India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tenkasi
News May 12, 2024
புதிய மோசடி காவல்துறை எச்சரிக்கை அறிவிப்பு
தென்காசி மாவட்ட காவல்துறை இன்று வெளியிட்டுள்ள எச்சரிக்கை: மாணவ, மாணவியரின் பெற்றோருக்கு போன் செய்து அரசின் கல்வி உதவித்தொகை வழங்குவதாகவும் Gpay QR code scan செய்யுமாறு கூறினால் யாரும் நம்பி ஏமாற வேண்டாம். நீங்கள் QR code scan செய்வதன் மூலம் உங்கள் வங்கி கணக்கிலிருந்து பணம் திருடப்பட வாய்ப்புள்ளது. மக்கள் விழிப்புடன் இருக்க தென்காசி மாவட்ட காவல்துறையினர் பொதுமக்களுக்கு அறிவுறுத்தி உள்ளனர்.
News May 11, 2024
தென்காசி: திருவிழாவில் திருடும் கும்பல் கைது
ஆலடிப்பட்டி சுடலைமாடன் கோயில் திருவிழாவில் போலீசார் ரோந்து சென்றபோது, சந்தேகத்திற்கிடமாக நின்றிருந்த 2 பெண் உள்பட 4 பேரை பிடித்து விசாரித்தனர். உசிலம்பட்டி பகுதியை சேர்ந்த குரும்பன்(60). அவரது மனைவி முனியம்மாள்(50) பிச்சையா (59) மொக்கத்தாய் (55) ஆகியோர் என்பதும், திருவிழா சமயங்களில் கூட்ட நெரிசலைப் பயன்படுத்தி நூதன முறையில் திருடுவதும் தெரியவந்ததை தொடர்ந்து அவர்களை இன்று கைது செய்தனர்.
News May 11, 2024
தென்காசியில் நாளை மழைக்கு வாய்ப்பு
தென்காசி மாவட்டத்தில் நாளை (மே.12) மழைப் பொழிவுக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. அதன்படி, தென்காசி மாவட்டத்தில் தமிழக பகுதிகளின் மேல் நிலவும் வளிமண்டல கீழடுக்கு சுழற்சி காரணமாக கனமழை பதிவாகக்கூடும் எனத் தெரிவித்துள்ளது. கோடையில் தமிழகத்தில் சமீபகாலமாக ஆங்காங்கு மழைப்பொழிவு ஏற்பட்டு வருகிறது.
News May 11, 2024
தென்காசியில் கனமழை..!
தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி மின்னல் மற்றும் பலத்த காற்றுடன் (மணிக்கு 30 கிலோமீட்டர் முதல் 40 கிலோமீட்டர் வரை) லேசானது முதல் மிதமான மழை தென்காசி உட்பட 11 மாவட்டங்களில் இன்று கனமழை பெய்யும் என சென்னை வானிலை மையம் அறிவித்துள்ளது.
News May 10, 2024
சங்கரன்கோவில் எம்எல்ஏ பரபரப்பு பேட்டி
சங்கரன்கோவில் திமுக எம்எல்ஏ ராஜா இன்று (மே 10) மாலை திருநெல்வேலி மாவட்ட ஆட்சியரை சந்தித்து மனு அளித்தார். பின்னர் அவர் கூறுகையில், “சங்கரன் கோவில் அருகே உள்ள தேவர்குளம் பகுதியில் நடந்த சம்பவத்திற்கு காரணமான காவல் அதிகாரிகளை இடமாற்றம் செய்ய வேண்டும். அந்தப் பகுதியில் பொதுமக்கள் மீது போடப்பட்ட வழக்குகளை உடனடியாக வாபஸ் பெற வேண்டும் என கலெக்டரிடம் வலியுறுத்தியதாக தெரிவித்தார்.
News May 10, 2024
குழந்தை திருமணம் செய்தால் கடும் நடவடிக்கை
தென்காசி மாவட்ட ஆட்சியர் கமல் கிஷோர் இன்று வெளியிட்டுள்ள செய்திக்குறிப்பில், “குழந்தை திருமணம் தடை சட்டத்தின்படி குழந்தை திருமணம் நடைபெறுவது கண்டறியப்பட்டால் தொடர்புடையவர்களுக்கு 2 வருடம் சிறை தண்டனையும், ரூ.1 லட்சம் வரை அபராதமும் விதிக்கப்படும். எனவே திருமணம் நடத்தி வைக்கும் மதகுருமார்கள் மற்றும் சம்பந்தப்பட்ட அனைவர் மீதும் கடும் நடவடிக்கை எடுக்கப்படும்” என்றார்.
News May 10, 2024
தென்காசியில் மழைக்கு வாய்ப்பு
தென்காசி மாவட்டத்தில் இன்று (மே.10) மழைக்கு வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது. அதன்படி, இரவு 7 மணி வரை இடி, மின்னலுடன் கூடிய லேசானது முதல் மிதமானது வரை மழை பெய்ய வாய்ப்புள்ளதாக தெரிவித்துள்ளது. தமிழகத்தில் கடந்த சில நாட்களாகவே ஆங்காங்கு மழை பெய்து வருவது குறிப்பிடத்தக்கது.
News May 10, 2024
தென்காசியில் 7 நாட்களுக்கு மழை
தமிழகத்தில் இன்று முதல் 16-ம் தேதி வரை ஓரிரு இடங்களில் மழை பெய்ய வாய்ப்புள்ளது. இதுதொடர்பாக சென்னை வானிலை ஆய்வு மையம் வெளியிட்ட செய்திக்குறிப்பில், தென்காசி, விருதுநகர்,திண்டுக்கல், தேனி, திருநெல்வேலி மற்றும் கன்னியாகுமரி ஆகிய மாவட்டங்களில் பலத்த காற்றுடன் லேசானது முதல் மிதமான மழை பெய்யக் கூடும்.
News May 10, 2024
தென்காசி 21ஆவது இடம்!
10 ஆம் வகுப்பு மாணவர்களுக்கான பொதுத்தேர்வு முடிவுகள் இன்று (மே.10) வெளியாகியுள்ளது. அதன்படி தென்காசி மாவட்டத்தில் உள்ள அரசு பள்ளிகளின் தேர்ச்சி விகிதம் 88.95% ஆக பதிவாகியுள்ளது. இதில் மாணவர்கள் 83.93 சதவீதத்தில் தேர்ச்சி அடைந்துள்ளனர். மாணவியர் 93 சதவீதத்தில் தேர்ச்சி அடைந்துள்ளனர். அரசு பள்ளிகளில் தேர்ச்சி அடிப்படையில் தென்காசி மாவட்டம் 21ஆம் இடத்தைப் பிடித்திருப்பது குறிப்பிடத்தக்கது.
News May 10, 2024
10th RESULT: தென்காசியில் 92.69% தேர்ச்சி!
தமிழ்நாட்டில் 10ஆம் வகுப்பு மாணவர்களுக்கான பொதுத்தேர்வு முடிவுகள் இன்று (மே 10) வெளியாகியுள்ளது. அதன்படி தென்காசி மாவட்டத்தில் 92.69 % தேர்ச்சி விகிதம் பதிவாகியுள்ளது. இதில் மாணவர்கள் 89.93% பேர் தேர்ச்சி அடைந்துள்ளனர். மாணவியர் 95.46% தேர்ச்சி அடைந்துள்ளனர். www.tnresults.nic.in, www.dge.tn.gov.in ஆகிய இணையதளங்கள் மூலம் தேர்வு முடிகளை அறிந்து கொள்ளலாம்.
Featured News
Sorry, no posts matched your criteria.