India's largestHyperlocal short
news App
Get daily news updates that are tailored for you based on your preferred language & location.
download Way2News app now
Theni
News March 30, 2025
தேனியில் பலத்த மழைக்கு வாய்ப்பு
தமிழ்நாட்டில் ஏப்ரல் 2, 3 ஆகிய தேதிகளில் கனமழைக்கு வாய்ப்புள்ளதாக சென்னை வானிலை ஆய்வு மையம் அறிவிப்பு வெளியிட்டுள்ளது. கோவை, தென்காசி, தேனி உட்பட 5 மாவட்டங்களில் ஏப்ரல் 2 ஆம் தேதி கனமழைக்கு வாய்ப்பு உள்ளது எனவும், ஏப்ரல் 3 ஆம் தேதி தேனி மாவட்டத்தில் மிதமான மழைக்கு வாய்ப்பு உள்ளது எனவும் தெரிவிக்கப்பட்டுள்ளது. போதுமான முன்னெச்சரிக்கை நடவடிக்கைகளை மேற்கொள்ள உங்கள் நண்பர்களுக்கு ஷேர் செய்யவும்.
News March 30, 2025
தேனியில் இலவச கருத்தரித்தல் ஆலோசனை முகாம்
உலக மகளிர் தினத்தை முன்னிட்டு தேனி- பெரியகுளம் செல்லும் சாலையில் அமைந்துள்ள கிருஷ்ணம்மாள் நினைவு மருத்துவமனை வளாகத்தில் உள்ள சுதா கருத்தரித்தல் மையத்தில் 31.03.2025 அன்று இலவச குழந்தையின்மைக்கான மருத்துவ பரிசோதனை மற்றும் சிறப்பு ஆலோசனை முகாம் நடைபெற உள்ளது. இந்த முகாமில் கலந்து கொள்ள விருப்பமுள்ளவர்கள் 7670076006 என்ற எண்ணில் தொடர்பு கொண்டு பயனடையலாம்.
News March 30, 2025
மருத்துவ விழிப்புணர்வு முகாம்-கலெக்டர் தகவல்
தேனி மாவட்டத்தில் புற்றுநோய்,பக்கவாதநோய்,தொழுநோய்,காசநோய்,கண்பார்வை போன்ற நோய்களால் பாதிக்கப்பட்ட முன்னாள் படைவீரர்கள் மற்றும் அவர்களை சார்ந்தோர்களுக்கு பெரியகுளத்தில் உள்ள அரசு மருத்துவமனையில் அடுத்த மாதம் ஏப்.9 மற்றும் 16ந் தேதிகளில் மருத்துவ விழிப்புணர்வு முகாம் நடைபெறும் என மாவட்ட ஆட்சித் தலைவர் ரஞ்சீத்சிங் தெரிவித்தார்.
News March 30, 2025
பெண் டாக்டர் வீட்டில் நகை திருட்டு
பெரியகுளம் தென்கரை தண்டுப்பாளையம் மெயின்ரோட்டைச் சேர்ந்த முகமது ஜாபர் சாதிக் மனைவி ஆசியா 65.
இவர் பெரியகுளம் மாவட்ட அரசு மருத்துவமனையில் முன்னாள் நிலைய மருத்துவ அலுவலராக பணிபுரிந்தவர். இவர்களது மகளை கொடைக்கானலில் விட்டு வீடு திரும்பினர். வீட்டின் அலமாரி பூட்டு உடைக்கப்பட்டு அதிலிருந்த ரூ.80 ஆயிரம் மதிப்புள்ள 10 கிராம் ஒரு ஜோடி தங்கத்தோடு, ரூ.2 ஆயிரம் திருடு போனது. போலீசார் விசாரணை செய்கின்றனர்.
News March 29, 2025
தேனி: நகை ஆபரணங்கள் நீங்களும் செய்யலாம்
தேனி கனரா வங்கி ஊரக சுய வேலை வாய்ப்பு பயிற்சி மையத்தில் செயற்கை நகை ஆபரணங்கள் தயாரித்தல் பயிற்சி ஏப்ரல்7 தொடங்கி 13 நாட்கள் நடைபெறவுள்ளது. பயிற்சியில் சேர விரும்புவோர் தங்களது புகைப்படம், ஆதார் அட்டை நகலுடன் ஏப்ரல்7க்கு முன் நேரில் முன்பதிவு செய்து பயன் பெறலாம். மேலும் விவரங்களுக்கு 9500314193 என்ற எண்ணில் தொடர் கொள்ளலாம் என பயிற்சி மையத்தின் இயக்குநர் தெரிவித்துள்ளார்.
