News November 19, 2024

சிவகங்கையில் மழைக்கு வாய்ப்பு

வடகிழக்கு பருவமழை காரணமாக தமிழ்நாட்டில் இன்று(நவ.,19) 10 மாவட்டங்களில் மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. அதன்படி, சிவகங்கை, இராமநாதபுரம், தூத்துக்குடி, நெல்லை உள்ளிட்ட தென் மாவட்டங்களில் லேசான முதல் மிதமான மழை பெய்யும் எனவும் தெரிவிக்கப்பட்டுள்ளது. ஆதலால் சிவகங்கை மாவட்ட மக்கள் முன்னேற்பாடு செய்து கொள்வது நல்லது. SHARE IT.

News November 18, 2024

நவ.25 வரை நடைபெறும் தேசிய புத்தக கண்காட்சி

சிவகங்கையில் நியூ செஞ்சுரி புக் ஹவுஸ், தமிழ்நாடு கலை இலக்கிய பெருமன்றம் இணைந்து நடத்தும் 39-ஆவது தேசிய புத்தகக் கண்காட்சி வெள்ளிக்கிழமை தொடங்கியது. சிவகங்கை சத்தியமூர்த்தி தெருவில் உள்ள இந்திய கம்யூனிஸ்ட் கட்சியின் மாவட்ட அலுவலகத்தில் இந்தக் கண்காட்சி நடைபெறுகிறது. வருகிற 25-ஆம் தேதி வரை நடைபெறும் இந்தக் கண்காட்சியை தமிழ்நாடு விவசாய சங்க மாநிலத் தலைவர் குணசேகரன் திறந்து வைத்தார்.

News November 18, 2024

சக ஊழியருக்காக நிதி திரட்டிய காவலர்கள்; எஸ்.பி பாராட்டு

சிவகங்கை மாவட்ட குற்றப்பதிவேடு கூடத்தில் சிவகங்கையைச் சோ்ந்த பி.முத்துக்கிருஷ்ணன்(37) பணியாற்றி வந்தாா். இவா் கடந்த 8.6.2024 அன்று பணியிலிருந்தபோது மாரடைப்பால் உயிரிழந்தாா். இதையடுத்து, இவருடன் கடந்த 2009இல் காவல் துறையில் பணியில் சேர்ந்த சக காவலா்கள் ஒருங்கிணைந்து ரூ.24,48,893 நிதியாகத் திரட்டி நவ.17 முத்துக்கிருஷ்ணன் குடும்பத்தினரிடம் கொடுத்தனர். சிவகங்கை எஸ்.பி காவலர்களை பாராட்டினார்.

News November 18, 2024

சிவகங்கை தேர்வு முகவர்களுக்கான செய்தி 

டி என்பிசி நடத்தும் ஒருங்கிணைந்த தொழில்நுட்ப பணிகள் தேர்வு (நேர்முக தேர்வு பதவிகள்) இன்று (நவ.18), நாளை (நவ.19) ஆகிய தேதிகளில் நடைபெற உள்ளது. இந்த தேர்வுகள் காலை, மதியம் என்று மொத்தம் 2 அமர்வுகளால் நடைபெற உள்ளது. இதனால் சிவகங்கை மாவட்டத்தைச் சேர்ந்த தேர்வர்கள் காலையில் 8.30 மணிக்கும், மதியம் 1.30 மணிக்குள் வர வேண்டும் என மாவட்ட நிர்வாகம் அறிவுறுத்தியுள்ளது.

News November 18, 2024

கலவரத்தில் இறந்த துணைசிறை அலுவலருக்கு மரியாதை 

சென்னை மத்திய சிறைச்சாலையில் துணை சிறை அலுவலராக பணியில் இருந்த ஜெயக்குமார் அங்கு ஏற்பட்ட கலவரத்தினால் 17.11.1994 கைதிகளால் தாக்கப்பட்டு, உயிருடன் எரித்து கொல்லப்பட்டதையடுத்து அவரது சொந்த ஊரான சிவகங்கையில் குடும்பத்தினரால் நினைவு சதுக்கம் நிறுவப்பட்ட நிலையில் நேற்று சிவகங்கையில் அவரது உருவப் படத்திற்கு சிவகங்கை கிளைச்சிறை கண்காணிப்பாளர் பாலமுருகன் உட்பட பல சிறைத்துறை அதிகாரிகள் அஞ்சலி செலுத்தினர்.

