• Download our app

Tenkasi

News October 7, 2024

தென்காசி மாவட்டத்திற்கு ஆரஞ்சு எச்சரிக்கை

image

நெல்லை, தென்காசி, கன்னியாகுமரி மாவட்டங்களில் இன்று(அக்.,7) கனமழைக்கான ஆரஞ்சு அலெர்ட் விடுக்கப்பட்டுள்ளது. இதனால் சில இடங்களில் மழை நீர் தேங்கவும், போக்குவரத்து பாதிக்கப்படவும் வாய்த்துள்ளது. வடகிழக்கு பருவமழை தொடங்கவுள்ள நிலையில் அவ்வப்போது மழை பெய்து வருவது குறிப்பிடத்தக்கது. இதனால் வெளியில் செல்வோர் முன்னெசரிக்கையாக குடையுடன் செல்வது நல்லது.

News October 7, 2024

ஆளுநரை வரவேற்ற தென்காசி SP

image

தமிழக ஆளுநர் ஆர்.என்.ரவி தென் மாவட்டங்களில் 2 நாள் சுற்றுப்பயணம் மேற்கொள்ள திட்டமிட்டார். அந்த வகையில் நேற்று(அக்.,6) தென்காசி மாவட்டத்திற்கு வாய்ஸ் ஆப் பவுண்டேஷன் சார்பில் நடைபெற்ற போதை விழிப்புணர்வு நிகழ்ச்சியில் கலந்து கொள்வதற்காக வருகை தந்த கவர்னரை, தென்காசி மாவட்ட காவல் கண்காணிப்பாளர் சீனிவாசன் மரியாதை நிமித்தமாக பூங்கொத்து கொடுத்து வரவேற்றார்.

News October 7, 2024

இலவச மருத்துவ முகாம் நடத்த வேண்டும்: MLA ராஜா

image

தென்காசி வடக்கு மாவட்ட திமுக செயலாளரும் சங்கரன்கோவில் சட்டமன்ற உறுப்பினருமான ராஜா நேற்று(அக்.,6) விடுத்துள்ள அறிக்கையில், தென்காசி வடக்கு மாவட்ட திமுக மருத்துவரணி சார்பில் கிராமங்கள்தோறும் இலவச மருத்துவ முகாம்கள் நடத்த வேண்டும். பொது மக்களிடம் உடல் தானம் செய்வது குறித்து விழிப்புணர்வு ஏற்படுத்த வேண்டும் என வலியுறுத்தியுள்ளார்.

News October 7, 2024

யாரிடம் புகார் தெரிவிக்கலாம் எஸ்பி அறிவிப்பு

image

தென்காசி மாவட்ட எஸ்பி அலுவலகம் இன்று(அக்.06) வெளியிட்டுள்ள செய்திக் குறிப்பில், “இன்று இரவு ரோந்து பணியில் ஈடுபடும் காவல் உயர் அதிகாரிகள் விபரங்களை தென்காசி எஸ்பி சீனிவாசன் வெளியிட்டுள்ளார். மாவட்ட பகுதிகளில் போலீசார் உதவி தேவைப்படும் பொதுமக்கள் தங்கள் பகுதியை சேர்ந்த அதிகாரிகளை தொடர்பு கொண்டு உரிய உதவிகளை பெற்றுக் கொள்ளலாம்” என தெரிவித்துள்ளார்.

News October 6, 2024

கவர்னரை வரவேற்ற தென்காசி மாவட்ட கலெக்டர்

image

தென்காசி மாவட்டத்தில் இன்று நடைபெற்ற போதை தடுப்பு விழிப்புணர்வு பேரணி மற்றும் பொதுக்கூட்டத்தில் கலந்து கொள்வதற்காக தமிழ்நாடு ஆளுநர் ஆர்.என்.ரவி தென்காசி மாவட்டத்திற்கு வருகை தந்தார். அவரை இன்று தென்காசி மாவட்ட ஆட்சித்தலைவர் ஏ.கே. கமல் கிஷோர் பூங்கொத்து வழங்கி வரவேற்றார். உடன் அரசு அதிகாரிகள் கலந்து கொண்டனர்.‌‌

