India's largestHyperlocal short
news App
Get daily news updates that are tailored for you based on your preferred language & location.
download Way2News app now
Thanjavur
News November 9, 2024
தஞ்சாவூர் பெரிய கோவில் வளாகத்தில் 700 பேர் நடனம்
ராஜராஜ சோழனின் 1039 வது சதய விழாவை முன்னிட்டு தஞ்சாவூர் பெரிய கோவில் வளாகத்தில் உள்ள நந்தி மண்டபத்தில் சோழன் விஜயன் நாட்டிய கலைஞர்கள், பாரம்பரிய இசை கருவிகளோடு 700 மேற்பட்ட நாட்டிய கலைஞர்கள் ஒரே நேரத்தில் நடனம் ஆடினார்கள். இந்தக் கலை நிகழ்ச்சியில் 1000க்கும் மேற்பட்ட பக்தர்கள் மற்றும் பொதுமக்கள் திரளாக நாட்டிய நிகழ்ச்சியை கண்டு களித்தனர்.
News November 9, 2024
தஞ்சையில் நாட்டுக்கோழி வளா்ப்பு குறித்து இலவச பயிற்சி
தஞ்சாவூா் – திருச்சி தேசிய நெடுஞ்சாலையிலுள்ள தஞ்சை வட்டாரப் போக்குவரத்து அலுவலகம் அருகில் இயங்கி வரும் கால்நடை மருத்துவப் பல்கலைக்கழகப் பயிற்சி மற்றும் ஆராய்ச்சி மையத்தில் நாட்டுக்கோழி வளா்ப்பு குறித்து 26 ஆம் தேதி காலை 10 மணி முதல் பிற்பகல் 2 மணி வரை இலவச பயிற்சி நடைபெற உள்ளது என அம்மையத்தின் தலைவர் ஜெகதீசன் தெரிவித்துள்ளனர். SHARE NOW!
News November 9, 2024
திருவோணம்: திருமண நாளில் மின்சாரம் தாக்கி பெண் பலி
ஊரணிபுரம் பட்டுவிடுதி கிராமத்தைச் சேர்ந்தவர் லட்சுமணன் – தங்கமணி தம்பதியினர். இவர்களுக்கு திருமண நாளான நேற்று கோவிலுக்கு சென்று சாமி தரிசனம் செய்து விட்டு பிறகு வீட்டுக்கு வந்துள்ளனர். பின்னர் அப்பகுதியில் மழை பெய்துள்ளது. இதனால் துணிகளை வீட்டில் இருந்த இரும்பு கம்பியில் காயப்போட்டுள்ளார். அப்போது இரும்பு கம்பியில் மின்சாரம் பாய்ந்ததில் மின்சாரம் தாக்கிக் சம்பவ இடத்திலேயே தங்கமணி உயிரிழந்தார்.
News November 9, 2024
தஞ்சையில் கறவை மாட்டு பண்ணை அமைக்க இலவச பயிற்சி
தஞ்சாவூர் – திருச்சி தேசிய நெடுஞ்சாலையிலுள்ள வட்டாரப் போக்குவரத்து அலுவலகம் அருகில் இயங்கி வரும் கால்நடை மருத்துவப் பல்கலைக்கழகப் பயிற்சி மற்றும் ஆராய்ச்சி மையத்தில் கறவை மாட்டு பண்ணை அமைக்க வரும் நவம்பர் 12 ஆம் தேதி இலவச பயிற்சிகள் நடைபெற உள்ளது என இம்மையத்தின் தலைவர் ஜெகதீசன் தெரிவித்துள்ளார்.
News November 9, 2024
தஞ்சையில் 136 கிலோ கஞ்சா பறிமுதல்: 4 பேர் கைது
தஞ்சாவூர் பள்ளியக்ரஹாரம் கூடலூர் சாலை வெண்ணாறு வடகரை சாலையில் கஞ்சா விற்கப்படுவதாக காவல் துறையினருக்கு தகவல் கிடைத்தது. அதன்படி, சோதனை செய்த போலீசார் 2 கார்களில், 85 பொட்டலங்களில் இருந்த 136 கிலோ கஞ்சாவை கைப்பற்றினர். இதனை கடத்திய ரவிச்சந்திரன் (44), சுப்பிரமணி (46), டேவிட் பெர்னாண்டோ (30), அய்யப்பன் (29) ஆகியோரை கைது செய்தனர். இதன் மொத மதிப்பு ரூ.25 லட்சம் ஆகும் எனத் தெரிவிக்கப்பட்டுள்ளது.