News March 29, 2025
தேனியில் குற்றவாளி மீது துப்பாக்கிச்சூடு
மதுரை மாவட்டம் உசிலம்பட்டியில் கடந்த சில நாட்களுக்கு முன் கள்ளபட்டியைச் சேர்ந்த முத்துக்குமார் என்ற போலீசார் ஒருவரை கல்லால் தாக்கி கொலை செய்யப்பட்டார். இவ்வழக்கில் தேடப்பட்டு வந்த குற்றவாளி தேனி மாவட்டம் கம்பம் வனப்பகுதியில் பதுங்கி இருந்த பொன்வண்ணன் மீது போலீசார் துப்பாக்கிச்சூடு நடத்தியதாக தகவல் வெளியாகியுள்ளது.
News March 29, 2025
போடியில் 2000 ஆண்டுகள் பழமையான சிவன் கோவில்
தேனி மாவட்டத்தில் பிரசித்தி பெற்ற சிவன் கோயிலான போடி கைலாய கீழ சொக்கநாதர் கோயிலில் பங்குனி அமாவாசையை முன்னிட்டு சிறப்பு பூஜைகள் நடைபெறுகின்றன. மாதந்தோறும் வரும் அம்மாவாசை பௌர்ணமிகளில் இக்கோயிலில் சிவனுக்கு சிறப்பு அபிஷேக அலங்காரங்கள் நடைபெறும் அதனைத் தொடர்ந்து பக்தர்களுக்கு அன்னதானமும் வழங்கப்படும். இக்கோயில் 2000 ஆண்டுகள் தொன்மையானது. ஐந்து தலை நாகம் ஒன்று கோயிலை பாதுகாத்து வருவதாகவும் ஐதீகம்.
News March 29, 2025
வெளிநாட்டில் வேலை வாங்கித் தருவதாக கூறி மோசடி
தேனி பழனிசெட்டிபட்டி ஆசிரியர் காலனி ஆனந்தரூபன் 32. டிப்ளமோ இன்ஜினியர். இவர் எஸ்.பி.,சிவபிரசாத்திடம்அளித்த புகாரில், ‘தேனியில் வெளிநாட்டிற்கு வேலைக்கு அனுப்பும் நிறுவன மேலாளர் குமார். இவர் வெளிநாட்டில் வேலை வாங்கித் தருவதாக என்னிடம் ரூ.8.20 லட்சம் வாங்கினார். ஓராண்டு ஆன பின்பும் அனுப்பவில்லை.கொடுத்த பணத்தை திருப்பித்தராமல் ஏமாற்றினார் இது போல் நால்வரிடம் ரூ.22.85 லட்சம் மோசடி செய்துள்ளார்.
News March 29, 2025
தேனி: இரவு நேர ரோந்து காவலர்கள் விவரம்
தேனி மாவட்டத்தில் இன்று 28.03.2025 இரவு 10 மணி முதல் காலை 6 மணி வரை இரவு ரோந்து பணிக்கு நியமிக்கப்பட்ட அதிகாரிகள் மற்றும் அவர்களை தொடர்பு கொள்ள வேண்டிய உதவி எண்களை மாவட்ட காவல்துறை நிர்வாகம் தெரிவித்துள்ளது. தேவையுள்ளவர்கள் அந்தந்த உட்கோட்ட காவல் அதிகாரிகளை தொடர்பு கொண்டு பயனடையலாம் எனவும் தெரிவித்துள்ளது.
News March 28, 2025
தேனி: குழந்தைகள் பாதுகாப்பு அலுவலகத்தில் வேலை அறிவிப்பு
தேனி குழந்தைகள் பாதுகாப்பு அலுவலகத்தில் Social Worker பணியிடங்களுக்கு விண்ணப்பங்கள் வரவேற்கப்படுகின்றன. இந்தப் பணியிடங்களுக்கு விண்ணப்பதாரர்கள் தபால் மூலம் விண்ணப்பிக்க வேண்டும். வேலை செய்யும் இடம் தேனி. விண்ணப்பிக்க கடைசி நாள் 10-04-2025. தகுதியான நபர்களுக்கு Rs.18,536 வரை சம்பளம் கிடைக்கும். விண்ணப்பிக்க இங்கே <
Featured News
Sorry, no posts matched your criteria.