News November 18, 2024

சிவகங்கை: பள்ளி விடுமுறையை தலைமையாசிரியர் அறிவிக்கலாம்

சிவகங்கை மாவட்டத்தில் இன்று(நவ.18) பெய்து வரும் கனமழை காரணமாக பள்ளிகளுக்கு விடுமுறை அளிப்பது குறித்த தகவலை சிவகங்கை ஆட்சியர் ஆஷா அஜீத் வெளியிட்டுள்ளார். மழையின் காரணமாக விடுமுறை அளிப்பதை அந்த பள்ளியின் தலைமையாசிரியரே முடிவெடுக்கலாம் என ஆட்சியர் அறிவுறுத்தியுள்ளார். ஆதலால் பெற்றோர்கள் தங்களது குழந்தைகள் பயிலும் பள்ளியின் தலைமையாசிரியரிடமே விடுமுறை குறித்து கேட்டறியலாம்.

பகிரலாம்

News November 18, 2024

சிவகங்கை மாவட்டத்திற்கு கனமழை எச்சரிக்கை!

தமிழகத்தில் இன்று(நவ.18) வடகிழக்கு பருவமழை காரணமாக 12 மாவட்டங்களில் கனமழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. அந்தவகையில், சிவகங்கை, இராமநாதபுரம், தூத்துக்குடி, நெல்லை உள்ளிட்ட தென் மாவட்டங்களில் 24 மணி நேரத்திற்கு ஒரிரு இடங்களில் கனமழை பெய்யும் எனவும் தெரிவிக்கப்பட்டுள்ளது. சிவகங்கை மாவட்ட மக்கள் தங்களது பணிகளை முன்னேற்பாடு செய்து கொள்ளவும். *பகிரவும்*

News November 17, 2024

பயிர் காப்பீடு திட்டத்திற்கு கால அவகாசம் நீட்டிப்பு

சிவகங்கை மாவட்டத்தில் தமிழ்நாடு அரசு வேளாண்மை உழவர் நலத்துறை பிரதம மந்திரியின் பயிர் காப்பீடு திட்டம் பிரிமியம் செலுத்த கடைசி நாள் நவ.15 என அறிவிக்கப்பட்டிருந்தது. தற்போது அதற்கான கால அவகாசம் நவம்பர் 30 வரை நீட்டிக்கப்பட்டுள்ளதாக மாவட்ட ஆட்சியர் ஆஷா அஜீத் தகவல் தெரிவித்துள்ளார். காப்பீடு புதுப்பிக்காத அல்லது பதியாத விவசாயிகள் விரைந்து பதிவு செய்ய வேளாண்மை உதவி இயக்குனர் தெரிவித்துள்ளார்.

News November 17, 2024

சிறுபான்மையின மக்கள் பிரதிநிதிகளுடன் கலந்துரையாடல்

தமிழ்நாடு மாநில சிறுபான்மையினர் ஆணையத் தலைவர் அருட்தந்தை சொ.ஜோ.அருண் நவ.19 அன்று சிறுபான்மையினர் சமுதாயத்தை சார்ந்த தலைவர்கள், சிறுபான்மையின மக்கள் பிரதிநிதிகளுடன் மாவட்ட ஆட்சியர் அலுவலகக் கூட்ட அரங்கில், சிறுபான்மையினருக்கென தமிழ்நாடு அரசு செயல்படுத்தும் பல்வேறு நலத்திட்டங்கள் குறித்து, ஆலோசனை, கருத்துக்களை கேட்டறியும் கலந்துரையாடல் கூட்டம் மேற்கொள்ளவுள்ளார் என மாவட்ட ஆட்சியர் தெரிவித்துள்ளார்.

News November 17, 2024

124 கிலோ கஞ்சாவை கைப்பற்றிய காரைக்குடி போலீசார்

காரைக்குடி: காரைக்குடியில் 124 கிலோ கஞ்சா கடத்தல் வழக்கில் தேடப்பட்ட இருவர், அந்தமான் தப்பிய நிலையில் காரைக்குடி போலீசார் இருவரை கைது செய்தனர். கடத்தலில் ஈடுபட்ட, விஜயவாடாவைச் சேர்ந்த 5 பேரை போலீசார் கைது செய்ததோடு ஒரு கார், பைக் மற்றும் 5 அலைபேசி மற்றும் 124 கிலோ கஞ்சாவை பறிமுதல் செய்தனர். இதற்குப் பின்னால் யாராவது இருக்கிறார்களா என விசாரித்து வருகின்றனர்.