News November 8, 2024
தஞ்சை: பொது விநியோக திட்ட குறைதீர்ப்பு கூட்டம் அறிவிப்பு
தஞ்சை மாவட்டத்தில் உள்ள 10 வட்டங்களில் நாளை (நவ.9) சனிக்கிழமை காலை 10 மணி முதல் மதியம் 1 மணி வரை பொது விநியோகத் திட்டத்தில் குறைபாடுகள் இருப்பின் அதனை நிவர்த்தி செய்ய பொதுமக்கள் குறைதீர்க்கும் கூட்டம் நடைபெற உள்ளது. இதில் பொதுமக்கள் தங்களது குறைகளை வட்ட வழங்கல் அலுவலகத்தில் மனுக்களாக அளித்து பயன்பெறுமாறு தஞ்சை மாவட்ட ஆட்சியர் பிரியங்கா பங்கஜம் தெரிவித்துள்ளார்.
News November 8, 2024
மாமன்னன் ராசராச சோழன் சிலை மாவட்ட ஆட்சியர் ஆய்வு
ராசராச சோழன் 1039 ஆம் ஆண்டு சதய விழா நாளை 9ஆம் தேதி மற்றும் பத்தாம் தேதி இரண்டு நாட்கள் அரசு விழாவாக கொண்டாடப்படுகிறது. 10ந் தேதி அரசு சார்பில் மாவட்ட ஆட்சியர் மாலை அணிவித்து மரியாதை செலுத்த உள்ளார். இதனைத் தொடர்ந்து நாளை நிகழ்ச்சிகள் நடைபெற உள்ளதால் மாவட்ட ஆட்சியர் சோழன் சிலை பூங்காவிற்கு சென்று ஆய்வு மேற்கொண்டார். இதில் அறநிலைத்துறை உடன் இருந்தனர்.
News November 8, 2024
தஞ்சை: 3 பேருக்கு 3 ஆண்டு சிறை தண்டனை
கும்பகோணத்தில் கடந்த 2023 ஆம் ஆண்டு குமார் என்பவரை தாக்கி செல்போன், பணம் ஆகியவற்றை வழிப்பறி செய்த வழக்கில் விஜய், பாட்ஷா, பார்த்தசாரதி ஆகிய மூன்று பேரை காவல்துறையினர் கைது செய்தனர். இந்த வழக்கு விசாரணை கும்பகோணம் குற்றவியல் நீதித்துறை நடுவர் நீதிமன்றத்தில் நடைபெற்றது. வழக்கை விசாரித்த நீதிபதி மூன்று பேருக்கும் மூன்று வருட சிறைத்தண்டனை, 10,000 அபராதம் விதித்து தீர்ப்பளித்தார்.
News November 7, 2024
நலத்திட்ட உதவிகளை வழங்கிய துணைமுதல்வர்
தஞ்சாவூர் அண்ணா நூற்றாண்டு அரங்கில் புதிய திட்டப் பணிகளுக்கான அடிக்கல் நாட்டியும், பல நலத்திட்ட உதவிகளையும் தமிழ்நாடு துணை முதலமைச்சரும், திமுக இளைஞர் அணி செயலாளருமான உதயநிதி ஸ்டாலின் இன்று வழங்கினார். இந்நிகழ்வில் அமைச்சர்கள் கோவி.செழியன், TRB ராஜா, சட்டமன்ற உறுப்பினர்கள் அசோக்குமார், சந்திரசேகரன், நீலமேகம், ஜவாஹிருல்லா உட்பட திமுக கழக நிர்வாகிகள் பலர் கலந்து கொண்டனர்.
News November 7, 2024
விபத்தில் சிக்கி தஞ்சை எம்.பி, பேராவூரணி எம்.எல்.ஏ காயம்
தமிழக துணை முதலமைச்சர் உதயநிதி ஸ்டாலின் திருவையாறு பகுதியில் நடைபெற்ற நிகழ்ச்சிக்கு சென்ற போது, பின்னால் தஞ்சாவூர் எம்பி முரசொலி, பேராவூரணி எம்எல்ஏ அசோக்குமார் இருவரும் ஒன்றாக சென்ற காரும் – பின்னால் வந்த மற்றொரு காரும் மோதி விபத்துக்குள்ளானது. இந்த விபத்தில் தஞ்சாவூர் எம்பி முரசொலி, பேராவூரணி எம்எல்ஏ அசோக்குமார் இருவரும் காயமடைந்தனர்.
Featured News
Sorry, no posts matched your criteria.