India's largestHyperlocal short
news App
Get daily news updates that are tailored for you based on your preferred language & location.
download Way2News app now
Salem
News March 30, 2025
சேலத்தில் கொளுத்தும் வெயில்
சேலம் மாவட்டத்தில் தொடர்ந்து 3-வது நாளாக 100 டிகிரி ஃபாரன்ஹீட்டைத் தாண்டி வெயில் சுட்டெரித்து வருகிறது. ▶ காலை 11 மணி முதல் பிற்பகல் 3 மணி வெளியே செல்வதை தவிர்க்கவும். ▶ தேநீர், காபி மது மற்றும் கார்பன் ஏற்றப்பட்ட (Carbonated) குளிர்பானங்கள் போன்றவற்றை அருந்துவதை தவிர்க்க வேண்டும். இவை உடலில் நீரிழப்பை ஏற்படுத்தும். மக்களே இதை உங்க உறவினர்களுக்கு Share பண்ணுங்க.
News March 29, 2025
சேலம் மாவட்ட இரவு ரோந்து போலீசார் விவரம்
சேலம் ஊரகம், வாழப்பாடி, ஆத்தூர், தலைவாசல், கருமந்துறை, எடப்பாடி, சங்ககிரி, ஓமலூர்,மேட்டூர் ஆகிய பகுதிகளில் இரவு நேரங்களில் குற்றச்செயல்கள் நடக்காமல் தடுத்திடவும், இயற்கை இடர்பாடுகளில் சிக்கும் மக்களை காத்திடவும், அந்தந்த பகுதியில் உள்ள காவல்துறை அதிகாரிகள், இரவு நேரங்களில் முழு ரோந்து பணியில் ஈடுபடுவது வழக்கம். அதன்படி இன்று மார்ச்.29 இரவு பணியில் ஈடுபடும் அதிகாரிகள் விபரம் வெளியிடப்பட்டுள்ளது.
News March 29, 2025
சேலத்தில் 103.6 டிகிரி ஃபாரன்ஹீட் வெப்பம் பதிவு
சேலம் மாவட்டத்தில் தொடர்ந்து 3-வது நாளாக 100 டிகிரி ஃபாரன்ஹீட்டைத் தாண்டி இன்று (மார்ச் 29) 103.6 டிகிரி ஃபாரன்ஹீட் என்ற அளவில் வெப்பம் பதிவாகியுள்ளது. தொடர்ந்து சுட்டெரித்து வரும் வெயிலால் பொதுமக்கள் கடும் சிரமமடைந்துள்ளனர். பகல் நேரங்களில் கடைவீதி உள்ளிட்டப் பகுதிகளில் மக்கள் நடமாட்டம் குறைந்த அளவிலே காணப்படுகிறது.
News March 29, 2025
கிராம மக்கள் ஏற்பாடு செய்த விருந்தில் ஆட்சியர் பங்கேற்பு
அயோத்தியாப்பட்டணம் ஊராட்சி ஒன்றியம், வீராணம் கிராம ஊராட்சி தீண்டாமை கடைபிடிக்காத மற்றும் நல்லிணக்கத்துடன் வாழும் கிராமமாக 2024-25 ஆம் ஆண்டிற்கு தேர்வு செய்யப்பட்டதையொட்டி, இன்று (மார்ச் 29) நடைபெற்ற கிராம சபைக்கூட்டத்தில் வீராணம் கிராம பொதுமக்களால் ஏற்பாடு செய்யப்பட்டிருந்த சமபந்தி விருந்தில் மாவட்ட ஆட்சியர் டாக்டர்.பிருந்தாதேவி, பங்கேற்றார்.
News March 29, 2025
மாற்றுத்திறனாளியிடம் பண மோசடி செய்த பெண் கைது
அரியலூர் மாவட்டத்தைச் சேர்ந்த மாற்றுத்திறனாளி அரவிந்த்சாமியிடம், துணை முதலமைச்சர் உதயநிதி ஸ்டாலினின் பெயரைப் பயன்படுத்தி, அரசு வேலை வாங்கி தருவதாகக் கூறி, சேலம் செவ்வாய்பேட்டை பகுதியைச் சேர்ந்த வித்யா ராஜ் என்ற இளம்பெண், பண மோசடி செய்துள்ளார். மாற்றுத்திறனாளி அளித்த புகாரின் பேரில் செவ்வாய்பேட்டை காவல்துறையினர் அந்த பெண்ணை கைது செய்து சிறையில் அடைத்தனர்.
