India's largestHyperlocal short
news App
Get daily news updates that are tailored for you based on your preferred language & location.
download Way2News app now
Sivagangai
News November 8, 2024
மக்கள் குறைதீர்க்கும் சிறப்பு முகாம் ஆட்சியர் அறிவிப்பு
சிவகங்கை மாவட்டம் பொது விநியோகத்திட்டத்தில் 2024 ஆம் ஆண்டு நவம்பர் மாதத்திற்கான மக்கள் குறைதீர்க்கும் சிறப்பு முகாம் வருகின்ற 09.11.2024 (சனிக்கிழமை) அன்று காலை 10.00 மணி முதல் மதியம் 01.00 மணி வரை சிவகங்கை மாவட்டத்தில் உள்ள அனைத்து வட்ட வழங்கல் அலுவலகங்களிலும் நடைபெற உள்ளது. பொதுமக்கள் இதில் கலந்து கொண்டு மனு அளித்து பயன்பெறலாம் என மாவட்ட ஆட்சியர் ஆஷா அஜீத் தெரிவித்துள்ளார்.
News November 8, 2024
பைனான்சியர் கொலை வழக்கில் மேலும் ஒருவர் கைது
சிவகங்கை மாவட்டம் கீழ்வாணியங்குடி பைனான்சியர் மணிகண்டன் கொலை வழக்கில் ஏற்கனவே 8 பேர் கைதான நிலையில் ஒன்பதாம் நபராக சிவகங்கை NGO காலணியை சேர்ந்த சிங்கமுத்து (28) என்பவர் இன்று கைது செய்யப்பட்டார். மேலும் காவல்துறையினரிடமிருந்து தப்பிக்க முயற்சி செய்ததில் இடது கை முறிவு ஏற்பட்டது சிகிச்சைக்காக அரசு மருத்துவமனையில் அனுமதிக்கப்பட்டுள்ளார்.
News November 7, 2024
சிவகங்கை மாவட்ட எஸ்.பி. எச்சரிக்கை
வாணியங்குடி பகுதியில் மணிகண்டன் மற்றும் மாத்தூரில் லட்சுமி என்ற மூதாட்டியும் வெட்டி படுகொலை செய்யப்பட்டனர். இந்த இரு கொலை வழக்குகளிலும் தொடர்புடைய முக்கிய குற்றவாளியான தவம் (எ) முத்துராமலிங்கத்தை(41) போலீசார் கைது செய்து நீதிமன்ற காவலுக்கு உட்படுத்தப்பட்டுள்ளார். மேலும் இதுபோன்ற குற்றச்சம்பவங்களில் ஈடுபடுபவர்கள் மீது கடுமையான நடவடிக்கை எடுக்கப்படும் என சிவகங்கை எஸ்பி எச்சரிக்கை விடுத்துள்ளார்.
News November 7, 2024
தனிப்பிரிவு போலீசார் மாற்றம்
சிவகங்கை மாவட்டத்தில் தீபாவளியன்று 2 கொலைகள் நடைபெற்றன. இதில் கீழ்க்குளத்தைச் சேர்ந்த தவம்(41) என்பவர் மீது வழக்குகள் நிலுவையில் உள்ளன. அவரைக் கண்காணிக்க தவறியதற்காக சிவகங்கை நகர் தாலுகா தனிப்பிரிவு போலீசார் இடம் மாற்றம் செய்யப்பட்டனர். அதோடு மதகுப்பட்டி இளையான்குடி பூவந்தி தனிப்பிரிவு போலீசாரும் நேற்று மாற்றம் செய்யப்பட்டுள்ளதாக மாவட்ட கண்காணிப்பாளர் அலுவலகம் சார்பில் தெரிவிக்கப்பட்டுள்ளது.
News November 7, 2024
குளத்தில் மூழ்கி பெண் உயிரிழப்பு
சிவகங்கை மாவட்டம், கல்லலில் இன்று (நவ.7) கோபால் மனைவி முத்துலெட்சுமி என்பவர் கல்லல் தெப்பக்குளத்திற்கு குளிக்க வந்தபோது எதிர்பாரத விதமாக குளத்தில் தவறி விழுந்து மூழ்கி உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது. போலீசார் அவரது உடலை கைப்பற்றி பிரேத பரிசோதனைக்காக அனுப்பி வைத்து விசாரணை நடத்தி வருகின்றனர்.
