் இருந்து போடி வந்த அதிவிரைவு ரயிலில் திரி டயர் ஏ.சி.பெட்டி 1 குறைக்கப்பட்டு, அதற்கு பதிலாக முன்பதிவில்லாத பெட்டி 1 கூடுதலாக இணைக்கப்பட்டுள்ளது.
News December 8, 2024
கொலை வழக்கில் தொடர்புடைய இருவர் சரண்
தேனி அருகே பழனிசெட்டிபட்டி பகுதியை சேர்ந்த தாமோதரன் என்பவரை அடித்து கொலை செய்த வழக்கில் பழனிசெட்டிபட்டி போலீசார் 2 சிறுவர்கள் உட்பட 7 பேரை கடந்த சில நாட்களுக்கு முன்பாக கைது செய்தனர். இவ்வழக்கில் தொடர்புடைய அருண்குமார், மாயக்கண்ணன் ஆகிய இருவரை போலீசார் தேடி வந்த நிலையில் அவர்கள் இருவரும் நேற்று (டிச.7) தேனி குற்றவியல் நடுவர் நீதிமன்றத்தில் சரணடைந்தனர்.
News December 8, 2024
திருவண்ணாமலைக்கு தேனியில் இருந்து சிறப்பு பஸ்கள்
கார்த்திகை தீப திருநாளை முன்னிட்டு திருவண்ணாமலை மலையில் உள்ள மகா தீபம் ஏற்படும். இதனையொட்டி தேனி புதிய பஸ் ஸ்டாண்டில் இருந்து திருவண்ணாமலைக்கு டிச.,12 மதியம் முதல் சிறப்பு பஸ்கள் இயக்கப்பட உள்ளன. இந்த பஸ்கள் திண்டுக்கல், திருச்சி, திருக்கோவிலுார் வழியாக திருவண்ணாமலை செல்லும். பக்தர்களின் வருகைக்கு ஏற்ப கூடுதல் பஸ்கள் தொடர்ந்து இயக்கப்படும் என போக்குவரத்துத்துறையினர் தகவல் தெரிவித்தனர்.
News December 8, 2024
இரவு நேர ரோந்து காவலர்கள் விவரம் வெளியீடு
தேனி மாவட்டத்தில் இன்று 07.12.2024 இரவு 10 மணி முதல் காலை 6 மணி வரை இரவு ரோந்து பணிக்கு நியமிக்கப்பட்ட அதிகாரிகள் மற்றும் அவர்களை தொடர்பு கொள்ள வேண்டிய உதவி எண்களை மாவட்ட காவல்துறையினர் வெளியிட்டுள்ளன. இதில் உதவு தேவையுள்ளவர்கள் அந்தந்த உட்கோட்ட காவல் அதிகாரிகளை தொடர்பு கொண்டு பயனடையலாம் எனவும் தெரிவித்துள்ளனர்.
News December 7, 2024
கொடி தின வாழ்த்து தெரிவித்த முன்னாள் எம்.பி
கொடி நாள் அனைத்து பகுதிகளிலும் இன்று நினைவு கூறபடுகிறது. நாட்டின் விடுதலையை பாதுகாத்து போரில் தன் இன்னுயிரை நீத்து அண்டை நாடுகளின் படையெடுப்பை முறியடிக்கும் முயற்சியில் உயிர் தியாகம் உடலுறுப்பு இழந்தும் உன்னத பணியாற்றிய முன்னாள் முப்படை தியாகிகளுக்கும் தற்போதைய வீரர்களுக்கும் கொடி தின வாழ்த்துக்களை தெரிவித்து கொள்கிறேன் என தேனி முன்னாள் எம்.பி ரவீந்திரநாத் தெரிவித்துள்ளார்.
News December 7, 2024
சீர் மரபினர் உறுப்பினர் சேர்க்கை முகாம் – ஆட்சியர்
தேனி மாவட்டத்தில் சீர் மரபினர் நல வாரியத்தின் கீழ் நலத்திட்ட உதவிகள் பெறுவதற்கான உறுப்பினர் சேர்க்கை, நலத்திட்ட உதவிகள் வழங்குவதற்கு விண்ணப்பங்கள் வருகின்ற டிச.13 அன்று போடிநாயக்கனூர் பாலார்பட்டியிலும், டிச.20 அன்று பெரியகுளம் எ.புதுப்பட்டியிலும், டிச.27 அன்று மயிலாடும்பாறை பிடிஓ அலுவலகத்திலும் நடைபெற உள்ளது. பொதுமக்கள் இம்முகாமில் கலந்து கொண்டு பயன்பெறுமாறு மாவட்ட ஆட்சியர் ஷஜீவனா தெரிவித்துள்ளார்
News December 7, 2024
கிணற்றில் விழுந்த நாயை மீட்ட தீயணைப்புத் துறையினர்
சின்னமனூர் அருகே உள்ள தனியார் மருத்துவமனையில் இருந்து கரிச்சிப்பட்டி செல்லும் சாலையில் கருப்பசாமி என்பவள் தோட்டத்தில் அவருடைய வளர்ப்பு நாய் 80 அடி கிணற்றில் விழுந்தது. இது குறித்து அவர் தீயணைப்பு துறைக்கு தகவல் தெரிவித்ததன் அடிப்படையில் தீயணைப்பு துறையினர் கிணற்றில் விழுந்த நாயை மீட்டு உரிமையாளரிடம் ஒப்படைத்தனர். தீயணைப்புத் துறையினருக்கு அப்பகுதி உள்ள பொதுமக்கள் பாராட்டு தெரிவித்தனர்.
News December 7, 2024
தேனியில் வெள்ளாடு வளர்ப்பு பயிற்சி
தேனியில் உள்ள உழவர் பயிற்சி மையத்தில் டிச.10 அன்று காலை 10 மணி முதல் மாலை 5 மணி வரை லாபகரமாக வெள்ளாடு வளர்ப்பு குறித்த சான்றிதழுடன் கூடிய ஒரு நாள் கட்டணப் பயிற்சி நடைபெறவுள்ளது. இதற்காக பயிற்சி கட்டணம் 500 நிர்னைக்கபட்டுள்ளது. பயிற்சியில் பங்கேற்க விரும்பும் சுயதொழில் முனைவோர், விவசாயிகள் 98650 16174 என்ற எண்ணில் முன்பதிவு செய்து பயன் பெறலாம் என பயிற்சி மைய தலைவர் தெரிவித்துள்ளார்.
News December 7, 2024
தேனி மாவட்ட இரவு நேர ரோந்து காவலர்கள் விவரம்
தேனி மாவட்டத்தில் இன்று (06.12.2024) இரவு 10 மணி முதல் காலை 6 மணி வரை இரவு ரோந்து பணிக்கு நியமிக்கப்பட்ட அதிகாரிகள் மற்றும் அவர்களை தொடர்பு கொள்ள வேண்டிய உதவி எண்களை மாவட்ட காவல்துறை நிர்வாகம் தெரிவித்துள்ளது. தேவையுள்ளவர்கள் அந்தந்த உட்கோட்ட காவல் அதிகாரிகளை தொடர்பு கொண்டு பயனடையலாம் எனவும் தெரிவித்துள்ளது.
Featured News
Sorry, no posts matched your criteria.