News October 6, 2024

நீச்சல் குளத்தில் குளிக்கச்சென்ற சிறுமி பலி

image

புளியங்குடி அருகே உள்ள ரத்தபுரியை சேர்ந்தவர் ராஜேந்திரன், இவரது மகள் நான்காம் வகுப்பு படிக்கும் கன்சிகா(9). தனது பெற்றோர் மற்றும் உறவினருடன் அங்குள்ள நீச்சல் குளத்தில் குளித்து கொண்டிருந்தபோது எதிர்பாராத விதமாக நீரில் மூழ்கி உயிரிழந்தார். இதுகுறித்து புளியங்குடி காவல் துறையினர் வழக்கு பதிவு செய்து விசாரணை நடத்தி வருகின்றனர். இச்சம்பவம் அப்பகுதியில் பெரிய சோகத்தை ஏற்படுத்தியுள்ளது.

News October 6, 2024

தென்காசியில் மது ஒழிப்பு பேரணியை தொடங்கி வைக்கும் ஆளுநர்

image

தென்காசி மாவட்டம் சங்கரன்கோவிலில் வாய்ஸ் ஆப் தென்காசி பவுண்டேஷன் மற்றும் ரோட்டரி கிளப் ராஜபாளையம் இணைந்து நடத்தும் போதை ஒழிப்பு பேரணி இன்று (அக்.6) நடைபெறுகிறது. இந்த நிகழ்ச்சியை தமிழக ஆளுநர் ஆர்.என்.ரவி கலந்து கொண்டு கொடியசைத்து துவக்கி வைக்கிறார். இந்த பேரணியானது சங்கரன்கோவில் பழைய பேருந்து நிலையம் முதல் திருவேங்கடம் தாலுகா அலுவலகம் அருகில் அமைந்துள்ள மைதானம் வரை நடைபெற உள்ளது.

News October 6, 2024

நாட்டுக்கோழி வளர்க்க 50 சதவீதம் மானியம்

image

தென்காசி மாவட்ட ஆட்சியர் கமல் கிஷோர் இன்று(அக்.05) வெளியிட்டுள்ள அறிக்கையில் 2024 -25 ஆம் ஆண்டில் ஏழ்மை நிலையில் உள்ள கணவனை இழந்த கைவிடப்பட்ட மற்றும் ஆதரவற்ற பெண்களுக்கு நாட்டு இன கோழி குஞ்சுகள் வளர்ப்பதற்கு 50 சதவீதம் மானியத்தில் வழங்கும் திட்டம் தென்காசி மாவட்டத்தில் செயல்பட உள்ளது. விருப்பமுள்ளவர்கள் இதில் பயன்பெறுமாறு கேட்டுக்கொண்டார்.

News October 6, 2024

பேரிடர் குறித்து அறிய TN அலெர்ட் ஆப் செயலி

image

தமிழகத்தில் வடகிழக்கு பருவமழை அக்டோபர் 15 முதல் தொடங்கப்படும் என வானிலை மையம் அறிவித்துள்ளது. இதனை அடுத்து தென்காசி மாவட்டத்தில் தமிழ்நாடு மாநில பேரிடர் மேலாண்மை முகமையின் மூலம் இயற்கை இடர்பாடுகள் குறித்து பொதுமக்கள் அனைவரும் முன்கூட்டியே துல்லியமாக அதிகாரப்பூர்வமான தகவல்களை டிஎன் அலர்ட் ஆப் எனும் செயலி வசதி செயல்படுத்தப்பட்டுள்ளது என மாவட்ட ஆட்சியர் கமல் கிஷோர் நேற்று(அக்.05) தெரிவித்தார்.

News October 6, 2024

ஆளுநர் வருகையால் பலத்த போலீஸ் பாதுகாப்பு

image

தென்காசி மற்றும் சங்கரன்கோவில் ஆகிய பகுதிகளில் விழிப்புணர்வு நிகழ்ச்சிகளில் பங்கேற்பதற்காக நாளை தமிழக ஆளுநர் ஆர்.என். ரவி வருகை தருகிறார். தொடர்ந்து நிகழ்ச்சிகள் முடிந்த பின்னர் கடையம் அருகே உள்ள கோவிந்த பேரி ZOHO மென்பொருள் நிறுவன ஸ்ரீதர் வேம்பு பண்ணை வீட்டில் தங்குகிறார். இதனால் இன்று கடையம் பகுதியில் பலத்த போலீஸ் பாதுகாப்பு போடப்பட்டுள்ளது.

Featured News

Sorry, no posts matched your criteria.

↑