News November 7, 2024
வீட்டில் வைத்திருந்த நாட்டு வெடிகுண்டுகள் பறிமுதல்
சிவகங்கை மாவட்டம், ஓட்ட குளத்தைச் சேர்ந்த சிங்கமுத்து மற்றும் அழகு சுந்தரம் ஆகியோர் மீது கொலை வழக்குகள் உள்ள நிலையில், சிவகங்கை தாலுகா போலீசார் நேற்று (நவ.6) அவர்களின் வீட்டில் சோதனை மேற்கொண்டனர். அதில் அவர்களது வீட்டில் மறைத்து வைத்திருந்த 13 நாட்டு வெடிகுண்டுகள் இருப்பதை கண்டறிந்த போலீசார் அவற்றை பறிமுதல் செய்து வழக்குப் பதிவு செய்து விசாரித்து வருகின்றனர்.
News November 7, 2024
என்எல்ஆர் நெல் விதை தட்டுப்பாடு
திருப்புவனம் மற்றும் அதன் சுற்றுவட்டார பகுதிகளில் 7500 ஏக்கருக்கு மேல் நெல் சாகுபடி செய்யப்படுகிறது. வட்டார வேளாண்மை அலுவலகம் மூலம் மானிய விலையில் விதை நெல் விநியோகிக்கப்பட்டு வருகிறது. தற்போது NLR ரக விதை நெல் தட்டுப்பாடாக உள்ளதால் வேளாண்மை அலுவலகத்தில் 50 கிலோ ரூ.1500 க்கு விற்கப்படுகின்றன. ஆனால் தனியார் உரக்கடைகளில் 25 கிலோ ரூ.1300 கொடுத்து அதிக விலைக்கு விவசாயிகள் வாங்கும் நிலை உள்ளது.
News November 7, 2024
துப்பாக்கியுடன் ரோந்து செல்லும் காவலர்கள் – எஸ்.பி உத்தரவு
சிவகங்கை மாவட்ட எஸ்.பி., டோங்கரே பிரவீன் உமேஷ் வெளியிட்டுள்ள செய்திக் குறிப்பில் கூறியதாவது; சிவகங்கை மாவட்டத்தில் குற்றச்சம்பவங்கள் நடைபெறும் முக்கிய பகுதிகள் அடையாளம் காணப்பட்டு போலீசாரின் வாகன ரோந்து மற்றும் தணிக்கை செய்யப்பட்டு வருகிறது. சில பிரச்னைக்குரிய பகுதிகளில் துப்பாக்கி ஏந்திய போலீசார் நியமிக்கப்பட்டு டூவீலர் மூலம் ரோந்து மற்றும் வாகன தணிக்கை செய்யப்படுகிறது என்றார்.
News November 7, 2024
ரேஷன் கடைகளில் வேலைவாய்ப்பு; இன்றே கடைசி நாள்!
தமிழகம் முழுவதும் உள்ள கூட்டுறவு சங்கங்களின் பதிவாளரின் கட்டுப்பாட்டில் உள்ள கூட்டுறவு சங்களால் நடத்தப்படும் நியாயவிலைக்கடைகளுக்கு விற்பனையளர்கள் & கட்டுநர்கள் பணிக்கு நேரடி நியமனம் மூலம் பணியமர்த்தப்படவுள்ளது. தகுதி வாய்ந்த விண்ணப்பதாரர்கள் இன்று(நவ.7) மாலை 5.45 மணிக்குள் ஆன்லைனில் விண்ணப்பிக்கலாம். சிவகங்கையில் உள்ள காலி பணியிடங்கள் நிரப்பப்படவுள்ளன. தமிழில் பேசவும், எழுதவும் வேண்டும். *SHARE*
News November 6, 2024
வேலைவாய்ப்பற்ற இளைஞர்கள் ஊக்கத்தொகை பெற விண்ணப்பிக்கலாம்
சிவகங்கை மாவட்டத்ஹ்டில் வேலைவாய்ப்பற்ற இளைஞர்களுக்கு தமிழக அரசால் அறிவிக்கப்பட்டுள்ள உதவித்தொகைக்கு மாவட்ட வேலைவாய்ப்பு அலுவலகத்தில் விண்ணப்பிக்கலாம். எனவே, இத்திட்டத்தின் கீழ் இதுவரை உதவித்தொகை பெறாத தகுதியான இளைஞர்கள் விண்ணப்பத்தினை பெற்று பூர்த்தி செய்து விண்ணப்பத்தை அலுவலகத்தில் வேலை நாட்களில் நேரில் சமர்ப்பித்து பயனடையுமாறு மாவட்ட ஆட்சியர் தெரிவித்துள்ளார்.
Featured News
Sorry, no posts matched your criteria.