News March 29, 2025
திருமண வரம் அருளும் தாரமங்கலம் கோவில்!
சேலம்: தாராமங்கலத்தில் கைலாசநாதர் கோயில் உள்ளது. இக்கோயில் சிற்ப கலைக்கு புகழ்பெற்றது. இங்குள்ள சிங்கத்தின் வாயில் உருளும் கல், இராமன் வாலியை வதைக்கும் சிற்பம் வியப்புக்குரியவை. இத்தலத்திலேயே சிறப்பான சன்னதி பாதாள லிங்கம் சன்னதியாகும். இந்த லிங்கத்திற்கு பச்சை கற்பூரம் வைத்து செவ்வாய்க்கிழமை தோறும் அபிஷேகம் செய்தால் கல்யாண பாக்கியம், புத்திர பாக்கியம், தொழில் விருத்தி கை கூடும் என்பது நம்பிக்கை.
News March 29, 2025
தீராத நோயை தீர்க்கும் கஞ்சமலை சித்தேஸ்வரர்..!
சேலம் மாவட்டம், இளம்பிள்ளை அருகே அமைந்துள்ள 1000 ஆண்டுகள் பழமை வாய்ந்த கஞ்சமலை சித்தர்கோவில் இக்கோவிலுக்கு அமாவாசையன்று பக்தர்கள் ஏராளமானோர் வருகின்றனர். அமாவாசை கோவில் என்ற பெயர் கூட உண்டு. தீராத நோய்யுள்ளவர்கள் சித்தேஸ்வரரை வணங்கி, கோவிலில் உள்ள தீர்த்ததை தலையில் தெளித்தால் நலம் பெறலாம் என்பது நம்பிக்கை.
News March 29, 2025
சேலம் இன்றைய முக்கிய நிகழ்வுகள்
சேலம் மாவட்டத்தில் மார்ச் 29 இன்றைய முக்கிய நிகழ்வுகள் ▶️காலை ஒன்பதரை மணி ஓமலூர் பேருந்து நிலையத்தில் அதிமுக பொதுச் செயலாளர் எதிர்க்கட்சி தலைவர் எடப்பாடி பழனிசாமி நீர் மோர் பந்தல் திறப்பு▶️ காலை 10 மணி தமிழ்நாடு பாண்டிச்சேரி வழக்குகள் கூட்டமைப்பின் மாநில உரிமை மீட்பு மாநாடு (மூன்று ரோடு) ▶️காலை 11 மணி ஊராட்சி ஒன்றியங்களில் மத்திய பாஜக அரசு கண்டித்து திமுகவினர் ஆர்ப்பாட்டம்.
News March 29, 2025
அதிமுக நிர்வாகியை வெட்டிய வியாபாரி கைது
ஆத்தூர் நரசிங்கபுரம் தில்லை நகர் பகுதியை சேர்ந்தவர் ஸ்ரீராம் (52). இவர் அதிமுக முன்னாள் நரசிங்கபுரம் நகராட்சி தலைவர். இவருக்கும் அதே பகுதியைச் சேர்ந்த பழ வியாபாரி கணேசனுக்கும் தகராறு ஏற்பட்டு, நேற்று முன்தினம் கணேசன், ஸ்ரீராமை கத்தியால் வெட்டினார். இதில் படுகாயம் அடைந்த ஸ்ரீராமை அப்பகுதியினர் மீட்டு மருத்துவமனைக்கு சிகிச்சைக்கு அனுப்பினர். இந்தநிலையில் நேற்று கணேசனை போலீசார் கைது செய்தனர்.
News March 28, 2025
கல்யாண பாக்கியம் தரும் பேளூர் கோயில்!
சேலம்: பேளூரில் தான்தோன்றீஸ்வரர் கோயில் உள்ளது. இக்கோயில் கி.பி.12ம் நூற்றாண்டில் சோழர்களால் கட்டப்பட்டது. மூலவர் தான்தோன்றீஸ்வரர் (சிவன்),இறைவி தர்மசம்வர்த்தினி என்று அழைக்கப்படுகிறார். இத்தலத்தில் கல்யாண விநாயகருக்கு மாலை,தேங்காய், பழம், கடலை, சர்க்கரை வைத்து அர்ச்சனை செய்து மாலையை விநாயகர் கழுத்தில் போட்டால் கல்யாண பாக்கியம் கைகூடும். மனமுருக வேண்டினால் கல்யாணம், குழந்தை பாக்கியம் கிட்டும்.
Featured News
Sorry, no posts matched your criteria.